പല വര്‍ഷങ്ങളായി സ്‌കൂള്‍ ഉച്ചഭക്ഷണത്തില്‍ പതിവായി സംഭവിക്കാറുള്ള സാമ്ബാറും തോരനും പോലുള്ള വിഭവങ്ങള്‍ക്ക് ഇനി മാറ്റമാകും. വിദ്യാര്‍ത്ഥികളുടെ ആരോഗ്യത്തിനും പോഷകാഹാരത്തിനും കൂടുതല്‍ പ്രാധാന്യം നല്‍കി സംസ്ഥാന സര്‍ക്കാര്‍ ഉച്ചഭക്ഷണ പദ്ധതിയില്‍ വലിയ മാറ്റങ്ങള്‍ കൊണ്ടുവരുകയാണ്.
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ചാനലിൽ ജോയിൻ ചെയ്യുക*https://chat.whatsapp.com/JKfKreIIgreL25FBiuVoL0
നാളെ മുതല്‍ സംസ്ഥാനത്തെ എല്ലാ സര്‍ക്കാര്‍ സ്‌കൂളുകളിലും പുതുക്കിയ മെനുവിനനുസരിച്ച് ഉച്ചഭക്ഷണം വിതരണം ചെയ്യും. വെള്ളിയാഴ്ച ഉച്ചഭക്ഷണത്തിലാണ് പുതുക്കിയ വിഭവങ്ങളുടെ വിതരണത്തിന് തുടക്കം കുറിക്കുക.പുതിയ മെനുവിന്റെ ഭാഗമായി ആഴ്ചയില്‍ ഒരുദിവസം കുട്ടികള്‍ക്ക് വെജിറ്റബിള്‍ ഫ്രൈഡ് റൈസ്, ലെമണ്‍ റൈസ്, ടൊമാറ്റോ റൈസ്, കോക്കനട്ട് റൈസ്, വെജിറ്റബിള്‍ ബിരിയാണി എന്നിവയില്‍ ഏതെങ്കിലും ഒന്ന് നല്‍കും. ഈ വിഭവങ്ങളോടൊപ്പം പുതിന, ഇഞ്ചി, നെല്ലിക്ക, പച്ചമാങ്ങ തുടങ്ങിയ ഘടകങ്ങള്‍ ചേര്‍ത്തിരിക്കുന്ന ഒരു പ്രത്യേകതരം ചമ്മന്തിയും ഉണ്ടാകും. ഇവക്ക് പുറമെ കുറുമയോ മറ്റ് വെജിറ്റബിള്‍ കറികളോ നല്‍കാന്‍ നിർദ്ദേശമുണ്ട്. ശേഷമുള്ള ദിവസങ്ങളില്‍ റാഗി, ചെറുധാന്യങ്ങള്‍ എന്നിവ ഉപയോഗിച്ച് തയ്യാറാക്കുന്ന രുചിയൂറും ആരോഗ്യപരവുമായ വിഭവങ്ങളായ പായസവും കൊഴുക്കട്ടയും ഇലയടയും മറ്റ് വിഭവങ്ങളും കുട്ടികള്‍ക്ക് ലഭ്യമാകും.നാടന്‍ പച്ചക്കറികളായ ചീര, മുരിങ്ങ, ചക്കക്കുരു, വാഴക്കൂമ്പ് തുടങ്ങിയവ ഉപയോഗിച്ചുള്ള വിഭവങ്ങളും പുതുക്കിയ മെനുവില്‍ പ്രധാന സ്ഥാനമെടുക്കും. സമ്പ്രദായിക വിഭവങ്ങളായ സാമ്ബാര്‍, അവിയല്‍, പരിപ്പ് കറി, പൈനാപ്പിള്‍ പുളിശ്ശേരി, പനീര്‍, സോയ, വെണ്ടക്ക മപ്പാസ്, ബീറ്റ്‌റൂട്ട്, വെള്ളരിക്ക തുടങ്ങിയവയും തുടരും. കുട്ടികള്‍ക്ക് മതിയായ പോഷകാഹാരം ലഭിക്കണമെന്ന ഉദ്ദേശത്തോടെയാണ് ഈ പുതിയ ക്രമീകരണം വരുത്തിയിരിക്കുന്നത്.ഒന്നാം ക്ലാസ് മുതല്‍ ഏഴാം ക്ലാസ് വരെയുള്ള വിദ്യാര്‍ത്ഥികളെയാണ് ഉച്ചഭക്ഷണ പദ്ധതിയുടെ ഭാഗമായി ഉള്‍പ്പെടുത്തുന്നത്. കുട്ടികളില്‍ ശരിയായ പോഷകാഹാരക്കുറവിന്റെ ഫലമായി 39 ശതമാനം പേരില്‍ നിലവിളര്‍ച്ചയും 38 ശതമാനം പേരില്‍ അമിതവണ്ണവുമാണ് കണ്ടെത്തിയതെന്ന് പഠനങ്ങള്‍ വ്യക്തമാക്കിയിരുന്നു. ഇതാണ് പുതിയ വിഭവങ്ങള്‍ മെനുവില്‍ ഉള്‍പ്പെടുത്താനുള്ള നിര്‍ദേശത്തിന് അടിസ്ഥാനമായത്.പാചകത്തിനും ഭക്ഷണത്തിനും ആരോഗ്യപരമായ സമീപനമാണ് സര്‍ക്കാര്‍ ഇത്തവണ സ്വീകരിച്ചിരിക്കുന്നത്. കുട്ടികള്‍ക്ക് പുതുമയും പോഷകതയും നിറഞ്ഞ ഉച്ചഭക്ഷണമാകുമെന്ന് കരുതപ്പെടുന്ന പുതിയ മെനു, വിദ്യാർത്ഥികളുടെ സമഗ്രവികസനത്തിന് സഹായകരമാകുമെന്നതില്‍ സംശയമില്ല.
