വയനാട് ഡിസിസി പ്രസിഡന്റ് എൻ.ഡി. അപ്പച്ചൻ രാജി സമർപ്പിച്ചു. വയനാട് കോൺഗ്രസിൽ നീണ്ടുനിന്ന വിഭാഗീയതയും അടുത്തിടെ പൊട്ടിപ്പുറപ്പെട്ട വിവാദങ്ങളും രാജിയിലേക്ക് വഴിമാറിയെന്നാണ് സൂചന.കഴിഞ്ഞ കെപിസിസി യോഗങ്ങളിൽ തന്നെ രാജി സന്നദ്ധത അറിയിച്ചു കൊണ്ടിരുന്നുവെന്നും വയനാട്ടിലെ പാർട്ടി വിഷയങ്ങൾ കൈകാര്യം ചെയ്യാൻ ബുദ്ധിമുട്ടുണ്ടെന്ന് നേതൃത്വത്തോട് പറഞ്ഞിരുന്നുവെന്നും അപ്പച്ചൻ മാധ്യമങ്ങളോട് വെളിപ്പെടുത്തി. രാജിക്ക് നേതൃത്വം എതിർപ്പില്ലെന്നതും അദ്ദേഹം വ്യക്തമാക്കി.എന്നാൽ രാജിയ്ക്ക് പിന്നിലെ യഥാർത്ഥ കാരണങ്ങളെക്കുറിച്ച് മാധ്യമങ്ങളോട് വ്യക്തമാക്കാനാകില്ലെന്ന് അപ്പച്ചൻ വ്യക്തമാക്കി. കെപിസിസി നിർദേശപ്രകാരം തന്നെയാണ് രാജിയെന്ന സൂചനയും ഉയർന്നിട്ടുണ്ട്.മുൻ ഡിസിസി ട്രഷറർ എൻ.എം. വിജയന്റെയും മകന്റെയും മരണവുമായി ബന്ധപ്പെട്ട വിവാദങ്ങളിൽ എൻ.ഡി. അപ്പച്ചൻ വലിയ രീതിയിൽ വിമർശനങ്ങൾ നേരിട്ടിരുന്നു. ഡിസിസി പ്രസിഡന്റിനെ മാറ്റാനുള്ള നീക്കങ്ങൾക്കിടെയാണ് അദ്ദേഹം രാജി സമർപ്പിച്ചത്.
വന്യമൃഗ സംഘര്‍ഷത്തിന് ‘ബ്രേക്ക്’ – വയനാട്ടില്‍ സംസ്‌ഥാനത്തിലെ ആദ്യ ക്രാഷ് ഗാര്‍ഡ് റോപ് ഫെന്‍സിങ്
ജില്ലയില്‍ മനുഷ്യ–വന്യജീവി സംഘര്‍ഷം നിയന്ത്രിക്കാനായി ആരംഭിച്ച പദ്ധതികള്‍ ഫലം കാണുന്നു. പ്രത്യേകിച്ച് മാനന്തവാടി ഉള്‍പ്പെടെയുള്ള പ്രദേശങ്ങളില്‍ 10 കോടിയിലധികം രൂപ ചെലവഴിച്ച്‌ നടപ്പാക്കിയ പദ്ധതികള്‍ ഗ്രാമീണര്‍ക്ക് ആശ്വാസമായി.മന്ത്രി ഒ.ആര്‍. കേളുവിന്റെ ആസ്‌തി വികസന ഫണ്ടും കിഫ്‌ബി സഹായവും ചേര്‍ന്നാണ്‌ വലിയൊരു പങ്ക് പദ്ധതികള്‍ക്കായി വിനിയോഗിച്ചത്. കൂടാതെ, രാഷ്‌ട്രീയ കൃഷി വികാസ്‌ യോജനയുടെ സാമ്പത്തിക സഹായവും ഉള്‍പ്പെടുത്തിയിട്ടുണ്ട്.വന്യജീവി ആക്രമണം തടയാന്‍ നിരവധി പ്രദേശങ്ങളില്‍ സോളാര്‍ തൂക്കുവേലി നിര്‍മാണം പൂര്‍ത്തിയായി. എം.എല്‍.എ ആസ്‌തി വികസന ഫണ്ടില്‍നിന്നും രണ്ട് കോടി രൂപ ചെലവഴിച്ച്‌ തിരുനെല്ലി, തവിഞ്ഞാല്‍, പനമരം പഞ്ചായത്തുകളിലും മാനന്തവാടി നഗരസഭയിലുമുള്ള പ്രധാന വനാതിര്‍ത്തികളില്‍ വേലി നിര്‍മിച്ചു.