കേരള പിഎസ്.സി പുതുതായി പുറത്തിറക്കിയ രണ്ട് പ്രധാന വിജ്ഞാപനങ്ങളാണ് ബീറ്റ് ഫോറസ്റ്റ് ഓഫീസർ റിക്രൂട്ട്മെന്റ്യും എക്‌സൈസ് ഇൻസ്‌പെക്ടർ ട്രെയിനി നിയമനംയും.ബീറ്റ് ഫോറസ്റ്റ് ഓഫീസർ നിയമനം (CATEGORY NO: 211/2025)പ്ലസ് ടു യോഗ്യതയുള്ളവർക്ക് വനം വകുപ്പിൽ സ്ഥിര നിയമനം നേടാനുള്ള മികച്ച അവസരമാണിത്. കേരളത്തിലെ എല്ലാ ജില്ലകളിലുമാണ് ഒഴിവുകൾ വന്നിരിക്കുന്നത്. അപേക്ഷിക്കാനുള്ള അവസാന തീയതി സെപ്റ്റംബർ 3, 2025 ആണ്. അപേക്ഷകർക്ക് 19 മുതൽ 30 വയസ്സ് വരെയായിരിക്കണം പ്രായപരിധി. നിയമാനുസൃതമായ വയസിളവ് സംവരണ വിഭാഗക്കാർക്ക് ലഭിക്കും. ശമ്പളം പ്രതിമാസം 27,900 മുതൽ 63,700 രൂപ വരെയായിരിക്കും.ഫിസിക്കൽ ടെസ്റ്റിൽ 100 മീറ്റർ ഓട്ടം, ഹൈജമ്പ്, ലോങ് ജമ്പ്, ഷോട്ട് പുട്ട്, ക്രിക്കറ്റ് പന്തെറിയൽ, റോപ്പ് ക്ലൈമ്പിങ്, പുല്അപ്പ്സ്, 1500 മീറ്റർ ഓട്ടം എന്നിവയിൽ അഞ്ചെണ്ണമെങ്കിലും വിജയിക്കണം. കൂടാതെ പുരുഷ ഉദ്യോഗാർഥികൾക്ക് 2 കിലോമീറ്റർ ഓട്ടം 13 മിനിറ്റിനുള്ളിൽ പൂർത്തിയാക്കണം.എക്‌സൈസ് ഇൻസ്‌പെക്ടർ ട്രെയിനി (CATEGORY NO: 187/2025)ഈ തസ്തികയ്‌ക്ക് അപേക്ഷിക്കേണ്ട അവസാന തീയതിയും സെപ്റ്റംബർ 3, 2025 തന്നെയാണ്. മൊത്തം 6 ഒഴിവുകളാണ് ഉണ്ടായിരിക്കുന്നത്. അപേക്ഷകർ 18 മുതൽ 31 വയസ്സ് വരെയായിരിക്കണം. യോഗ്യതയായി അംഗീകൃത സർവകലാശാലയിൽ നിന്ന് ബിരുദം വേണം. വിമുക്തഭടന്മാർക്ക് കുറഞ്ഞ യോഗ്യത എസ്.എസ്.എൽ.സി. ശമ്പളം പ്രതിമാസം 43,400 മുതൽ 91,200 രൂപ വരെയായിരിക്കും.ഫിസിക്കൽ ടെസ്റ്റിൽ പുരുഷന്മാർക്കും സ്ത്രീകൾക്കും വ്യത്യസ്തമായ മാനദണ്ഡങ്ങളാണ്. പുരുഷന്മാർക്ക് കുറഞ്ഞത് 165 സെ.മീ ഉയരവും സ്ത്രീകൾക്ക് 152 സെ.മീ ഉയരവും വേണം. എസ്.സി/എസ്.ടി വിഭാഗക്കാർക്ക് ഇളവ് ലഭിക്കും. ടെസ്റ്റിൽ ഓട്ടം, ഹൈജമ്പ്, ലോങ് ജമ്പ്, ഷോട്ട് പുട്ട്, പന്തെറിയൽ, റോപ്പ് ക്ലൈംബിങ്, പുല്അപ്പ്സ്, സ്കിപ്പിങ് എന്നിവ ഉൾപ്പെടുന്നു.അപേക്ഷിക്കേണ്ട വിധംതാൽപര്യമുള്ളവർ കേരള പിഎസ്.സി വെബ്‌സൈറ്റ് (https://www.keralapsc.gov.in/home-2) സന്ദർശിച്ച് ബന്ധപ്പെട്ട വിജ്ഞാപനം തിരഞ്ഞെടുക്കണം. ആദ്യമായി അപേക്ഷിക്കുന്നവർ ഒറ്റത്തവണ രജിസ്‌ട്രേഷൻ (One Time Registration) പൂർത്തിയാക്കണം. അപേക്ഷയ്ക്കായി ഫീസ് അടക്കേണ്ടതില്ല.