Wayanadvartha

കേരളത്തിൽ കാലവർഷം ശക്തിപ്രാപിച്ചതോടെ പനിബാധിതരുടെ എണ്ണം കുതിച്ചുയർന്നതായും, എച്ച്‌1എൻ1, ഡെങ്കിപ്പനി ബാധിതരുടെ എണ്ണം വർധിച്ചതായും ആരോഗ്യവകുപ്പ് റിപ്പോർട്ട് ചെയ്യുന്നു.

വയനാട് ജില്ലയിലെ വാർത്തകൾ അറിയാൻ ഞങ്ങളോടൊപ്പം ചേരൂ…!!https://chat.whatsapp.com/LmKCkdYCFWw7xvXGGSdarN

അധികൃതരുടെ കണക്കുകൾ പ്രകാരം പ്രതിദിന പനിബാധിതരുടെ എണ്ണം പതിനൊന്നായിരം കടന്നിരിക്കുകയാണ്. ഇവർ മാസാവസാനത്തോടെ ഇരുപതിനായിരം വരെ ഉയരുമെന്നാണ് പ്രതീക്ഷ.

തീർത്ഥാടന സീസണിന്റെ തുടക്കത്തിൽ, പനി പടർന്നുപിടിച്ചതോടെ ആരോഗ്യവകുപ്പ് പ്രത്യേക ആക്ഷൻ പ്ളാൻ ആരംഭിക്കുന്നു. പനിബാധിതരുടെ എണ്ണം ക്രമാതീതമായി വർധിച്ചതും രോഗികളുടെ എണ്ണം ആശങ്കപ്പെടുത്തുന്ന നിലയിലുമാണെന്ന് അധികൃതർ വ്യക്തമാക്കുന്നു.

മുൻപത്തെ അപേക്ഷിച്ച് ഡെങ്കിപ്പനി കേസുകൾ ഇരുന്നൂറിലധികം ഉയരുകയും, 1075 പുതിയ കേസുകൾ റിപ്പോർട്ട് ചെയ്യപ്പെടുകയും ചെയ്തിട്ടുണ്ട്. ഇതോടൊപ്പം 217 എച്ച്‌1എൻ1 കേസുകളും 127 എലിപ്പനി കേസുകളും റിപ്പോർട്ടുചെയ്തിട്ടുണ്ട്. ഈ മാസത്തിൽ മാത്രം ഡെങ്കിപ്പനി, എച്ച്‌1എൻ1, എലിപ്പനി തുടങ്ങിയവ മൂലം 26 പേർ മരിച്ചതായി കണക്കുകൾ പറയുന്നു.

എറണാകുളത്ത് ഏറ്റവും കൂടുതൽ ഡെങ്കിപ്പനി കേസുകൾ റിപ്പോർട്ട് ചെയ്തിട്ടുണ്ട്. തിരുവനന്തപുരം, കൊല്ലം, ആലപ്പുഴ, പത്തനംതിട്ട, തൃശൂർ ജില്ലകളിലും കേസുകളുടെ എണ്ണം കാര്യമായി ഉയരുകയാണ്.

കാലവർഷം ശക്തമായതോടെ വെള്ളക്കെട്ടുകൾ, മഴക്കാല പൂർവ ശുചീകരണപ്രവർത്തനങ്ങൾ കാര്യക്ഷമമാകാത്തത്, മലിനജലത്തിന്റെ ഉപയോഗം എന്നിവ പനി പടർന്നുപിടിക്കാൻ കാരണമായി.

വീടുകളിൽ ഒരാൾക്ക് രോഗം ബാധിച്ചാൽ മറ്റു അംഗങ്ങളിലേക്കും പടർന്നുപിടിക്കുന്ന അവസ്ഥയാണുള്ളത്. ഇതിനെതുടർന്ന് ആരോഗ്യവകുപ്പ് ഫീൽഡ് സർവേ ഊർജിതമാക്കി.

രോഗലക്ഷണങ്ങൾ അവഗണിക്കാതെ, സ്വയം ചികിത്സ ഒഴിവാക്കണമെന്നും, ആരോഗ്യവകുപ്പിന്റെ നിർദേശങ്ങൾ പാലിക്കണമെന്നും അധികൃതർ മുന്നറിയിപ്പ് നൽകി.

17 വർഷത്തിനു ശേഷം വീണ്ടും ടി-20 ലോക ചാമ്പ്യന്മാരായ് ഇന്ത്യൻ ക്രിക്കറ്റ് ടീം!