Wayanadvartha

സംസ്ഥാനത്ത് വ്യാപകമായി മഴ പെയ്യുന്ന സാഹചര്യത്തിൽ വടക്കൻ ജില്ലകളിൽ മഴയുടെ തീവ്രത കൂടുമെന്ന് മുന്നറിയിപ്പ്. വടക്കൻ കേരളത്തിലെ അഞ്ചു ജില്ലകൾക്കായി ഓറഞ്ച് അലർട്ട് പുറപ്പെടുവിച്ചതായി കേന്ദ്ര കാലാവസ്ഥ വകുപ്പ് അറിയിച്ചു.

വയനാട് ജില്ലയിലെ വാർത്തകൾ അറിയാൻ ഞങ്ങളോടൊപ്പം ചേരൂ…!!https://chat.whatsapp.com/LmKCkdYCFWw7xvXGGSdarN

തീവ്രമഴയും കാറ്റും: പ്രദേശവാസികൾ ജാഗ്രത പാലിക്കണം

കാസര്‍കോട്, കണ്ണൂര്‍, വയനാട്, മലപ്പുറം, കോഴിക്കോട് ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. പാലക്കാട് മുതൽ തിരുവനന്തപുരം വരെയുള്ള ഒമ്പത് ജില്ലകളിൽ യെല്ലോ അലർട്ടും പുറപ്പെടുവിച്ചിരിക്കുന്നു. ഒറ്റപ്പെട്ടയിടങ്ങളിൽ മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റ് വീശാൻ സാധ്യതയുണ്ട്.

മഴയുടെ കാരണം

വടക്കൻ ഛത്തീസ്ഗഡിൽ ചക്രവാതച്ചുഴി നിലനിൽക്കുന്നതും, വടക്കൻ കേരള തീരം മുതൽ തെക്കൻ ഗുജറാത്ത് തീരം വരെ ന്യൂനമർദപാത്തി രൂപംകൊണ്ടതുമാണ് ശക്തമായ മഴയ്ക്ക് കാരണം. കനത്ത മഴയെ തുടർന്ന് വടക്കൻ കേരളത്തിലെ മലയോരമേഖലകളിൽ വ്യാപക നാശനഷ്ടം റിപ്പോർട്ട് ചെയ്തിട്ടുണ്ട്.

ജാഗ്രത നിർദേശം

മലയോര മേഖലകളിൽ താമസിക്കുന്നവർ ജാഗ്രത പാലിക്കണമെന്ന് മുന്നറിയിപ്പുണ്ട്. പൊതു ജനങ്ങൾ മഴക്കാലത്ത് സുരക്ഷിതത്വത്തിന് മുൻ‌തൂക്കം കൊടുക്കണമെന്നും, അത്യാവശ്യം ഇല്ലാത്തപക്ഷം യാത്രകൾ ഒഴിവാക്കണമെന്നും നിർദേശമുണ്ട്.

ബാണാസുര ഡാമിൽ ജലനിരപ്പ് ഉയരുന്നു: റെഡ് അലർട്ട് പ്രഖ്യാപിച്ചു