ബാണാസുര സാഗര്‍ അണക്കെട്ടിൻ്റെ വ്യഷ്ടി പ്രദേശങ്ങളിൽ മഴ തുടരുന്നതിനാൽ ഇന്ന് (ഓഗസ്റ്റ് 18) ഉച്ചയ്ക്ക് 2.30 ന് മൂന്നാമത്തെ സ്‌പിൽവെ ഷട്ടർ 10 സെന്റീമീറ്റർ ഉയർത്തി. നിലവിൽ രണ്ട് ഷട്ടറുകൾ 15 സെൻ്റീമീറ്റർ വീതം ഉയർത്തിയിട്ടുണ്ട്. ഷട്ടറുകൾ 40 സെൻ്റീമീറ്റർ ഉയർത്തി 48.22 ക്യുമെക്സ് വെള്ളം ഘട്ടം ഘട്ടമായി ഒഴുക്കി വിടുമെന്ന് എക്സിക്യൂട്ടീവ് എൻജിനീയർ അറിയിച്ചു. വൈകിട്ട് 4.30 ന് 15 സെൻ്റീ മീറ്റർ കൂടി ഉയർത്തി അധിക ജലം തുറന്നു വിട്ടു. കരമാൻ തോട്, പനമരം പുഴയോരങ്ങളിലും താഴ്ന്ന പ്രദേശങ്ങളിലും താമസിക്കുന്നവര്‍ ജാഗ്രത പാലിക്കണമെന്ന് അധികൃതർ അറിയിച്ചു.