സംസ്ഥാനത്ത് ഇന്ന് ചിലയിടങ്ങളിൽ മഴയ്ക്കും കാറ്റിനും സാധ്യത
സംസ്ഥാനത്ത് ഇന്ന് ചിലയിടങ്ങളിൽ മഴയ്ക്കും ശക്തമായ കാറ്റിനും സാധ്യതയെന്ന് കാലാവസ്ഥാ വകുപ്പ്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, കണ്ണൂർ, കാസർഗോഡ് ജില്ലകളിൽ ഒറ്റപ്പെട്ട മഴയുണ്ടാകാമെന്നാണ് മുന്നറിയിപ്പ്.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/DYIcCG3lwEZ2jqTkPTjGfA
ആലപ്പുഴ, കോട്ടയം, ഇടുക്കി, എറണാകുളം ജില്ലകളിൽ മണിക്കൂറിൽ 30 കിലോമീറ്റർ വേഗതയിൽ കാറ്റ് വീശിയേക്കും. ഒഡിഷ, പടിഞ്ഞാറൻ ബംഗാൾ തീരങ്ങളിലും മണിക്കൂറിൽ 45-55 കിലോമീറ്റർ വരെ കാറ്റിന് സാധ്യതയുണ്ട്, ചില സമയങ്ങളിൽ 65 കിലോമീറ്റർ വരെ ശക്തി നേടുമെന്ന് അറിയിപ്പിൽ പറയുന്നു.
മധ്യ അറബിക്കടലിന്റെയും ബംഗാൾ ഉൾക്കടലിന്റെയും ചില ഭാഗങ്ങളിലും മണിക്കൂറിൽ 30-40 കിലോമീറ്റർ വേഗതയിലും ചിലപ്പോൾ 50 കിലോമീറ്റർ വേഗതയിലും ശക്തമായ കാറ്റും മോശം കാലാവസ്ഥയും പ്രതീക്ഷിക്കാം.
Comments (0)