22 കാരറ്റ് സ്വർണത്തിന്റെ ഗ്രാം വില 7,450 രൂപയും പവൻ വില 59,600 രൂപയുമാണ്. ഈ മാസത്തെ ഉയർന്ന വിലയിൽ ഇന്നും വ്യാപാരം തുടരുന്നു.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/He6GJaaXJApLFGlSb9knVc
ജനുവരി 17നാണ് ഈ വില ആദ്യമായി രേഖപ്പെടുത്തിയത്. ജനുവരി 18, 19 തീയതികളിൽ പവന്റെ വില 120 രൂപ കുറഞ്ഞ് 59,480 രൂപയായെങ്കിലും 20ന് വീണ്ടും 59,600 രൂപയിൽ എത്തി. ഈ വർധനവ് തുടരുകയാണെങ്കിൽ പവൻ 60,000 രൂപയിലെത്തുമെന്ന ആശങ്കയുണ്ട്.
ഈ മാസത്തെ ഏറ്റവും കുറഞ്ഞ വില ജനുവരി ഒന്നിന് ആയിരുന്നു, അന്ന് ഒരു പവൻ 57,200 രൂപ മാത്രമായിരുന്നു.
വെള്ളി വിലയിലും മാറ്റമില്ല. ഒരു ഗ്രാം വെള്ളി 104 രൂപയും കിലോ വില 1,04,000 രൂപയുമാണ്.
കേരളത്തിൽ സ്വർണ്ണം സുരക്ഷിത നിക്ഷേപം മാത്രമല്ല, ആഭരണങ്ങളായി കൈവശം വെയ്ക്കാനും ആളുകൾ താത്പര്യപ്പെടുന്നു. രാജ്യാന്തര വിപണിയിലെ വില, ഡോളർ-രൂപ വിനിമയ നിരക്ക്, ഇറക്കുമതി തീരുവ എന്നിവ സ്വർണവില നിർണയത്തെ സ്വാധീനിക്കുന്ന പ്രധാന ഘടകങ്ങളാണ്.