മഞ്ഞ, പിങ്ക് റേഷൻ കാർഡുകളുടെ മസ്റ്ററിംഗ് നടപടികൾ നവംബർ 5 വരെ നീട്ടി. മുൻഗണനാ റേഷൻ കാർഡുകളുടെ 16 ശതമാനം ആളുകൾ മസ്റ്ററിംഗ് പൂർത്തിയാക്കാത്ത സാഹചര്യത്തിലാണ് ഈ നീട്ടി നൽകിയത്. കിടപ്പ് രോഗികൾക്കും കുട്ടികൾക്കും വീടുകളിൽ എത്തി മസ്റ്ററിംഗ് സേവനം ലഭ്യമാക്കും. ഇ-പോസ് സാങ്കേതിക പ്രശ്നങ്ങളാൽ വിരലടയാളം പതിയാത്തവർക്ക് ഐറിസ് സ്കാനർ വഴി മസ്റ്ററിംഗ് നടപടികൾ പൂർത്തിയാക്കാൻ കഴിയുന്ന രീതിയും ഒരുക്കിയിട്ടുണ്ട്.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/He6GJaaXJApLFGlSb9knVc
നവംബർ 5ന് ശേഷം താലൂക്ക് സപ്ലൈ ഓഫീസറുടെ നേതൃത്വത്തിൽ പ്രത്യേക ക്യാമ്പുകൾ സംഘടിപ്പിക്കാൻ സർക്കാർ തീരുമാനിച്ചിരിക്കുകയാണ്. ഒക്ടോബർ 25 വരെയുള്ള കണക്കുപ്രകാരം, പിങ്ക് കാർഡുടമകളിൽ 83.67% പേരും മസ്റ്ററിംഗ് പൂർത്തിയാക്കിയതായാണ് ഭക്ഷ്യ പൊതുവിതരണ വകുപ്പ് മന്ത്രി ജി.ആർ. അനിൽ അറിയിച്ചത്.
സംസ്ഥാനത്തിന് പുറത്തുള്ള മുൻഗണനാ കാർഡുടമകൾക്ക് മസ്റ്ററിംഗ് പൂർത്തിയാക്കുന്നതിനായി അധിക സമയവും അതുപോലെ, രാജ്യത്തിന് പുറത്തുള്ള മുൻഗണനാ കാർഡുടമകൾക്ക് എൻആർകെ നില നൽകിയും ആകമാനമായി 100% മസ്റ്ററിംഗ് പൂർത്തിയാക്കാൻ സർക്കാർ പ്രതീക്ഷിക്കുന്നു.