കൽപ്പറ്റ: വയനാട്ടിൽ ഉണ്ടായ ഉരുള്‍പൊട്ടല്‍ ദുരന്തത്തില്‍ കാണാതായവരെ കണ്ടെത്താൻ നടക്കുന്ന ജനകീയ തിരച്ചില്‍ നാളെയും തുടരുമെന്ന് മന്ത്രി പി. എ. മുഹമ്മദ് റിയാസ്. ഡിഎന്‍എ പരിശോധനയുടെ ഫലങ്ങൾ ലഭിച്ചു തുടങ്ങി, ഇവ നാളെ മുതല്‍ പരസ്യപ്പെടുത്തുമെന്ന് മന്ത്രി വാര്‍ത്താ സമ്മേളനത്തിൽ അറിയിച്ചു. ഇന്ന് മൂന്ന് ശരീരഭാഗങ്ങൾ കണ്ടെത്തിയതായും, പോസ്റ്റുമോര്‍ട്ടത്തിന് ശേഷം മാത്രമേ അവ മനുഷ്യന്റേതാണോ എന്ന് വ്യക്തമാകു, എന്നും അദ്ദേഹം കൂട്ടിച്ചേര്‍ത്തു.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/DYIcCG3lwEZ2jqTkPTjGfA
അട്ടമലയില്‍ നിന്ന് കണ്ടെത്തിയ ഒരു എല്ലിന്റെ കഷ്ണം മനുഷ്യന്റേതാണോ മൃഗത്തിന്റേതോ, ഉരുള്‍പൊട്ടലിന് മുമ്പുള്ളതോ, എന്നും പരിശോധിച്ച് സ്ഥിരീകരിക്കുമെന്നും മന്ത്രി വ്യക്തമാക്കി. നാളെയും മറ്റന്നാളും ചാലിയാറില്‍ കൂടുതല്‍ വലിപ്പമുള്ള തിരച്ചില്‍ നടത്തുമെന്നും അദ്ദേഹം അറിയിച്ചു.
മുണ്ടേരി ഫാം-പരപ്പന്‍ പാറയില്‍ 60 അംഗ സംഘവും പാണംകായം വനമേഖലയിലെ 50 അംഗ സംഘവും പരിശോധന നടത്തും. പൂക്കോട്ട്മല മേഖലയിലും തിരച്ചില്‍ തുടരുമെന്നും മന്ത്രി പറഞ്ഞു.
ഉരുള്‍പൊട്ടല്‍ ദുരന്തത്തില്‍ 229 പേരുടെ മരണമാണ് ഔദ്യോഗിക കണക്കില്‍ സ്ഥിരീകരിച്ചിരിക്കുന്നത്. 178 പേരുടെ മൃതദേഹങ്ങള്‍ തിരിച്ചറിഞ്ഞു, 51 മൃതദേഹങ്ങളും 200 ഓളം ശരീര ഭാഗങ്ങളും ഇതുവരെ തിരിച്ചറിയാൻ കഴിഞ്ഞിട്ടില്ല. നിലവിൽ കാണാതായവരുടെ കരട് പട്ടികയില്‍ 130 പേരുടെ പേരുകൾ അടങ്ങിയിട്ടുണ്ട്, 90 പേരുടെ ഡിഎന്‍എ സാംപിളുകൾ എടുത്തിട്ടുണ്ടെന്നും മന്ത്രി കൂട്ടിച്ചേര്‍ത്തു.
പരപ്പന്‍പാറയില്‍ പുഴയുടെ സമീപത്തുള്ള സ്ഥലത്ത് കണ്ടെത്തിയ ശരീരഭാഗങ്ങൾക്കൊപ്പം, ദുരന്തബാധിതരുടെ താത്കാലിക പുനരധിവാസ പ്രവർത്തനങ്ങളും ഉടൻ പൂര്‍ത്തിയാക്കുമെന്നു മന്ത്രി അറിയിച്ചു. താത്കാലിക പുനരധിവാസത്തിനായി 253 വാടക വീടുകള്‍ കണ്ടെത്തിയിട്ടുണ്ട്. നിലവിൽ 14 ദുരിതാശ്വാസ ക്യാമ്പുകളാണ് നിലവിലുള്ളത്. താത്കാലിക പുനരധിവാസത്തിനുള്ള ഓപ്ഷനുകൾക്കിടയിൽ, ക്യാമ്പ് വിടുന്നവര്‍, ബന്ധു വീട്ടില്‍ പോകുന്നവര്‍, സ്‌പോണ്‍സര്‍ ചെയ്ത സ്ഥലത്ത് പോകുന്നവര്‍, സര്‍ക്കാര്‍ കണ്ടെത്തിയ സ്ഥലത്ത് പോകുന്നവര്‍ തുടങ്ങിയവരുടെ അഭിപ്രായം കൂടി പരിഗണിച്ച ശേഷം അന്തിമ തീരുമാനമെടുക്കുമെന്നും അദ്ദേഹം അറിയിച്ചു.