കേരളത്തില്‍ ആണവ വൈദ്യുതി നിലയത്തിന്റെ സാധ്യതകളെ കുറിച്ച് കേന്ദ്ര ഊർജ്ജ മന്ത്രി മനോഹർ ലാൽ ഖട്ടർ പ്രധാന സൂചനകള്‍ നല്‍കി. അനുയോജ്യമായ സ്ഥലം കണ്ടെത്തിയാല്‍ കേരളത്തിന്റെ അപേക്ഷ പരിഗണിക്കുമെന്നാണ് അദ്ദേഹം പറഞ്ഞത്. സംസ്ഥാനത്ത് ഏത് സ്ഥലവും അനുകൂലമാകുന്നുവെന്ന് തീരുമാനിച്ചാല്‍ കേന്ദ്ര സര്‍ക്കാരിന് അനുവദിക്കാന്‍ താത്പര്യമുണ്ടെന്നും അദ്ദേഹം വ്യക്തമാക്കി.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/He6GJaaXJApLFGlSb9knVc
കോവളത്ത് മുഖ്യമന്ത്രി പിണറായി വിജയനും വൈദ്യുതി മന്ത്രി കെ. കൃഷ്ണന്‍കുട്ടിയുമായി നടത്തിയ ചർച്ചയ്ക്കുശേഷമാണ് കേന്ദ്രമന്ത്രി ഇതിനെക്കുറിച്ചുള്ള പ്രതികരണങ്ങള്‍ നടത്തിയത്. കേരളത്തിന്റെ തീരപ്രദേശങ്ങളില്‍ തോറിയം അടങ്ങിയ മോണോസൈറ്റ് നിക്ഷേപങ്ങള്‍ ധാരാളമായി ലഭ്യമായിട്ടുണ്ടെന്നും ഇത് ആണവ വൈദ്യുതി നിലയത്തിന് അനുകൂലമായ ഒരു അടിസ്ഥാനമാകുമെന്നും അദ്ദേഹം പറഞ്ഞു. ചെറു റിയാക്ടറുകള്‍ ഇതിന് ഏറ്റവും അനുയോജ്യമാകുമെന്നും കേന്ദ്രമന്ത്രി കൂട്ടിച്ചേര്‍ത്തു.