കേരളം വിദ്യാഭ്യാസ രംഗത്ത് രാജ്യത്തിന് മാതൃകയായെന്ന് പൊതുവിദ്യാഭ്യാസ വകുപ്പ് മന്ത്രി വി. ശിവൻകുട്ടി. കൊടുവായൂർ ഗവ. ഹയർ സെക്കൻഡറി സ്കൂളിന്റെ പുതിയ കെട്ടിടത്തിന്റെ ഉദ്ഘാടനം നിർവഹിച്ചു സംസാരിക്കുകയായിരുന്നു മന്ത്രി.
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ചാനലിൽ ജോയിൻ ചെയ്യുക*https://chat.whatsapp.com/JKfKreIIgreL25FBiuVoL0
വിദ്യാർത്ഥികളുടെ നേട്ടങ്ങളെ അടിസ്ഥാനമാക്കിയുള്ള കേന്ദ്ര സർക്കാരിന്റെ സർവേയിൽ 16-ാം സ്ഥാനത്തുണ്ടായിരുന്ന കേരളം ഇപ്പോൾ രണ്ടാം സ്ഥാനത്തേക്ക് ഉയർന്നു. രാജ്യത്തിൻ്റെ ജില്ലകളിൽ വിദ്യാഭ്യാസ നിലവാരം പരിശോധിച്ചപ്പോൾ കേരളം ആദ്യ ശ്രേണിയിൽ ഉണ്ടായിരുന്നെന്നും അദ്ദേഹം വ്യക്തമാക്കി.പാഠപുസ്തകത്തിന് അതീതമായി കുട്ടികളുടെ സമഗ്ര വളർച്ച ലക്ഷ്യമിട്ടാണ് വിദ്യാഭ്യാസം മുന്നോട്ടുപോകേണ്ടത്. അറിവിനൊപ്പം സാമൂഹിക ഉത്തരവാദിത്തവും കലയും കായിക കഴിവുകളും കുട്ടികളിൽ വളർത്തേണ്ടതുണ്ടെന്നും മന്ത്രി പറഞ്ഞു. സംസ്ഥാനത്തെ സ്കൂളുകൾ ഏറെ പ്രതിഭാശാലികളെയാണ് പങ്കുവെച്ചിട്ടുള്ളതെന്നും കുട്ടികൾക്ക് മികച്ച പഠനാന്തരീക്ഷം ഒരുക്കാനുള്ള പ്രവർത്തനങ്ങൾ തുടരുമെന്നും അദ്ദേഹം വ്യക്തമാക്കി.സംസ്ഥാനത്തെ 14,000-ത്തോളം സ്കൂളുകളിലെ പ്രധാന പ്രശ്‌നങ്ങൾ പരിഹരിച്ചിട്ടുണ്ടെന്നും, കൂടുതലും അടയ്ക്കപ്പെടാനായിരുന്ന നിരവധി സ്കൂളുകൾ വീണ്ടും സജീവമാക്കിയതായും മന്ത്രി വ്യക്തമാക്കി. കഴിഞ്ഞ ഒൻപത് വർഷമായി പൊതു വിദ്യാഭ്യാസ മേഖലയെ മാതൃകാപരമായി മുന്നോട്ട് നയിച്ചിരിക്കുന്നതായും അദ്ദേഹം കൂട്ടിച്ചേർത്തു.
