ഇന്ത്യയുടെ അതികായ വ്യവസായ ഗ്രൂപ്പായ ടാറ്റയുടെ സ്ഥാപകനേതാവായ രത്തൻ ടാറ്റ വിടവാങ്ങിയിരിക്കുന്നു. ഭക്ഷണം, വസ്ത്രം, വാഹനങ്ങൾ, പാർപ്പിടം മുതൽ ഓരോ മനുഷ്യനും ആവശ്യപ്പെടുന്ന പല കാര്യങ്ങളിലും ടാറ്റ ബ്രാൻഡിന്റെ വലിയ കാൽമുദ്ര ഉണ്ടായിരുന്നു. വിശ്വസനീയതയോടും സമർപ്പണത്തോടും കൂടിയാണ് രത്തൻ ടാറ്റ തന്റെ ബിസിനസ്സ് സാമ്രാജ്യം വളർത്തിയത്. അങ്ങിനെ ടാറ്റയുടെ പേര് ഇന്നും സാധാരണ ജനങ്ങൾക്കിടയിൽ അതീവ സ്നേഹപൂർവമായ ഒന്നായി തുടരുന്നു.86 കാരനായ അവിവാഹിതനായ ടാറ്റയുടെ സംസ്‌കാര ചടങ്ങുകൾ ഔദ്യോഗിക ബഹുമതികളോടെ ഇന്ന് നടക്കും.
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുക*https://chat.whatsapp.com/DYIcCG3lwEZ2jqTkPTjGfA
അദ്ദേഹത്തിന്റെ ഭൗതിക ശരീരം വിലാപയാത്രയായി നാഷണൽ സെന്റർ ഫോർ പെർഫോമിംഗ് ആർട്സിൽ പൊതുദർശനത്തിന് വച്ചശേഷം, വോർളിയിലെ പാഴ്‌സി ശ്മശാനത്തിൽ കൊണ്ടുപോയി സംസ്‌കാരച്ചടങ്ങുകൾ നടക്കും. രത്തൻ ടാറ്റ പാഴ്‌സി സമുദായാംഗനാണ് എന്നതുകൊണ്ട് അദ്ദേഹത്തിന്റെ അന്ത്യ കർമ്മങ്ങൾ പാഴ്‌സി ആചാരപ്രകാരം ഉണ്ടാകുമോ എന്നത് പലർക്കും ആകാംക്ഷയോടെയാണ്. പാഴ്‌സി സംസ്‌കാര രീതി പ്രകാരം മൃതദേഹം കുഴിച്ചിടുകയോ കത്തിക്കുകയോ ചെയ്യാറില്ല. പാഴ്‌സികളുടെ വിശ്വാസപ്രകാരം, ഭൗതിക ശരീരം പ്രകൃതിയുടെ അവകാശമാണ്, അതിനാൽ അത് പ്രകൃതിയിലേക്ക് തിരികെ നൽകണമെന്നാണ് അവർ അനുശാസിക്കുന്നത്.