കേരള ഇലക്‌ട്രിസിറ്റി സപ്ലൈ കോഡിൽ 5-ാം ഭേദഗതി: ഉപഭോക്താക്കൾക്ക് കൂടുതൽ സൗകര്യങ്ങൾ
കേരള ഇലക്‌ട്രിസിറ്റി സപ്ലൈ കോഡിൽ 5-ാം ഭേദഗതിയെക്കുറിച്ചുള്ള പ്രഖ്യാപനം സംസ്ഥാന വൈദ്യുതി റെഗുലേറ്ററി കമ്മീഷൻ പുറത്തിറക്കി. 2014-ലെ കേരള ഇലക്‌ട്രിസിറ്റി സപ്ലൈ കോഡിന്റെ പുതിയ ഭേദഗതികൾ ഉപഭോക്താക്കളുടെ നിർദേശങ്ങൾ, കൺസ്യൂമർ റൂൾസ്, സംസ്ഥാന സർക്കാർ നിർദ്ദേശങ്ങൾ എന്നിവയെ അടിസ്ഥാനമാക്കിയുള്ളതാണ്.
വയനാട് ജില്ലയിലെ വാർത്തകൾ അറിയാൻ ഞങ്ങളോടൊപ്പം ചേരൂ…!!https://chat.whatsapp.com/LmKCkdYCFWw7xvXGGSdarN
ഈസ് ഓഫ് ഡുയിങ് ബിസിനസ്സിന്റെ ഭാഗമായ കേന്ദ്ര സർക്കാരിന്റെ ഇലക്‌ട്രിസിറ്റി (റൈറ്റ്സ് ഓഫ് കൺസ്യൂമേഴ്സ്) റൂൾസ് 2020ൽ പ്രസിദ്ധീകരിച്ചതോടെയാണ് ഈ ഭേദഗതികൾ നടപ്പാക്കുന്നത്. സംസ്ഥാന സർക്കാരിന്റെ നിർദേശപ്രകാരം വ്യവസായങ്ങൾക്കും HT/ EHT ഉപഭോക്താക്കൾക്കും സർവീസ് കണക്ഷൻ നൽകുന്നതിനുള്ള കരാർ വ്യവസ്ഥകളെ ലളിതമാക്കുക, പുതിയ വൈദ്യുതി കണക്ഷനുകൾക്ക് കണക്റ്റഡ് ലോഡിനെ മാനദണ്ഡമാക്കി ഏകീകൃത നിരക്കുകൾ കൊണ്ടുവരിക, സിംഗിൾ പോയിന്റ് സപ്ലൈക്ക് ചട്ടങ്ങൾ കൊണ്ടുവരിക എന്നിവയും ഈ ഭേദഗതിയുടെ ഭാഗമാണ്.
പ്രധാന ഭേദഗതികൾ:
- ഓൺലൈൻ സേവനങ്ങൾ: വൈദ്യുതി കണക്ഷൻ സംബന്ധിച്ച വിവിധ സേവനങ്ങൾ ഓൺലൈൻ വഴി അപേക്ഷിക്കാൻ ഉള്ള വ്യവസ്ഥകൾ ഉൾപ്പെടുത്തിയിട്ടുണ്ട്. ഇത് ലളിതമാക്കൽ ലക്ഷ്യം വയ്ക്കുന്നു.
- അഡ്വാൻസ്ഡ് നിരക്കുകൾ: കണക്റ്റഡ് ലോഡ്/ഡിമാന്റ് ലോഡ് അടിസ്ഥാനമാക്കി ഉടൻതന്നെ നിരക്കുകൾ അറിയാൻ, അടയ്ക്കാൻ സാധിക്കും.
- ചെറുകിട വ്യവസായങ്ങൾ: വീടിനോട് ചേർന്ന് പ്രവർത്തിക്കാവുന്ന ചെറുകിട വ്യവസായങ്ങൾക്ക് പുതിയ കണക്ഷൻ എടുക്കേണ്ടതില്ല.
- ഡിമാൻഡ് അധിഷ്ഠിത ബില്ലിംഗ്: അധിക കണക്റ്റഡ് ലോഡ് ഉപയോഗത്തിനുള്ള പിഴ നിശ്ചയിച്ചിരിക്കുന്നു.
- പദ്ധതികൾക്കുള്ള എളുപ്പവഴി: 20 കിലോവാട്ടിന് മുകളിലുള്ള വ്യവസായ വാണിജ്യ സ്ഥാപനങ്ങൾക്ക് കണക്ഷൻ ലഭിക്കാനുള്ള പ്രാഥമിക വിവരങ്ങളുടെ അടിസ്ഥാനത്തിൽ അപേക്ഷിക്കാവുന്നതാണ്.
- സിംഗിൾ പോയിന്റ് സപ്ലൈ: ചട്ടം 56 പ്രകാരമുള്ള വിശദമായ നടപടിക്രമങ്ങൾ ഉൾപ്പെടുത്തിയിട്ടുണ്ട്.
- ഹരിത ഊർജ്ജം: വൈദ്യുതി ചാർജിങ് യൂണിറ്റ് സ്ഥാപിക്കുന്നതിനുള്ള ചട്ടങ്ങളും ഉൾപ്പെടുത്തിയിട്ടുണ്ട്.
- ഡിമാന്റ് ലോഡ് കണക്കാക്കൽ: ഡിമാന്റ് ഫാക്ടർ, പവർ ഫാക്ടർ എന്നിവ കണക്കാക്കി കണക്റ്റഡ് ലോഡ് കണക്കാക്കുന്നതിന്റെ വിശദീകരണം.
- സെക്യൂരിറ്റി ഡെപ്പോസിറ്റ്: സെക്യൂരിറ്റി ഡെപ്പോസിറ്റ് അടയ്ക്കലിനും, റീഫണ്ട് ചെയ്യുന്നതിനുമുള്ള ചട്ടങ്ങൾ.
- വോൾട്ടേജ് ലെവൽ: പരമാവധി കണക്റ്റഡ് ലോഡ്/കോൺട്രാക്റ്റ് ഡിമാന്റിന്റെ പരിഷ്കരണ വിവരങ്ങൾ.
ഈ ഭേദഗതികൾ ഉപഭോക്താക്കളുടെ സേവനങ്ങൾ കൂടുതൽ സുതാര്യവും വേഗതയുള്ളതുമായ രീതിയിൽ നടപ്പാക്കാൻ സഹായകമാകും.
Comments (0)