തിരുവനന്തപുരം റീജിയണൽ കാൻസർ സെന്റർ (RCC) നഴ്സിംഗ് അസിസ്റ്റന്റ് തസ്തികയിൽ 14 ഒഴിവുകൾ റിപ്പോർട്ട് ചെയ്തു. കരാർ അടിസ്ഥാനത്തിലാണ് നിയമനം നടത്തുന്നത്.
യോഗ്യതകൾ
10-ാം ക്ലാസ് പാസായിരിക്കണം.
സർക്കാർ അംഗീകൃത സ്ഥാപനത്തിൽ നിന്നുള്ള 2 വർഷത്തെ നഴ്സിംഗ് അസിസ്റ്റന്റ് കോഴ്സ് പൂർത്തിയാക്കിയിരിക്കണം.
കുറഞ്ഞത് 100 കിടക്കകളുള്ള ആശുപത്രിയിൽ 1 വർഷത്തെ പ്രവൃത്തി പരിചയം നിർബന്ധമാണ്.
പ്രായപരിധി
18 മുതൽ 40 വയസ്സ് വരെ.
ശമ്പളം
പ്രതിമാസം ₹18,390.
അപേക്ഷ സമർപ്പിക്കേണ്ട അവസാന തീയതി
2025 ഒക്ടോബർ 6 വൈകിട്ട് 3.30 വരെ.
വിശദവിവരങ്ങൾക്കും അപേക്ഷാ ഫോമിനുമായി സന്ദർശിക്കുക 👉 http://www.rcctvm.gov.in
>>This job information is obtained from official government or company sources. Applicants are advised to independently verify the details before applying. Please note that we are not a recruitment agency and will never request or accept any payment.
യാത്രക്കാർക്ക് പുതിയ സൗകര്യം: മാനന്തവാടി–കോഴിക്കോട് ഹൈവേയിൽ ‘ടേക്ക് എ ബ്രേക്ക്’ വിശ്രമകേന്ദ്രം ഒരുങ്ങുന്നു
മാനന്തവാടി–കോഴിക്കോട് ഹൈവേയിൽ യാത്രക്കാരുടെയും വിനോദസഞ്ചാരികളുടെയും സൗകര്യത്തിനായി ആധുനിക രീതിയിലുള്ള ‘ടേക്ക് എ ബ്രേക്ക്’ വിശ്രമകേന്ദ്രം ഒരുങ്ങുന്നു. എടവക ഗ്രാമപ്പഞ്ചായത്തിന്റെ വാർഷിക പദ്ധതിയിൽ ഉൾപ്പെടുത്തി 36 ലക്ഷം രൂപ ചെലവഴിച്ചാണ് പദ്ധതി നടപ്പിലാക്കുന്നത്.തോണിച്ചാൽ ഇരുമ്പ് പാലത്തിനടുത്ത് നിർമ്മിക്കുന്ന കേന്ദ്രത്തിൽ ആധുനിക ശുചിമുറികൾ, വിശ്രമ സൗകര്യങ്ങൾ, കഫ്റ്റീരിയ എന്നിവ ഉൾപ്പെടുത്തി. പദ്ധതി ജില്ലാ പഞ്ചായത്ത് പ്രസിഡൻറ് സംഷാദ് മരക്കാർ ഉദ്ഘാടനം ചെയ്തു. ചടങ്ങിന് ഗ്രാമപ്പഞ്ചായത്ത് പ്രസിഡൻറ് ബ്രാൻ അഹമ്മദ് കുട്ടി അധ്യക്ഷത വഹിച്ചു.പുതിയ സൗകര്യങ്ങൾ വഴിയാത്രക്കാരുടെയും വിനോദസഞ്ചാരികളുടെയും യാത്രാനുഭവം കൂടുതൽ സൗകര്യപ്രദമാക്കുമെന്ന് പ്രതീക്ഷിക്കുന്നു.
