സുൽത്താൻ ബത്തേരി: വയനാട് ജില്ലയിൽ മഴക്കാല വിനോദസഞ്ചാരത്തിന് ആധുനികതയും ആഹ്ലാദവും പകരുകയാണ് ‘മഡ് ഫെസ്റ്റ് സീസൺ-3’. ജില്ല ടൂറിസം പ്രമോഷൻ കൗൺസിലിന്റെ നേതൃത്വത്തിൽ സംഘടിപ്പിക്കുന്ന മഡ് ഫെസ്റ്റിന് വനം-പരിസ്ഥിതി-ലേബർ വകുപ്പ് മന്ത്രി പി.എ. മുഹമ്മദ് റിയാസ് തുടക്കം കുറിച്ചു.മൺസൂൺ ടൂറിസത്തെ
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ചാനലിൽ ജോയിൻ ചെയ്യുക*https://chat.whatsapp.com/JKfKreIIgreL25FBiuVoL0
പ്രോത്സാഹിപ്പിക്കുന്നതിന്റെ ഭാഗമായി നടത്തുന്ന ഇവന്റ്, വിനോദപ്രേമികൾക്കും യാത്രികർക്കും ഒരുപിടി ആകർഷണങ്ങളുമായി മുന്നോട്ടുപോകുകയാണ്. ഫെസ്റ്റിന്റെ ആദ്യദിനം നടന്ന മഡ് ഫുട്ബോൾ മത്സരം ഏറെ ആവേശം നിറച്ചു. 14 പ്രൊഫഷണൽ ടീമുകൾ പങ്കെടുത്ത മത്സരത്തിൽ എട്ട് ടീമുകൾ ജൂലൈ 15ന് വള്ളിയൂർകാവ്, മാനന്തവാടിയിൽ നടക്കാനിരിക്കുന്ന ഫൈനലിലേക്ക് യോഗ്യത നേടി.ഒന്ന് മുതൽ നാലു വരെയുള്ള സ്ഥാനങ്ങൾ നേടുന്ന ടീമുകൾക്ക് യഥാക്രമം ₹15000, ₹10000, ₹4000, ₹4000 എന്നിങ്ങനെയുള്ള സമ്മാനങ്ങൾ നൽകും.ജൂലൈ 17 വരെയാണ് ടൂറിസം വകുപ്പ്, ജില്ല ടൂറിസം കൗൺസിൽ, വിവിധ ടൂറിസം സംഘടനകൾ എന്നിവയുടെ സഹകരണത്തോടെ നിരവധി പരിപാടികൾ സംഘടിപ്പിക്കുന്നത്.മഡ് ഫെസ്റ്റിന്റെ ഉദ്ഘാടനച്ചടങ്ങിൽ എം.എൽ.എമാരായ ഐ.സി. ബാലകൃഷ്ണൻ, ടി. സിദ്ദീഖ്, ജില്ല കലക്ടർ ഡി.ആർ. മേഘശ്രീ, ഡിടിപിസി സെക്രട്ടറി ബിനോഷ് കുഞ്ഞപ്പൻ എന്നിവരും പങ്കെടുത്തു.
