വയനാടിന്റെ തനത്ഫലങ്ങള്‍ വിപണിയിലെത്തിക്കാന്‍ ആകർഷകമായ പദ്ധതികള്‍ അനിവാര്യമെന്ന് വയനാട് ലോക്സഭാ മണ്ഡലം യുഡിഎഫ് സ്ഥാനാര്‍ത്ഥി പ്രിയങ്ക ഗാന്ധി. വയനാടിന്റെ കർഷക സമൂഹത്തിന് മികച്ച മാർക്കറ്റിങ് സംവിധാനങ്ങളും ഭക്ഷ്യസംസ്കരണ പദ്ധതികളും നടപ്പാക്കാൻ സർക്കാർ ശ്രമിക്കണമെന്ന് പ്രിയങ്ക നിർദേശിച്ചു.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/He6GJaaXJApLFGlSb9knVc
മാനന്തവാടി നിയോജക മണ്ഡലത്തിലെ വാളാട് നടന്ന പൊതു യോഗത്തില്‍ സംസാരിക്കുകയായിരുന്നു അവര്‍. കായികതാരങ്ങള്‍ക്ക് പ്രോത്സാഹനമെത്തിക്കാനായി മികച്ച പരിശീലന സൗകര്യങ്ങള്‍ ഒരുക്കുന്നതിന്റെ ആവശ്യകതയെയും പ്രിയങ്ക മുന്നോട്ട് വച്ചു. കൂടാതെ, വയനാട്ടില്‍ മികച്ച ആരോഗ്യ, വിദ്യാഭ്യാസ, കുടിവെള്ള സംവിധാനങ്ങള്‍ ഉറപ്പുവരുത്തണമെന്നും അവര്‍ ആവശ്യപ്പെട്ടു.
വയനാടിന്റെ മലയോര മേഖലകളിൽ ആദിവാസി വിഭാഗങ്ങള്‍ക്ക് അടിസ്ഥാന സൗകര്യങ്ങള്‍ ദൗർലഭമാണെന്നും, തൊഴിലുറപ്പ് പദ്ധതിയുടെ ഫണ്ട് വെട്ടിക്കുറച്ചത് തൊഴിലാളികള്‍ക്ക് പ്രതിസന്ധി സൃഷ്ടിച്ചതായും പ്രിയങ്ക ഗാന്ധി പറഞ്ഞു.