ദുരന്തബാധിതരല്ലാത്തവരും പട്ടികയിൽ ഇടംപിടിച്ചു; മുണ്ടക്കൈ ടൗൺഷിപ്പിൽ വിജിലൻസ് പരിശോധന
മുണ്ടക്കൈ ഉരുള്‍ ദുരന്തബാധിതർക്കായുള്ള പുനരുധിവാസ ടൗൺഷിപ്പിൽ അനർഹരായ ആളുകൾ ഉൾപ്പെട്ടുവെന്നാണ് റിപ്പോർട്ട്. അവസാന പട്ടികയിൽ ദുരന്തബാധിതർ അല്ലാത്തവരും ഉൾപ്പെടുത്തിയിട്ടുണ്ടെന്ന് വിജിലൻസ് ഉറപ്പു വരുത്തി. ഇത് സംബന്ധിച്ച് ജനശബ്ദം ആക്ഷൻ കൗൺസിൽ മുൻകൂട്ടി പരാതിയുമായി സമീപിച്ചിരുന്നു.പുനരുധിവാസ പട്ടികയിൽ മൊത്തം 451 പേർ ഉൾപ്പെടുത്തിയിട്ടുണ്ട്.തുടക്കത്തിൽ പൂർണ്ണമായും അർഹരായവർ മാത്രമേ ഉൾപ്പെട്ടിരുന്നുള്ളൂ എന്ന വാദത്തിന് മുകളിൽ, 49 പേരെ കൂടി കൂട്ടിച്ചേർത്താണ് ആകെ 451 കുടുംബങ്ങൾ എന്ന നാമനിരയിൽ എത്തിയത്. എന്നാൽ പട്ടികയിൽ അനർഹർ ഉൾപ്പെട്ടതായും, ദുരന്തബാധിതരല്ലാത്തവരും മറ്റിടങ്ങളിൽ തന്നെ വീടുള്ളവരും ഉൾപ്പെടുത്തിയതായും ആക്ഷൻ കൗൺസിൽ വാദിച്ചു. ചില വീട്ടുകളിൽ മുഴുവൻ കുടുംബവും ഒന്നിലധികം വീടുകൾക്കായി അർഹത നേടിയത് രേഖകളുടെ സഹായത്തോടെ സംഭവിച്ചതായി ആരോപണം ഉണ്ട്.അവസാനമായി പ്രസിദ്ധീകരിച്ച 49 പേരിൽ 12 പേർ അനർഹരാണെന്നും, 173 പേർ ഇപ്പോഴും ഗുണഭോക്തൃ പട്ടികയ്ക്ക് പുറത്താണെന്നും ആക്ഷൻ കൗൺസിൽ ചൂണ്ടിക്കാട്ടി. കൃത്യത ഉറപ്പുവരുത്തണമെന്നാവശ്യമാണ്.വിവരശേഖരണത്തിലൂടെ ലഭിച്ച ആദ്യ സൂചനകൾ പ്രകാരം ചില റവന്യൂ ഉദ്യോഗസ്ഥർ കൈക്കൂലി സ്വീകരിച്ച് ദുരന്തബാധിതരല്ലാത്തവരെ പട്ടികയിൽ ഉൾപ്പെടുത്തിയിരിക്കാമെന്ന് വിജിലൻസ് കണ്ടെത്തിയിട്ടുണ്ട്. ഡയറക്ടറേറ്റിൽ നിന്നുള്ള അനുമതി ലഭിക്കുന്ന പോലെ, വിശദമായ അന്വേഷണം ഉടൻ ആരംഭിക്കാൻ വിജിലൻസ് തയ്യാറെടുക്കുകയാണ്.
മലനിരകളുടെ മനോഹാരിതയിൽ ഒരു പുതിയ ആകര്‍ഷണം: മുനീശ്വരന്‍കുന്ന് ഹരിത ടൂറിസം കേന്ദ്രമായി പ്രഖ്യാപിച്ചു
തലപ്പുഴയിലെ പുതിയിടം മുനീശ്വരന്‍കുന്ന് വടക്കേ വയനാട്ടിലെ ആദ്യ ഹരിത ടൂറിസം കേന്ദ്രമായി പ്രഖ്യാപിക്കപ്പെട്ടു. ഹരിത ടൂറിസം കേന്ദ്രത്തിന്റെ പ്രഖ്യാപനവും സാനിറ്ററി നാപ്കിൻ ഇൻസിനറേറ്ററിന്റെ ഉദ്ഘാടനവും തവിഞ്ഞാല്‍ പഞ്ചായത്ത് പ്രസിഡന്‍റ് എൽ സി ജോയ് നിർവഹിച്ചു. ചടങ്ങിൽ നോർത്ത് വയനാട് ഡിഎഫ്‌ഒ സന്തോഷ് കുമാർ, ഹരിത കേരള മിഷൻ ജില്ലാ കോ-ഓർഡിനേറ്റർ സുരേഷ് കുമാർ എന്നിവർ പങ്കെടുത്തു.സമുദ്രനിരപ്പിൽ നിന്ന് 3,355 അടി ഉയരത്തിലാണ് മുനീശ്വരന്‍കുന്ന്.മലനിരകളുടെയും തേയിലത്തോട്ടങ്ങളുടെയും മനോഹര ദൃശ്യങ്ങൾ ഇവിടെ നിന്ന് ആസ്വദിക്കാം. ചെറിയ പുല്ലുകൾ, വൈവിധ്യമാർന്ന ഔഷധസസ്യങ്ങൾ നിറഞ്ഞ പുൽമേടിലൂടെയാണ് ഹൈക്കിംഗ് പാത. ആന, കടുവ, പുള്ളിപ്പുലി, കാട്ടുനായ, മാൻ എന്നിവയുടെ ആവാസ കേന്ദ്രവുമാണ് മുനീശ്വരന്‍കുന്നു.മുനീശ്വരന്‍കുന്നിലെ മുനീശ്വരന്‍ ക്ഷേത്രത്തിന് നൂറുകണക്കിന് വർഷങ്ങളുടെ പഴക്കം ഉണ്ടു. മലയാള മാസത്തിലെ “തിരുവാതിര” നാളിൽ മാത്രമാണ് ക്ഷേത്രം തുറക്കുന്നത്. ഈ പ്രദേശം തവിഞ്ഞാല്‍ പഞ്ചായത്തിന്റെ പരിധിയിലായാണ് ബേഗൂർ ഫോറസ്റ്റ് റേഞ്ചിന്റെ കീഴിൽ വരുന്നത്. പ്രവേശന സമയം രാവിലെ 7 മുതൽ വൈകുന്നേരം 6 വരെ.