ട്രിപ്പിള്‍ നെഗറ്റീവ് ബ്രസ്റ്റ് ക്യാന്‍സറിനുള്ള വാക്സിന്‍ വികസിപ്പിക്കുമെന്ന് ആരോഗ്യ-വനിതാ-ശിശു വികസന വകുപ്പ് മന്ത്രി വീണാ ജോർജ്.
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുക*https://chat.whatsapp.com/CyrYFy1m4b928e7srkZyve
ക്യാന്‍സര്‍ ചികിത്സാ സൗകര്യങ്ങൾ വ്യാപിപ്പിക്കുന്നതിന്റെ ഭാഗമായി 24 ആശുപത്രികൾ കൂടി സംസ്ഥാനത്ത് പ്രവർത്തനം ആരംഭിച്ചിട്ടുണ്ട്. നല്ലൂര്‍നാട് ക്യാന്‍സര്‍ സെന്ററില്‍ സ്ഥാപിച്ച സി.ടി സിമുലേറ്റര്‍ സ്‌കാനിന്റെ ഉദ്ഘാടനം നിർവഹിച്ച ശേഷം സംസാരിക്കുകയായിരുന്നു മന്ത്രി. **ക്യാന്‍സര്‍ രോഗികള്‍ക്ക് മികച്ച ചികിത്സാ സൗകര്യങ്ങള്‍** നല്ലൂര്‍നാട് ക്യാന്‍സര്‍ സെന്ററിലെത്തുന്ന രോഗികള്‍ക്ക് പ്രതിവര്‍ഷം 5500 കീമോതെറാപ്പിയും 600 റേഡിയേഷനുമാണ് ലഭ്യമാക്കുന്നത്. കര്‍ണ്ണാടക, തമിഴ്നാട് എന്നീ സംസ്ഥാനങ്ങളില്‍ നിന്നെത്തുന്ന 150ലേറെ രോഗികള്‍ക്കും ഇവിടെ ചികിത്സാ സൗകര്യം ഒരുക്കിയിട്ടുണ്ട്. പുതിയ സിമുലേറ്റര്‍ പ്രവര്‍ത്തനം ആരംഭിച്ചതോടെ റേഡിയോതെറാപ്പി ചികിത്സ കൂടുതല്‍ കൃത്യമായി നടത്താനാകുമെന്ന് മന്ത്രി വ്യക്തമാക്കി. **ആരോഗ്യം-ആനന്ദം- അകറ്റാം അര്‍ബുദം ക്യാമ്പയിന്‍ വ്യാപിപ്പിക്കുന്നു** ക്യാന്‍സര്‍ പരിശോധനയെ പ്രോത്സാഹിപ്പിക്കുന്നതിന് ജില്ലയില്‍ നടപ്പാക്കിയ “ആരോഗ്യം-ആനന്ദം-അകറ്റാം അര്‍ബുദം” ക്യാമ്പയിനില്‍ 76,000 വനിതകള്‍ പങ്കെടുത്തു. പരിശോധനയുടെ ഭാഗമായി 18 പുതിയ കേസുകള്‍ കണ്ടെത്തിയതായും പുരുഷന്മാരിലേക്കും ക്യാമ്പ് വ്യാപിപ്പിക്കുമെന്നും മന്ത്രി വ്യക്തമാക്കി. **വയനാട് പാക്കേജ്: പുതിയ ആരോഗ്യ പദ്ധതികള്‍** 7.21 കോടി രൂപയുടെ വയനാട് പാക്കേജിന്റെ ഭാഗമായി നല്ലൂര്‍നാട് ക്യാന്‍സര്‍ സെന്ററിലെ സി.ടി സ്‌കാന്‍ പദ്ധതി പൂർത്തിയാക്കി. ഇതോടൊപ്പം, ജില്ലയില്‍ വിവിധ സാമൂഹികാരോഗ്യ കേന്ദ്രങ്ങളും പ്രാഥമികാരോഗ്യ കേന്ദ്രങ്ങളും കുടുംബാരോഗ്യ കേന്ദ്രങ്ങളായി ഉയര്‍ത്തുകയും 55 ആരോഗ്യ ഉപ കേന്ദ്രങ്ങളെ ജനകീയ ആരോഗ്യ കേന്ദ്രങ്ങളാക്കുകയും ചെയ്തു. ഓണ്‍ലൈനായി ഉദ്ഘാടനം നിര്‍വഹിച്ച ചടങ്ങില്‍ പട്ടികജാതി-പട്ടികവര്‍ഗ്ഗ-പിന്നാക്കക്ഷേമ വകുപ്പ് മന്ത്രി ഒ.ആര്‍ കേളു അധ്യക്ഷനായിരുന്നു. എം.എല്‍.എമാരായ ഐ.സി ബാലകൃഷ്ണന്‍, മാനന്തവാടി നഗരസഭാധ്യക്ഷ സി.കെ രത്നവല്ലി, ബ്ലോക്ക് പഞ്ചായത്ത് പ്രസിഡന്റ് ജസ്റ്റിന്‍ ബേബി, മറ്റ് ജനപ്രതിനിധികള്‍, രാഷ്ട്രീയ-ഭരണ പ്രതിനിധികള്‍ തുടങ്ങിയവര്‍ പങ്കെടുത്തു.