സിന്ധുനദീ ജലകരാര്‍ ഇന്ത്യ മരവിപ്പിച്ചതിനെ കുറിച്ച് പ്രധാനമന്ത്രി നരേന്ദ്രമോദി തുറന്ന പ്രതികരണം നടത്തി. ഇന്ത്യയില്‍ നിന്ന് ഒഴുകിയ വെള്ളം ഇതുവരെ പുറത്തേക്കായിരുന്നു,
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ചാനലിൽ ജോയിൻ ചെയ്യുക*https://chat.whatsapp.com/L8BJmJfbOavAp2wvXCcWKc
എന്നാല്‍ ഇനി അതൊക്കെ രാജ്യത്തിനകത്തുതന്നെ ഉപയോഗിക്കപ്പെടും എന്നാണ് മോദിയുടെ ഉറച്ച നിലപാട്. ഒരു സ്വകാര്യ ടിവി ചാനലിന് നല്‍കിയ അഭിമുഖത്തിലാണ് പ്രധാനമന്ത്രി ഈ അഭിപ്രായം പങ്കുവെച്ചത്.”ഇന്ത്യയുടെ വെള്ളം ഇനി ഇന്ത്യയ്ക്കുള്ളിലാണ്. ജനാധിപത്യ സംവിധാനത്തിലൂടെ വലിയ കാര്യങ്ങള്‍ സാധ്യമാകുന്നുവെന്ന് നമ്മള്‍ അഭിമാനത്തോടെ പറയാന്‍ കഴിയുന്ന അവസ്ഥയിലേക്കാണ് ഇന്ത്യ എത്തുന്നത്,” എന്നും അദ്ദേഹം പറഞ്ഞു. രാജ്യം അതിവേഗം പുരോഗതിയുടെ പാതയില്‍ മുന്നേറുകയാണെന്നും മോദി കൂട്ടിച്ചേര്‍ത്തു.സിന്ധുനദീ കരാറിന് ഇന്ത്യ എടുത്ത പുതിയ നിലപാട് രാജ്യത്തെ മാധ്യമങ്ങളില്‍ ചൂടേറിയ ചര്‍ച്ചയാണ്. “ഭാവിയില്‍ ഇന്ത്യയുടെ താത്പര്യത്തിനായി ഇന്ത്യയുടെ വെള്ളം മാത്രം ഉപയോഗിക്കപ്പെടും,” എന്നും പ്രധാനമന്ത്രി വ്യക്തമാക്കി.വഖഫ് നിയമ പരിഷ്‌കരണത്തെക്കുറിച്ചും പ്രധാനമന്ത്രി അഭിപ്രായപ്പെട്ടു. കാലോചിതമായ ആവശ്യം ആണിത്, പക്ഷേ വോട്ടബാങ്ക് നിലനിര്‍ത്താനുള്ളതിന്റെ പേരില്‍ ചിലര്‍ അതിനെ എതിര്‍ക്കുന്നു. ദരിദ്ര മുസ്ലീം സമൂഹത്തെ ഉദ്ദേശിച്ചുള്ള സംരക്ഷണത്തിനാണ് ഭേദഗതി ലക്ഷ്യമിടുന്നത് എന്നും അദ്ദേഹം പറഞ്ഞു.2047 ഓടെ ഇന്ത്യയെ വികസിത രാജ്യമായി മാറ്റാനുള്ള ദിശയിലാണിപ്പോള്‍ എല്ലാ ശ്രമങ്ങളും മുന്നോട്ട് പോകുന്നതെന്നും അതിന് വേണ്ട മുഴുവന്‍ വിഭവങ്ങളും രാജ്യം നേടിയിട്ടുണ്ടെന്നും മോദി ഉറപ്പ് നല്‍കി.ഈ വിഷയങ്ങള്‍ രാജ്യത്ത് രാഷ്ട്രീയ ചൂടേറിയ ചര്‍ച്ചകള്‍ക്ക് വാതായനം തുറക്കുന്നുണ്ട്.