പ്രമുഖ ഓണ്‍ലൈന്‍ ട്രേഡിങ് ആപ്പിന്റെ പേരുപയോഗിച്ച് തട്ടിപ്പ് നടത്തിയത് മുന്‍ പ്രവാസിയെ ആറു കോടിയോളം രൂപ നഷ്ടത്തിലേക്ക് ഇടിച്ചുവെന്നാണ് പരാതി. മൊബൈല്‍ ഫോണില്‍ വ്യാജ ആപ്പുകള്‍ ഇന്‍സ്റ്റാള്‍ ചെയ്ത്, വിവിധ കൂട്ടായ്മകളിലൂടെ വിശ്വാസം നേടിക്കൊണ്ടാണ് ഇയാളുടെ പണം തട്ടിയെടുത്തതെന്നാണ് പോലിസ് അറിയിച്ചത്.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/He6GJaaXJApLFGlSb9knVc
ആപ്പില്‍ ലാഭത്തിന്റെ വ്യാജ കണക്കുകള്‍ പ്രദര്‍ശിപ്പിച്ച് കൂടുതല്‍ നിക്ഷേപം നടത്താന്‍ പ്രേരിപ്പിക്കുകയായിരുന്നുവെന്നും, ഓരോ നിക്ഷേപത്തിന്റെയും ഫലമായി വലിയ ലാഭം ലഭിക്കുന്നതായാണ് എപ്പുകള്‍ കാണിച്ചിരുന്നതെന്നും അധികൃതര്‍ വ്യക്തമാക്കി. തുടര്‍ന്നും കൂടുതൽ ലാഭം നേടാനായി മുന്‍ പ്രവാസി കൂടുതല്‍ തുക നിക്ഷേപിച്ചു.
പണം പിന്‍വലിക്കാന്‍ ശ്രമിച്ചപ്പോള്‍ ലാഭത്തിന്റെ 20 ശതമാനം വീണ്ടും നിക്ഷേപിക്കണമെന്ന് ആവശ്യപ്പെടുന്നതിനെത്തുടര്‍ന്ന് പ്രതിവാദിയുടെ നുണകളില്‍ സംശയം തോന്നി. തുടര്‍ന്ന്, സൈബര്‍ ക്രൈം പൊലീസിനെ സമീപിച്ച് പരാതിപ്പെട്ടുവെന്നും പോലിസ് അധികൃതര്‍ പറഞ്ഞു.
പ്രമുഖ ട്രേഡിങ് കമ്പനികളുടെ വ്യാജപതിപ്പുകളിലൂടെ പണമിടപാടുകള്‍ നടത്തുന്നത് ബുദ്ധിമുട്ടുകളിലേക്ക് നയിക്കുന്നുണ്ടെന്ന് പോലിസ് വാര്‍ത്താകുറിപ്പില്‍ മുന്നറിയിപ്പ് നല്‍കി. ഗൂഗിളിന്റെ പ്ലേസ്‌റ്റോറില്‍ നിന്ന് അല്ലാതെ ലഭിക്കുന്ന ആപ്പുകള്‍ ഡൗണ്‍ലോഡ് ചെയ്യുന്നത് അപകടകരമാണെന്നും, 1930 എന്ന നമ്പരിലോ www.cybercrime.gov.in ല്‍ പരാതികള്‍ രജിസ്റ്റര്‍ ചെയ്യാമെന്നും പോലീസ് അഭ്യര്‍ത്ഥിച്ചു.