യുപിഎസ്‌സി പരീക്ഷകളില്‍ ഇനി എഐ സംവിധാനം
NEET, NET പരീക്ഷകളിൽ ക്രമക്കേടുകൾ സംബന്ധിച്ച വിവാദങ്ങൾ ശക്തമായ സാഹചര്യത്തിൽ, കേന്ദ്ര പബ്ലിക് സർവീസ് കമ്മീഷൻ (UPSC) ആർട്ടിഫിഷ്യൽ ഇന്റലിജൻസ് (AI) ഉപയോഗിച്ചുള്ള സിസിടിവി നിരീക്ഷണ സംവിധാനം ഉപയോഗിക്കാൻ തീരുമാനിച്ചു. പരീക്ഷാ നിരീക്ഷണത്തിനായി പരിചയ സമ്പന്നരായ പൊതുമേഖലാ സ്ഥാപനങ്ങളിൽ നിന്ന് ടെൻഡറുകൾ ക്ഷണിച്ചിട്ടുണ്ട്.
വയനാട് ജില്ലയിലെ വാർത്തകൾ അറിയാൻ ഞങ്ങളോടൊപ്പം ചേരൂ…!!https://chat.whatsapp.com/LmKCkdYCFWw7xvXGGSdarN
ഈ പുതിയ സംവിധാനത്തിൽ ആധാർ അടിസ്ഥാനമാക്കിയുള്ള ഫിംഗർപ്രിന്റ് പരിശോധന, ഉദ്യോഗാർഥികളുടെ മുഖം തിരിച്ചറിയൽ, ഇ-അഡ്മിറ്റ് കാർഡുകളുടെ ക്യു ആർ കോഡ് സ്‌കാനിങ് എന്നിവ ഉൾപ്പെടും. UPSC 14 പ്രധാന പരീക്ഷകൾ നടത്തുകയാണ്.
ലേ, കാർഗിൽ, ശ്രീനഗർ, ഇംഫാൽ, അഗർത്തല, ഐസ്വാൾ, ഗാംഗ്ടോക്ക് എന്നിവ ഉൾപ്പെടെ രാജ്യത്തുടനീളമുള്ള 80 കേന്ദ്രങ്ങളിൽ നടക്കുന്ന റിക്രൂട്ട്‌മെന്റിൽ 26 ലക്ഷം ഉദ്യോഗാർത്ഥികളാണ് പങ്കെടുക്കുന്നത്.
Comments (0)