തിരുനെല്ലി മഹാവിഷ്ണു ക്ഷേത്രത്തിൽ കര്‍കിടക വാവ് ബലി; തീർത്ഥാടകരുടെ സൗകര്യത്തിനായി പുതിയ ഒരുക്കങ്ങൾ
തിരുനെല്ലി മഹാവിഷ്ണു ക്ഷേത്രത്തിൽ കര്‍കിടക വാവ് ബലി ആഗസ്റ്റ് 3-ന് നടക്കും. തീർത്ഥാടകരുടെ സുഖസൗകര്യത്തിനായി ഈ വർഷം പ്രത്യേകമായി വിന്യാസങ്ങൾ ഏർപ്പെടുത്തിയതായി ദേവസ്വം ഭാരവാഹികൾ വാർത്താ സമ്മേളനത്തിൽ അറിയിച്ചു.
വയനാട് ജില്ലയിലെ വാർത്തകൾ അറിയാൻ ഞങ്ങളോടൊപ്പം ചേരൂ…!!https://chat.whatsapp.com/LmKCkdYCFWw7xvXGGSdarN
ബലികർമ്മങ്ങൾക്ക് എത്തുന്ന വാഹനങ്ങൾക്കായി ക്ഷേത്രം വരെയുള്ള യാത്ര സൗകര്യവത്കരിച്ചിട്ടുണ്ട്. ബലിതർപ്പണത്തിനുള്ള എല്ലാ ഒരുക്കങ്ങളും പൂർത്തിയായതായി ഭാരവാഹികൾ അറിയിച്ചു. ബലിതർപ്പണത്തിന് എത്തുന്ന ഭക്തർക്ക് ദേവസ്വത്തിന്റെ വക സൗജന്യമായി അത്താഴവും പ്രഭാതഭക്ഷണവും ലഭ്യമാക്കും.
കേരളം അടക്കം, വിവിധ സംസ്ഥാനങ്ങളിൽ നിന്നുള്ള പതിനായിരക്കണക്കിന് വിശ്വാസികൾ വാവുബലിക്കായി ഓഗസ്റ്റ് 3-ന് തിരുനെല്ലിയിൽ എത്തും. ബലിതർപ്പണ ചടങ്ങുകൾ പുലർച്ചെ 3 മണി മുതൽ ഉച്ചയ്ക്ക് 1 മണി വരെ നടത്തും.
പാപനാശിനി കരയിൽ കൂടുതൽ വാദ്ധ്യാന്മാരെയും ബലി സാധന കൗണ്ടറുകളും ഒരുക്കിയിരിക്കുന്നതായി ദേവസ്വം ഭാരവാഹികൾ വ്യക്തമാക്കി.
വാർത്താ സമ്മേളനത്തിൽ ദേവസ്വം എക്സിക്യൂട്ടീവ് ഓഫീസർ കെ.വി. നാരായണൻ, മലബാർ ദേവസ്വം ബോർഡ് മെമ്പർ കെ. രാമചന്ദ്രൻ, ക്ഷേത്രം മാനേജർ പി.കെ. രാമചന്ദ്രൻ, ജീവനക്കാരുടെ പ്രതിനിധി ടി. സന്തോഷ് കുമാർ തുടങ്ങിയവർ പങ്കെടുത്തു.
സാധാരണ വർഷങ്ങളിൽ നിന്ന് വ്യത്യസ്തമായി, ഈ വർഷം കാട്ടിക്കുളത്ത് വിശ്വാസികളുടെ വാഹനങ്ങൾ തടയാതെ ക്ഷേത്രം വരെ എത്തിക്കുന്ന സൗകര്യം ഒരുക്കിയിരിക്കുന്നു. അമ്പലത്തിനടുത്ത് ആളുകളെ ഇറക്കിയ ശേഷം, നിട്ടറ റോഡിൽ വാഹനങ്ങൾ പാർക്ക് ചെയ്യാവുന്നതാണ്.
Comments (0)