മദ്യപിച്ച് വാഹനമോടിക്കാനുള്ള പ്രവണതക്കെതിരെ കടുത്ത നടപടികളുമായി ഗതാഗത വകുപ്പ്. മന്ത്രി കെ.ബി. ഗണേഷ് കുമാർ ഇക്കാര്യം പ്രഖ്യാപിച്ച്, വാഹനാപകടങ്ങൾ കുറയ്ക്കാൻ കൂടുതൽ കർശനമായ നിയന്ത്രണങ്ങൾ നടപ്പാക്കുമെന്നും വ്യക്തമാക്കി. ലൈസൻസ് ഉടമകൾ മദ്യപിച്ച് വാഹനം ഓടിക്കുന്നതായി കണ്ടെത്തിയാൽ ലൈസൻസ് റദ്ദാക്കുന്നതിനുള്ള നടപടികൾ കർശനമാക്കുമെന്നും അദ്ദേഹം കൂട്ടിച്ചേർത്തു.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/He6GJaaXJApLFGlSb9knVc
കെഎസ്‌ആർടിസിയെ അപകടമുക്തമാക്കാനുള്ള നടപടികളും ഗതാഗത ബോധവൽക്കരണ പ്രവർത്തനങ്ങളും ശക്തമാക്കുന്നതിന് ഡിജിപിയുടെ നേതൃത്വത്തിൽ പ്രത്യേക ഡ്രൈവുകൾ നടത്തുമെന്നുമാണ് മന്ത്രിയുടെ പ്രഖ്യാപനം. കൂടാതെ, സ്വകാര്യ ബസ് ജീവനക്കാർക്ക് പോലീസ് എൻഒസി നിർബന്ധമാക്കാൻ തയ്യാറെടുപ്പുകൾ നടക്കുന്നതായും മന്ത്രി പറഞ്ഞു.
അപകടങ്ങൾ വരുത്തിയാൽ ഡ്രൈവർമാർക്ക് നിഷ്കർഷിതമായ ശിക്ഷകൾ ലഭിക്കുമെന്നും, അപകടത്തിൽ മരണം സംഭവിച്ചാൽ ആറ് മാസത്തേക്ക് പെർമിറ്റ് റദ്ദാക്കപ്പെടുമെന്നും മന്ത്രി ഗണേഷ് കുമാർ വ്യക്തമാക്കി. വാഹനങ്ങൾക്കുണ്ടാകുന്ന പ്രശ്നങ്ങൾ രേഖപ്പെടുത്തുന്നതിനായി പ്രത്യേക രജിസ്റ്റർ നൽകിയതായും സ്വകാര്യ ബസ് ഉടമകളുമായി കഴിഞ്ഞ ദിവസം നടത്തിയ ചർച്ചയിൽ നടപടികൾ ഏകോപിപ്പിച്ചിട്ടുണ്ടെന്നും അദ്ദേഹം പറഞ്ഞു.