കേരളത്തില്‍ അടുത്ത കുറച്ച് ദിവസങ്ങൾ ശക്തമായ മഴയ്ക്ക് സാധ്യതയുള്ളതായി കാലാവസ്ഥാ വകുപ്പ് മുന്നറിയിപ്പ് നല്‍കിയിട്ടുണ്ട്.
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ചാനലിൽ ജോയിൻ ചെയ്യുക*https://chat.whatsapp.com/JKfKreIIgreL25FBiuVoL0
ഇന്നും സംസ്ഥാനത്ത് ചിലയിടങ്ങളിൽ ഒറ്റപ്പെട്ട മഴ പെയ്യുമെന്നു നിരീക്ഷണമുണ്ട്. കാസര്‍ഗോഡ് മുതല്‍ മലപ്പുറം വരെ അഞ്ചു ജില്ലകളില്‍ യെല്ലോ അലര്‍ട്ട് പ്രഖ്യാപിച്ചിരിക്കുകയാണ്.നാളെ മുതല്‍ മഴയുടെ തീവ്രത കൂടാമെന്നാണു കാലാവസ്ഥാ കേന്ദ്രത്തിന്റെ വിലയിരുത്തല്‍. നാളെ കാസര്‍ഗോഡ്, കണ്ണൂര്‍, എറണാകുളം, ഇടുക്കി, തൃശൂര്‍ ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം ഒഴികെയുള്ള എല്ലാ ജില്ലകളിലും മഴ മുന്നറിയിപ്പ് നിലവിലുണ്ട്.മലയോരങ്ങളും തീരദേശങ്ങളുമായ മേഖലകളില്‍ ശക്തമായ കാറ്റ് വീശാനും ഉയർന്ന തിരമാലകള്‍ ഉണ്ടാകാനും സാധ്യതയുള്ളതിനാല്‍ ഇവിടങ്ങളില്‍ ജാഗ്രത പാലിക്കണമെന്ന് അധികൃതര്‍ അറിയിച്ചിട്ടുണ്ട്.ഗംഗാതടത്തില്‍ പശ്ചിമ ബംഗാള്‍, ബംഗ്ലാദേശ് ഭാഗങ്ങളില്‍ നിലകൊണ്ടിരുന്ന ന്യൂനമര്‍ദം തീവ്രമായി മാറിയതായി റിപ്പോര്‍ട്ട് ചെയ്തിട്ടുണ്ട്. ഇതിന്റെ സ്വാധീനമാണ് കേരളത്തിലെ മഴയ്ക്ക് ഇടയാക്കുന്നതെന്ന് വിലയിരുത്തപ്പെടുന്നു.ജൂലൈ 14 മുതല്‍ 18 വരെയുള്ള ദിവസങ്ങളില്‍ ഒറ്റപ്പെട്ടയിടങ്ങളില്‍ ശക്തമായ മഴക്കും ചില ദിവസങ്ങളില്‍ അതിശക്തമായ മഴയ്ക്കും സാധ്യതയുണ്ട്. മണിക്കൂറില്‍ 40 മുതല്‍ 50 കിലോമീറ്റര്‍ വരെ വേഗതയില്‍ കാറ്റ് വീശിയേക്കുമെന്നുമാണ് മുന്നറിയിപ്പ്.
