സംസ്ഥാനത്തെ വിവിധ തദ്ദേശ സ്ഥാപനങ്ങളിൽ അസി. എൻജിനീയർമാരുടെ തസ്തികകൾ ഒഴിഞ്ഞുകിടക്കുന്നത് പ്രവർത്തനങ്ങളെ ഗുരുതരമായ പ്രതിസന്ധിയിലാക്കുന്നു. പഞ്ചായത്ത്, മുനിസിപ്പാലിറ്റി അടക്കം 110ഓളം തദ്ദേശ സ്ഥാപനങ്ങളിൽ ഈ തസ്തികകൾ നിറവേറ്റപ്പെട്ടിട്ടില്ല. ഒഴിവുകൾ നികത്താത്തതിന് പ്രധാന കാരണമായി സ്ഥാനക്കയറ്റ നടപടികൾ രണ്ട് വർഷത്തോളമായി നിലച്ചിരിക്കുകയാണ്.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/DYIcCG3lwEZ2jqTkPTjGfA
തദ്ദേശ സ്ഥാപനങ്ങളിൽ, സിവിൽ എൻജിനീയറിങ് ജോലികൾ, പ്രാദേശിക വികസന ഫണ്ടിന്റെ വിനിയോഗം, കെട്ടിട പെർമിറ്റ് നിർണ്ണയം, ദുരന്തനിവാരണ പ്രവർത്തനങ്ങളുടെ എസ്റ്റിമേറ്റ് എന്നിവ ഉൾപ്പെടെ നിരവധി പ്രധാന ചുമതലകൾ അസി. എൻജിനീയർമാർ വഹിക്കുന്നു. ഈ ജോലികൾ ഫസ്റ്റ് ഗ്രേഡ് ഓവർസിയർമാർക്ക് കൂടി നിർവഹിക്കേണ്ടിവരികയാണ്.
സ്ഥാനം ഒഴിവുള്ള 110 തസ്തികകളിൽ 90 എണ്ണം ഫസ്റ്റ് ഗ്രേഡ് ഓവർസിയർമാർക്ക് സ്ഥാനക്കയറ്റം നൽകി നികത്തേണ്ടതാണെന്നും, 2023-ൽ സുപ്രീംകോടതി വിധി വന്നതിനാൽ സീനിയോറിറ്റി ലിസ്റ്റ് അടിസ്ഥാനമാക്കിയുള്ള സ്ഥാനക്കയറ്റത്തിന് തടസ്സമില്ലെന്നുമാണ് ജീവനക്കാരുടെ സംഘടനകൾ ചൂണ്ടിക്കാട്ടുന്നത്.
അസി. എൻജിനീയർമാരുടെ നിയമനം നടപ്പാക്കാതെ റാങ്ക് ലിസ്റ്റ് കാലാവധി തീരുന്നതിന്റെ ആശങ്കയും ഉദ്യോഗാർഥികൾ പ്രകടിപ്പിക്കുന്നു.