എൻ.സിപി മന്ത്രിമാറ്റത്തിൽ അനിശ്ചിതത്വം തുടരുന്നു; എ.കെ. ശശീന്ദ്രനെ മാറ്റാനുള്ള നീക്കം മുന്നോട്ട്
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/DYIcCG3lwEZ2jqTkPTjGfA
എൻ.സിപിയിലെ വനം വകുപ്പ് മന്ത്രി എ.കെ. ശശീന്ദ്രനെ മാറ്റി, തോമസ് കെ. തോമസ് എം.എൽ.എയെ മന്ത്രിയാക്കാനുള്ള പാർട്ടി നീക്കങ്ങൾക്കിടയിലും അനിശ്ചിതത്വം തുടരുകയാണ്. ദേശീയ നേതൃത്വം നൽകിയ നിർദേശമനുസരിച്ച്, എൻ.സിപി സംസ്ഥാന നേതൃത്വം മന്ത്രിമാറ്റം സംബന്ധിച്ച തീരുമാനം ബുധനാഴ്ച്ചയ്ക്കകം മുഖ്യമന്ത്രിയെയും ഇടത് മുന്നണിയെയും അറിയിക്കും.
മുംബൈയിൽ നടന്ന പാർട്ടി ദേശീയ അധ്യക്ഷൻ ശരത് പവാറുമായുള്ള കൂടിക്കാഴ്ചയിൽ മന്ത്രിസ്ഥാന മാറ്റം സംബന്ധിച്ച് ശക്തമായ ചർച്ചകൾ നടന്നു. ഇതിൽ പങ്കെടുക്കുകയും, തന്റെ മാറ്റത്തിൽ മുഖ്യമന്ത്രിയുടെ എതിർപ്പ് ഉണ്ടെന്ന് അറിയിക്കുകയും ചെയ്ത എ.കെ. ശശീന്ദ്രന്റെ നിലപാട് ഇപ്പോഴും മാറ്റമില്ലാതെയാണ്.
സംസ്ഥാന പ്രസിഡൻറ് പി.സി. ചാക്കോ, മന്ത്രി എ.കെ. ശശീന്ദ്രൻ, തോമസ് കെ. തോമസ് എന്നിവരോട് മുഖ്യമന്ത്രി പിണറായി വിജയനെ ഒരുമിച്ച്‌ കാണാനാണ് പാർട്ടി നിർദേശം നൽകിയിരിക്കുന്നത്. രണ്ട് ആഴ്ച മുമ്പ് തോമസ് എം.എൽ.എ മന്ത്രിസ്ഥാനത്തിന്‍റെ കാര്യം മുഖ്യമന്ത്രിയെ അറിയിക്കാനെത്തിയെങ്കിലും ഇതിനുള്ള അന്തിമ തീരുമാനം ഇന്നും വൈകുന്നു.
ശശീന്ദ്രന് പകരം ഉന്നത പദവികൾ വാഗ്ദാനം ചെയ്തെങ്കിലും അദ്ദേഹം അതിനോട് അനുകൂലമല്ലാത്ത നിലപാട് സ്വീകരിച്ചു. പാർട്ടി ദേശീയ നേതൃത്വത്തിന്‍റെ രൂക്ഷ വിമർശനത്തിനിടയിലും തന്ത്രങ്ങൾ പരിഗണിച്ചാണ് ശശീന്ദ്രനെ മാറ്റാനുള്ള നീക്കങ്ങൾ തുടരുന്നത്.
ഈ നീക്കം സംസ്ഥാന സർക്കാരിന് തന്നെ തലവേദന സൃഷ്ടിക്കാൻ സാധ്യതയുള്ളതായി രാഷ്ട്രീയ നിരീക്ഷകർ വിലയിരുത്തുന്നു.