അതേസമയം, സംസ്ഥാനത്ത് ആദ്യമായാണ്‌ ക്രാഷ് ഗാര്‍ഡ് റോപ്പ് ഫെന്‍സിങ് സംവിധാനം നടപ്പാക്കിയത്. കിഫ്‌ബിയുടെ എട്ട് കോടി രൂപ ഉപയോഗിച്ച്‌ പനമരം പഞ്ചായത്തിലെ ദാസനക്കര മുതല്‍ നീര്‍വാരം വരെയും മാനന്തവാടി നഗരസഭയിലെ കൂടല്‍ക്കടവ് മുതല്‍ പാല്‍വെളിച്ചം വരെയും പദ്ധതികള്‍ പൂര്‍ത്തിയായി.രാഷ്‌ട്രീയ കൃഷി വികാസ്‌ യോജനയുടെ സഹായത്തോടെ വടക്കേ വയനാട്ടിലെ തച്ചറക്കൊല്ലി, മുത്തുമാരി, പാണ്ടുരംഗം, അമ്ബലക്കണ്ടി രണ്ടാംപുഴ തുടങ്ങിയ പ്രദേശങ്ങളിലും വേലി നിര്‍മാണം അവസാന ഘട്ടത്തിലാണ്. പായിമൂല–ബാവലി ചെക്ക്‌പോസ്റ്റ്, 43-ാം മൈല്‍, റസ്സല്‍ക്കുന്ന് കോളനി, താരാഭായി വിവേക് എസ്റ്റേറ്റ് തുടങ്ങി നിരവധി സ്ഥലങ്ങളിലും പ്രവര്‍ത്തനങ്ങള്‍ പൂര്‍ത്തിയായി.മുന്‍പ് സോളാര്‍ ഫെന്‍സിങ്, എലിഫന്റ് പ്രൂഫ് വാള്‍, റെയില്‍ ഫെന്‍സ്, സ്റ്റീല്‍ ഫെന്‍സിങ് തുടങ്ങിയ സംവിധാനം ഉപയോഗിച്ചിരുന്നെങ്കിലും വലിയ ഫലം നല്‍കാത്തതിനാല്‍ ഇപ്പോള്‍ ക്രാഷ് ഗാര്‍ഡ് റോപ്പ് ഫെന്‍സിങിന് മുന്‍ഗണന നല്‍കുകയാണ്. വന്യജീവി ആക്രമണം തടയാനായി സംസ്ഥാനത്ത് ആദ്യമായിട്ടാണ്‌ ഈ നവീന രീതിയില്‍ സംരക്ഷണ സംവിധാനം ഒരുക്കുന്നത്.
ഇന്ത്യൻ റെയില്‍വേക്ക് കീഴില്‍ സ്പോര്‍ട്സ് ക്വാട്ട റിക്രൂട്ട്മെന്റ്; ഇപ്പോള്‍ അപേക്ഷിക്കാം2025
ഭാരതീയ റെയിൽവേയിൽ സ്പോർട്സ് ക്വോട്ടയിലൂടെ പുതിയ നിയമന അവസരങ്ങൾ . സതേൺ റെയിൽവേയും ഈസ്റ്റേൺ റെയിൽവേയും വിവിധ ഡിവിഷനുകളിൽ കായിക താരങ്ങളെ നിയമിക്കുകയാണ്, ആകെ 117 ഒഴിവുകളാണ് ലഭ്യമായിരിക്കുന്നത്.ചെന്നൈ ആസ്ഥാനമായ സതേൺ റെയിൽവേയ്ക്ക് കീഴിൽ 67, ഈസ്റ്റേൺ റെയിൽവേയ്ക്ക് 50 ഒഴിവുകളാണ് ഉള്ളത്. സതേൺ റെയിൽവേയിൽ ലറ്റിക്‌സ്, ബോക്‌സിങ്, ക്രിക്കറ്റ്, ടെന്നിസ്, ബാസ്‌ക്കറ്റ് ബോൾ, ഗോൾഫ്, സ്വിമ്മിങ്, ഫുട്‌ബോൾ, ഹോക്കി, വെയ്റ്റ്‌ലിഫ്റ്റിങ് തുടങ്ങിയ കായിക ഇനങ്ങളിൽ കഴിവുള്ള ഉദ്യോഗാർത്ഥികൾക്ക് അപേക്ഷ ക്ഷണിച്ചിട്ടുണ്ട്. അപേക്ഷിക്കേണ്ട അവസാന തീയതി ഒക്ടോബർ 12 ആണ്, അപേക്ഷ ഓൺലൈനായി http://www.rrcmas.in വഴി സമർപ്പിക്കാം. അപേക്ഷിക്കുന്നതിനുള്ള യോഗ്യതയിൽ കുറഞ്ഞത് പത്താം ക്ലാസ് പാസായിരിക്കണം, കൂടാതെ മേൽപ്പറഞ്ഞ കായിക ഇനങ്ങളിൽ ആവശ്യമായ കഴിവുകളും ഉണ്ടാകണം. കൂടുതൽ വിവരങ്ങൾക്കും വിശദമായ യോഗ്യത മാനദണ്ഡങ്ങൾക്കും വെബ്സൈറ്റ് സന്ദർശിക്കാം.