കേരളത്തിന് ലഭിക്കേണ്ട കേന്ദ്രസഹായം വീണ്ടും വൈകുന്ന പശ്ചാത്തലത്തില്‍ മുഖ്യമന്ത്രി പിണറായി വിജയന്‍ ശക്തമായ പ്രതികരണവുമായി രംഗത്ത്. സംസ്ഥാനത്തിന്റെ ആവശ്യം തുടര്‍ച്ചയായി കേന്ദ്രം നിരാകരിക്കുന്നുവെന്ന് അദ്ദേഹം കുറ്റപ്പെടുത്തി. അര്‍ഹതപ്പെട്ട സഹായങ്ങള്‍ നിഷേധിക്കപ്പെടുന്നത് കേരളത്തിന്‍റെ വികസനത്തിനും ജനങ്ങളുടെ ഉന്നമനത്തിനും തടസ്സം സൃഷ്ടിക്കുന്നുവെന്ന് മുഖ്യമന്ത്രി ചൂണ്ടിക്കാട്ടി.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/He6GJaaXJApLFGlSb9knVc
ധനകാര്യ കമ്മീഷന്‍ വിഭജിച്ച വിഹിതം മുതല്‍ കേന്ദ്ര ബജറ്റിലും ധന മന്ത്രാലയത്തിലുമുള്ള തീരുമാനങ്ങളിലും കേരളത്തിന്‍റെ താല്‍പര്യങ്ങള്‍ക്ക് പ്രാധാന്യം നല്‍കുന്നില്ല. ഇതോടെ സംസ്ഥാനത്തെ വികസന പ്രവര്‍ത്തനങ്ങള്‍ പരിമിതപ്പെടുന്നുവെന്നും, ദുരന്തബാധിത സംസ്ഥാനമായ കേരളം പോലും സഹായത്തിന് അര്‍ഹതപ്പെട്ട സ്ഥാനത്ത് പരിഗണിക്കപ്പെടുന്നില്ലെന്നും മുഖ്യമന്ത്രി വ്യക്തമാക്കി.