കുട്ടികളുടെ ആധാറുമായി ബന്ധപ്പെട്ട് 5 -7 വയസിന് ശേഷവും 15-17 വയസ് പ്രായ പരിധിയിലുളള വിദ്യാര്‍ത്ഥികളുടെ നിര്‍ബന്ധിത ആധാര്‍ അപ്‌ഡേഷന്‍ യൂണിഫോം ആധാര്‍ പദ്ധതി ജില്ലയില്‍ തുടരും. ആധാര്‍ നിര്‍ബന്ധിത അപ്‌ഡേഷന്‍ ക്യാമ്പ് ജില്ലയിലെ അക്ഷയ കേന്ദ്രങ്ങളുടെ സഹകരണത്തോടെ സജ്ജീകരിച്ചിട്ടുണ്ട്. വിദ്യാര്‍ത്ഥികളുടെ തുടര്‍ പഠന ആവശ്യങ്ങള്‍, വിവിധ സ്‌കോളര്‍ഷിപ്പുകള്‍, ഗ്രാന്റുകള്‍ ലഭിക്കുന്നതിന് ആധാര്‍ ബയോമെട്രിക് അപ്‌ഡേഷന്‍ നിര്‍ബന്ധമാണ്. സ്‌കൂളുകള്‍ കേന്ദ്രീകരിച്ച് ക്യാമ്പുകള്‍ സംഘടിപ്പിക്കും. സ്‌കൂള്‍ അധികൃതര്‍ക്ക് തൊട്ടടുത്തുളള അക്ഷയ കേന്ദ്രവുമായി ബന്ധപ്പെട്ട് അധ്യയനത്തിന് തടസ്സമില്ലാതെ ക്യാമ്പ് ക്രമീകരിക്കാം. വിശദവിവരങ്ങള്‍ക്ക് അതത് സ്‌കൂളുകളിലും അക്ഷയ ജില്ലാ പ്രൊജക്ട് ഓഫീസുമായും ബന്ധപ്പെടാം. ഫോണ്‍- 04936 206265.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/He6GJaaXJApLFGlSb9knVc