വയനാട്ടിലെ ഉരുള്‍പ്പൊട്ടല്‍ ദുരന്തബാധിതർക്കായി നിശ്ചയിച്ച ടൗണ്‍ഷിപ്പിന്‍റെ നിർമ്മാണ നടപടികൾ എല്‍സ്റ്റണ്‍ എസ്റ്റേറ്റില്‍ ഔദ്യോഗികമായി ആരംഭിച്ചു. ഹൈക്കോടതിയുടെ അനുകൂല ഉത്തരവിന് പിന്നാലെ സർക്കാർ ഉടന്‍ തന്നെ ഭൂമി ഏറ്റെടുത്തതോടെയാണ് പ്രവർത്തനങ്ങൾ ത്വരിതഗതിയിലായത്. തേയില ചെടികൾ നീക്കം ചെയ്ത് നിലം ഒരുക്കുന്നതാണ് ആദ്യഘട്ടത്തിൽ നടക്കുന്നത്.
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുക*https://chat.whatsapp.com/CyrYFy1m4b928e7srkZyve
മഴക്കാലം വരുന്നതിന് മുമ്പായി റോഡുകൾ പൂർത്തിയാക്കാനും ഈ വർഷം അവസാനത്തോടെ വീടുകൾ സമ്പൂര്‍ണ്ണമാക്കാനുമാണ് ലക്ഷ്യം.അതേസമയം, ശമ്പള കുടിശ്ശിക അടക്കമുള്ള പ്രാഥമിക ആവശ്യങ്ങൾ പരിഗണിക്കാതെ തൊഴിൽ നഷ്ടമാകുന്ന സാഹചര്യത്തിൽ തൊഴിലാളികൾ കനത്ത പ്രതിഷേധത്തിലാണ്. নির্মാണം തടയുമെന്നും ശക്തമായ പ്രതിഷേധം തുടരുമെന്നുമാണ് അവരുടെ മുന്നറിയിപ്പ്. രജിസ്റ്റേർഡ് യൂണിയനുമായി നടന്ന ചർച്ചകളിലും പല ഉറപ്പുകളും മാനേജ്മെന്റ് നൽകിയെങ്കിലും അതിന്‍റെ ഫലങ്ങൾ ഇപ്പോഴും ലഭിച്ചിട്ടില്ലെന്നാണ് തൊഴിലാളികളുടെ നിലപാട്.സിപിഎം നേതാവ് സി.കെ. ശശീന്ദ്രൻ സ്ഥലത്ത് എത്തിയപ്പോള്‍ പ്രതിഷേധം കനന്നു. പ്രതിഷേധം കണക്കിലെടുത്ത് പോലീസ് സുരക്ഷയും സ്ഥലത്ത് ശക്തമാക്കിയിട്ടുണ്ട്.ഭൂമി ഏറ്റെടുക്കലിനെതിരെ എസ്റ്റേറ്റ് ഉടമകൾ സുപ്രീം കോടതിയെ സമീപിക്കുമെന്ന് വ്യക്തമാക്കിയതോടെയാണ് സംസ്ഥാന സർക്കാർ മുൻകൂട്ടി തടസ ഹർജി ഫയല്‍ ചെയ്തത്. ഹൈക്കോടതിയുടെ അനുമതിയോടെ 64 ഹെക്ടർ ഭൂമി സർക്കാർ ഏറ്റെടുത്തിട്ടുണ്ട്.നിർമാണതടസ്സം ഉണ്ടാകുമോയെന്ന ആശങ്ക ദുരന്തബാധിതരിലും ഉയരുകയാണ്. പ്രവർത്തനങ്ങൾക്ക് മുന്നിൽ നിലകൊള്ളുന്ന നിയമ-സാമൂഹിക പ്രതിസന്ധികൾ മാറ്റി വയ്ക്കേണ്ടത് അടിയന്തര ആവശ്യമാണെന്ന് നിരീക്ഷകർ അഭിപ്രായപ്പെടുന്നു.