ശബരിമല ഭണ്ഡാരത്തില്‍ ലക്ഷക്കണക്കിന് രൂപയുടെ കറന്‍സി നോട്ടുകള്‍ കെട്ടിക്കിടന്ന് പാഴായ നിലയില്‍ കണ്ടെത്തപ്പെട്ടതിനെ തുടര്‍ന്ന് ദേവസ്വം വകുപ്പിനെതിരേ ഗുരുതര ആരോപണങ്ങള്‍ ഉയര്‍ന്നിട്ടുണ്ട്.
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുക*https://chat.whatsapp.com/CyrYFy1m4b928e7srkZyve
മാലിന്യത്തോടൊപ്പം ഇരുനൂറിലേറെ ചൂരല്‍ കൂടകളില്‍ നോട്ടുകള്‍ കെട്ടിനിര്‍ത്തിയതായാണ് കണ്ടെത്തല്‍. ഏപ്രില്‍ ഒന്നിന് ഉത്രം ഉത്സവവും വിഷു പൂജകളും മുന്നിട്ടുവെച്ച് നട തുറന്ന ദിവസം രാത്രി എട്ടു മണിയോടെയാണ് ഭണ്ഡാരത്തില്‍ നിന്നും പണവും നാണയങ്ങളും പൂജാദ്രവ്യങ്ങളും കണ്ടെത്തിയത്.മകരവിളക്ക് കാലത്ത് തുടങ്ങിയവടക്കം കുംഭം, മീനം മാസങ്ങളില്‍ ഭക്തര്‍ സമര്‍പ്പിച്ച നോട്ടുകളാണെന്നാണ് പ്രാഥമിക നിഗമനം. എന്നാല്‍ ഇവ കഴിഞ്ഞ ഏഴാം തീയതി വരെ എണ്ണിയും തിട്ടപ്പെടുത്തിയും ഉണ്ടായില്ലെന്നതാണ് ഏറെ വിമര്‍ശനങ്ങള്‍ക്ക് കാരണം.ഈ വൈകിപ്പിക്കല്‍ ഗുരുതരമായി എതിർത്ത് തിരുവിതാംകൂര്‍ ദേവസ്വം ബോര്‍ഡ് എംപ്ലോയീസ് സംഘ് ജനറല്‍ സെക്രട്ടറി ശ്രീകുമാര്‍ ജി, ബോര്‍ഡ് പ്രസിഡന്റിന് ഔദ്യോഗികമായി പരാതി നല്‍കി. എന്നാല്‍ പരാതി നല്‍കി ഒരു ആഴ്ച പിന്നിട്ടിട്ടും ബോര്‍ഡ് അന്വേഷണം തുടങ്ങാത്തതിനെതിരെ ആക്ഷേപങ്ങള്‍ ശക്തമാകുകയാണ്.പാരമ്പര്യമായി ഇത്തരം വിഷയങ്ങളില്‍ ദേവസ്വം വിജിലന്‍സിന് കൈമാറി അടിയന്തരമായി അന്വേഷണം ആരംഭിക്കേണ്ടതായിരുന്നു. ഭണ്ഡാരത്തിന് മേല്‍ മേടം മാസം വരെ ചുമതല വഹിച്ചു സ്പെഷ്യല്‍ ഓഫീസര്‍മാരാണ് സംഭവത്തില്‍ ഉത്തരവാദികളെന്ന് എംപ്ലോയീസ് സംഘടന ആരോപിക്കുന്നു.നോട്ടുകള്‍ മഴ വെള്ളം വീണ് ദ്രവിച്ചതാണെന്ന വാദം മുന്നോട്ട് വെച്ച് ദേവസ്വം അധികൃതര്‍ കടുത്ത വീഴ്ച മറികടക്കാനുള്ള ശ്രമത്തിലാണ് എന്നതും സൂചനയായി മാറുന്നു. ഇതുപോലുള്ള കേടായ നോട്ടുകള്‍ അടിയന്തരമായി തിരുവനന്തപുരത്തെ സ്റ്റേറ്റ് ബാങ്ക് ശാഖയില്‍ എത്തിച്ച് പണമാക്കി മാറ്റേണ്ടതായിരുന്നുവെങ്കിലും ഇതുവരെ അത്തരമൊരു നടപടിയുമില്ലെന്നതാണ് ആശങ്ക വളര്‍ത്തുന്നത്.