കേരളത്തിൽ സ്വർണവിലയിൽ തുടർച്ചയായ കുറവ്. ഗ്രാമിന് 40 രൂപയും പവന് 320 രൂപയും കുറഞ്ഞ് ഇന്ന് വ്യാപാരം നടക്കുന്നു. ഇതോടെ ഒരു പവൻ സ്വർണത്തിന്റെ വില 64,080 രൂപയും ഗ്രാമിന് 8,010 രൂപയുമായിരിക്കുന്നു. കഴിഞ്ഞ ചൊവ്വാഴ്ച (ഫെബ്രുവരി 25) സ്വർണവില ചരിത്രത്തിൽ ഏറ്റവും ഉയർന്ന നിരക്കിലെത്തിയിരുന്നു.
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുക*https://chat.whatsapp.com/He6GJaaXJApLFGlSb9knVc
അന്ന് പവന് 64,600 രൂപയും ഗ്രാമിന് 8,075 രൂപയുമായിരുന്നു. അതിന് പിന്നാലെയാണ് തുടർച്ചയായ കുറവ് രേഖപ്പെടുത്തുന്നത്. 18 കാരറ്റ് സ്വർണവിലയും ഇന്ന് ഗ്രാമിന് 30 രൂപ കുറഞ്ഞ് 6,590 രൂപയായി. വെള്ളിയുടെ നിരക്ക് ഇന്നലെ കുറവായെങ്കിലും ഇന്ന് മാറ്റമില്ലാതെ ഗ്രാമിന് 105 രൂപയിലാണ് തുടരുന്നത്. അന്താരാഷ്ട്ര വിപണിയിൽ സ്വർണവില കുറഞ്ഞത് സംസ്ഥാനത്തും സ്വർണവില കുറയാൻ കാരണമായി.