സംസ്ഥാനത്ത് സ്വര്‍ണവിലയില്‍ ചെറിയതോതിലുള്ള ഇടിവാണ് ഇന്നത്തെ പ്രധാന മാറ്റം. ഒരു പവന്‍ സ്വര്‍ണത്തിന് 360 രൂപ കുറവുണ്ടായി. ഇതോടെ പവന്‍റെ വില 72,800 രൂപയായി.
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ചാനലിൽ ജോയിൻ ചെയ്യുക*https://chat.whatsapp.com/JKfKreIIgreL25FBiuVoL0
ഗ്രാമിന് 45 രൂപയാണ് കുറഞ്ഞത്, നിലവില്‍ ഒരു ഗ്രാം സ്വര്‍ണത്തിന് 9100 രൂപയാണ് നിരക്ക്. കഴിഞ്ഞ കുറച്ച് ദിവസങ്ങളിലായി സ്വര്‍ണവില സ്ഥിരമായി ഉയരുന്നതും കുറയുന്നതുമായ നിലയിലായിരുന്നു. വെള്ളിയാഴ്ച മുതല്‍ വില വീണ്ടും കുതിച്ചുയരാന്‍ തുടങ്ങിയെങ്കിലും ഇന്നത്തെ നിലയില്‍ ചെറിയ കുറവാണ് രേഖപ്പെടുത്തിയത്. കഴിഞ്ഞ ദിവസങ്ങളില്‍ മാത്രം 1240 രൂപയുടെ വര്‍ധനയായിരുന്നു ഉണ്ടായത്. ഈ മാസം തുടങ്ങുമ്പോള്‍ സ്വര്‍ണവില 72,160 രൂപയായിരുന്നു. ജൂണ്‍ 13ന്, ഏപ്രില്‍ 22ന് രേഖപ്പെടുത്തിയ 74,320 രൂപ എന്ന റെക്കോര്‍ഡ് വില ഭേദിച്ചുകഴിഞ്ഞിരുന്നു. അതിന് പിന്നാലെ വില കുറയാന്‍ തുടങ്ങിയ സാഹചര്യത്തിലാണ് ഇന്നത്തെ ഇളവ്.
