രണ്ടാം പിണറായി സർക്കാരിന്റെ അവസാന സമ്പൂർണ്ണ ബജറ്റ് നാളെ ധനമന്ത്രി കെ. എൻ. ബാലഗോപാൽ നിയമസഭയിൽ അവതരിപ്പിക്കും. തദ്ദേശ ഭരണ സ്ഥാപനങ്ങളുടെയും നിയമസഭാ തിരഞ്ഞെടുപ്പിന്റെയും മുന്നോടിയായ ബജറ്റായതിനാൽ ജനപ്രിയ പദ്ധതികൾക്കും ആനുകൂല്യങ്ങൾക്കും പ്രാധാന്യം നൽകുമെന്നാണ് പ്രതീക്ഷ.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/He6GJaaXJApLFGlSb9knVc
നികുതിയേതര വരുമാനവൃത്തികൾ വർധിപ്പിക്കാൻ സർക്കാർ താൽപ്പര്യമാണെന്ന് സൂചനകളുണ്ട്. ക്ഷേമപെൻഷൻ വർധനയും ശമ്പള കമ്മീഷൻ നിർദേശങ്ങളുമായി ബന്ധപ്പെട്ട പ്രഖ്യാപനങ്ങളും ബജറ്റിൽ ഉൾപ്പെടാനാണ് സാധ്യത. വിഴിഞ്ഞം തുറമുഖം മൂന്നു വർഷത്തിനകം പ്രവർത്തനം ആരംഭിക്കുമെന്ന് കണക്കാക്കി, ഇതുമായി ബന്ധപ്പെട്ട വലിയ പദ്ധതികളും ബജറ്റിൽ പ്രതീക്ഷിക്കാം.
ഉന്നത വിദ്യാഭ്യാസ മേഖലയിലെ സ്വകാര്യ നിക്ഷേപം കൂടുതൽ ആകർഷിക്കുന്നതിന് ബജറ്റിൽ ഉദ്ദേശ്യങ്ങളുണ്ടാകുമെന്ന് പ്രതീക്ഷിക്കുന്നു. തദ്ദേശസ്ഥാപനങ്ങളുടെ വരുമാനവൃദ്ധിക്കായി വിവിധ സേവന നിരക്കുകളിൽ മാറ്റം വരുത്താനും സാധ്യതയുണ്ട്.
പദ്ധതി നടത്തിപ്പിൽ കടുത്ത പ്രതിസന്ധിയനുഭവപ്പെടുന്നുവെന്ന് സമകാലിക കണക്കുകൾ വ്യക്തമാക്കുന്നു. ഡിസംബർ 31 വരെ, ആകെ വകയിരുത്തലിന്റെ 43.34 ശതമാനം മാത്രമാണ് വിനിയോഗിക്കപ്പെട്ടത്. ഈ പശ്ചാത്തലത്തിൽ പദ്ധതി നടപ്പാക്കൽ മെച്ചപ്പെടുത്താൻ സമഗ്രമായ തീരുമാനങ്ങൾ ബജറ്റിൽ പ്രതീക്ഷിക്കാം.