ജാമിയ മില്ലിയ ഇസ്‌ലാമിയ (Jamia Millia Islamia) സര്‍വകലാശാലയില്‍ വിവിധ നോണ്‍ ടീച്ചിങ് തസ്തികകളിലേക്ക് പുതിയ നിയമനം നടക്കുന്നു, ക്ലര്‍ക്കുകള്‍ മുതല്‍ ഡെപ്യൂട്ടി രജിസ്ട്രാര്‍ തസ്തിക വരെയുളള നിയമനമാണ് ആരംഭിച്ചിരിക്കുന്നത്.
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ചാനലിൽ ജോയിൻ ചെയ്യുക*https://chat.whatsapp.com/JKfKreIIgreL25FBiuVoL0
താല്‍പര്യമുള്ള ഉദ്യോഗാര്‍ഥികള്‍ ജൂലൈ 31ന് മുമ്പായി അപേക്ഷ ഫോം പൂരിപ്പിച്ച് തപാല്‍ മുഖേന യൂണിവേഴ്‌സിറ്റിയിലേക്ക് അയക്കേണ്ടതാണ്.മൊത്തം 143 ഒഴിവുകളാണ് ഇത്തവണയുള്ളത്. അതിൽ ഡെപ്യൂട്ടി രജിസ്ട്രാര്‍ തസ്തികയിലേക്ക് 2 ഒഴിവ്, സെക്ഷന്‍ ഓഫീസര്‍ – 9, അസിസ്റ്റന്റ് – 12, ലോവര്‍ ഡിവിഷന്‍ ക്ലര്‍ക്ക് – 60, മള്‍ട്ടി ടാസ്‌കിങ് സ്റ്റാഫ് – 60 എന്നിങ്ങനെയാണ് ഒഴിവുകളുടെ വിന്യാസം. പ്രായപരിധി ഡെപ്യൂട്ടി രജിസ്ട്രാറിനായി 50 വയസും മറ്റുള്ള തസ്തികകളിൽ 40 വയസും ആണ്.യോഗ്യതകളില്‍ ഓരോ തസ്തികയ്ക്കും വ്യത്യാസമുണ്ട്. ഡെപ്യൂട്ടി രജിസ്ട്രാറിനായി അംഗീകൃത യൂണിവേഴ്‌സിറ്റിയില്‍ നിന്നുള്ള പി.ജി യോഗ്യതയും അസിസ്റ്റന്റ് രജിസ്ട്രാര്‍ തസ്തികയില്‍ 5 വര്‍ഷത്തെ പരിചയവുമാണ് ആവശ്യമായത്. സെക്ഷന്‍ ഓഫീസര്‍ക്കും അസിസ്റ്റന്റിനും ഡിഗ്രിയോടൊപ്പം കുറിച്ചുനൽകിയ വര്‍ഷങ്ങളുടെ ജോലിപരിചയമുണ്ടായിരിക്കണം. ക്ലര്‍ക്കിനായി ടൈപ്പിംഗും കമ്പ്യൂട്ടര്‍ പരിജ്ഞാനവും ആവശ്യമാണ്. മള്‍ട്ടി ടാസ്‌കിങ് സ്റ്റാഫിന് പത്താം ക്ലാസ് അല്ലെങ്കില്‍ ഐ.ടി.ഐ യോഗ്യത മതിയാകും. ഹിന്ദിയും ഉറുദുവും സംസാരിക്കാന്‍ അറിയേണ്ടതുമാണ്.തെരഞ്ഞെടുക്കപ്പെടുന്നവര്‍ക്ക് പ്രതിമാസ ശമ്പളം 19,900 മുതല്‍ രണ്ട് ലക്ഷം രൂപവരെയായിരിക്കും. അപേക്ഷാ ഫോം ജാമിയ മില്ലിയ ഇസ്‌ലാമിയയുടെ ഔദ്യോഗിക വെബ്സൈറ്റ് സന്ദര്‍ശിച്ച് പൂരിപ്പിച്ച്, അതിന് ശേഷം Registrar’s Office, 2nd Floor, Jamia Millia Islamia, Maulana Mohamed Ali Jauhar Marg, Jamia Nagar, New Delhi – 110025 എന്ന വിലാസത്തിലേക്ക് തപാല്‍ മുഖേന അയക്കേണ്ടതാണ്.
