വേനൽ ശക്തമായതോടെ ടാപ്പിംഗ് കുറഞ്ഞെങ്കിലും റബർ വിലയിൽ ലക്ഷ്യമിട്ട ഉയർച്ച ഉണ്ടായില്ല. കഴിഞ്ഞ വാരത്തേക്കാൾ കിലോഗ്രാമിന് ഒരു രൂപയുടെ കുറവ് രേഖപ്പെടുത്തിയിരിക്കുകയാണ്. തായ്ലൻഡ് ഉൾപ്പെടെയുള്ള രാജ്യങ്ങൾ ഓഫ്ബീസൺ ഘട്ടത്തിലേക്ക് നീങ്ങിയതോടെ അന്താരാഷ്ട്ര വിപണിയിൽ വിലയിൽ ഉയർച്ച സംഭവിച്ചെങ്കിലും ആഭ്യന്തര വിപണിയിൽ അതിന്റെ പ്രതിഫലനം കാണുന്നില്ല. ചൈന, ടോക്യോ ആർ.എസ്.എസ്-4 വില 212 രൂപയിലെത്തിയപ്പോൾ, ബാങ്കോക്കിൽ 210 രൂപയും, വ്യാപാരികളിൽ 183 രൂപയുമാണ് നിലവിലുള്ള വില.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/He6GJaaXJApLFGlSb9knVc
രാജ്യാന്തര, ആഭ്യന്തര വില വ്യത്യാസം 27 രൂപയായതും ടയർ ലോബിയുടെ ഇടപെടൽ കുറയുന്നതും വില ഉയരുന്നതിനുള്ള തടസ്സമാകുന്നു. ടയർ കമ്പനികൾ മുൻപ് വാങ്ങിയ റബർ ഷീറ്റുകൾ സ്റ്റോറുകളിൽ സംഭരിച്ചിരിക്കുന്നതിനാൽ, ഇവ ഫാക്ടറികളിലേക്ക് എത്തിയാൽ മാത്രമേ വിപണിയിൽ വില ഉയരുമെന്നതിൽ കർഷകർ ഉറച്ചുനില്ക്കുന്നു.
കുരുമുളക് വിപണിയിൽ ഉണർവ്
കുരുമുളക് ലഭ്യത കുറയുന്നതിനാൽ വില ഉയരുന്നു. അമേരിക്കയും യൂറോപ്യൻ രാജ്യങ്ങളും ഈസ്റ്ററിന് മുമ്പ് സംഭരണം കൂടുന്നതോടെ വിപണിയിൽ കൂടുതൽ വിലക്കയറ്റം പ്രതീക്ഷിക്കാം. കഴിഞ്ഞ ആഴ്ച ഇന്ത്യൻ വിപണിയിൽ കിലോഗ്രാമിന് നാലു രൂപയോളം വർദ്ധനയുണ്ടായി. ഒലിയോർസിൻ കമ്പനികൾ അന്തർസംസ്ഥാന വ്യാപാരികളെ കൂടുതൽ വ്യാപാരത്തിലേക്ക് ആകർഷിച്ചതോടെ വിലയിൽ ഉയർച്ച തുടരുമെന്നാണ് വിലയിരുത്തൽ.
ഇറക്കുമതി കുരുമുളക് വിപണിയിൽ ആധിപത്യം പിടിക്കുമ്പോൾ
ഏറ്റുമാന വിലയിൽ ഇടിവ് തുടരുന്ന സാഹചര്യത്തിലാണ് ശ്രീലങ്കൻ കുരുമുളക് വിപണിയിൽ ശക്തമായ സാന്നിധ്യം കൈവരിച്ചത്. ഉണക്കിയ ശേഷമുള്ള സത്ത് കൂടുതലായതിനാൽ മസാല കമ്പനികൾ ശ്രീലങ്കൻ കുരുമുളക്കിനെയാണ് മുൻഗണന നൽകുന്നത്. ഇതോടെ ഉത്തരേന്ത്യൻ വ്യാപാരികളും ശ്രീലങ്കൻ കുരുമുളക് വാങ്ങുന്നതിൽ കൂടുതൽ താത്പര്യം കാണിക്കുന്നു.
ഇന്ത്യയുടെ കയറ്റുമതി നിരക്ക് ടണ്ണിന് 7850 ഡോളറിൽ നിന്ന് 7800 ഡോളറായി കുറഞ്ഞതും ശ്രീലങ്ക, വിയറ്റ്നാം, ബ്രസീൽ, ഇന്തോനേഷ്യ എന്നിവിടങ്ങളിലും വില കുറയുന്നതും കയറ്റുമതിക്കുള്ള പ്രതിസന്ധിയെ മൂർച്ഛിപ്പിക്കുകയാണ്.