ഇന്ന് സംസ്ഥാനത്ത് ഇടവിട്ട് ശക്തമായ മഴയ്ക്ക് സാധ്യതയെന്ന് കാലാവസ്ഥാവകുപ്പ് മുന്നറിയിക്കുന്നു. കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍ യെല്ലോ അലര്‍ട്ട് പ്രഖ്യാപിച്ചിട്ടുണ്ട്. ഈ ജില്ലകളില്‍ അടുത്ത 24 മണിക്കൂറിനിടെ 64.5
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ചാനലിൽ ജോയിൻ ചെയ്യുക*https://chat.whatsapp.com/L8BJmJfbOavAp2wvXCcWKc
മില്ലിമീറ്ററില്‍നിന്ന് 115.5 മില്ലിമീറ്റര്‍ വരെ മഴ ലഭിക്കാമെന്നാണ് അനുമാനം. അതേസമയം, ശക്തമായ കാറ്റിന് സാധ്യത ഉള്ളതിനാല്‍ കര്‍ണാടക തീരങ്ങളില്‍ മത്സ്യബന്ധനത്തിന് വിലക്കേര്‍പ്പെടുത്തിയിട്ടുണ്ട്. മണിക്കൂറില്‍ 35 മുതല്‍ 55 കിലോമീറ്റര്‍ വരെ വേഗതയില്‍ കാറ്റ് വീശിയേക്കുമെന്നാണ് മുന്നറിയിപ്പ്.മറുഭാഗത്ത്, വടക്കുകിഴക്കന്‍ സംസ്ഥാനങ്ങള്‍ കനത്ത മഴയെ തുടര്‍ന്നുള്ള ദുരന്തഭീഷണിയിലാണ്. വിവിധ സംസ്ഥാനങ്ങളില്‍ സംഭവിച്ച മഴക്കെടുതിയില്‍ ഇതുവരെ 38 പേരാണ് ജീവന്‍ നഷ്ടപ്പെട്ടത്. അസമിലാണ് ഏറ്റവും അധികം ആളുകള്‍ മരിച്ചത് — 11 പേര്‍. പ്രദേശത്ത് വെള്ളപ്പൊക്കം രൂക്ഷമായതിനെ തുടര്‍ന്ന് ഒരു ലക്ഷത്തിലധികം ആളുകളെ സുരക്ഷിത കേന്ദ്രങ്ങളിലേക്ക് മാറ്റിപ്പാര്‍പ്പിച്ചു. മണിപ്പൂരില്‍ 4,000 ഓളം വീടുകള്‍ക്ക് കേടുപാടുകള്‍ സംഭവിച്ചപ്പോള്‍, സിക്കിംയില്‍ മണ്ണിടിച്ചിലില്‍ കാണാതായ ആറ് സൈനികര്‍ക്കായുള്ള തിരച്ചില്‍ ഇന്നും തുടരുന്നു. അടുത്ത രണ്ട് ദിവസത്തേക്ക് വടക്കുകിഴക്കന്‍ സംസ്ഥാനങ്ങളില്‍ ശക്തമായ മഴ തുടരാനാണ് സാധ്യത.