കേരളത്തിലെ ടെലികോം നിയമങ്ങളില്‍ നിര്‍ണ്ണായകമായ മാറ്റങ്ങള്‍
രാജ്യത്തിലെ ടെലികോം നിയമങ്ങളില്‍ പുതിയ മാറ്റങ്ങള്‍ വന്നത് വലിയ മാറ്റങ്ങള്‍ക്കാണ് വഴി വെക്കുന്നത്. ഒരാള്‍ക്ക് കൈവശം വയ്ക്കാവുന്ന സിം കാര്‍ഡുകളുടെ എണ്ണത്തില്‍ നിന്ന് തുടങ്ങിയുള്ള നിരവധി പരിഷ്കാരങ്ങളാണ് നടപ്പില്‍ വരുന്നത്.
വയനാട് ജില്ലയിലെ വാർത്തകൾ അറിയാൻ ഞങ്ങളോടൊപ്പം ചേരൂ…!!https://chat.whatsapp.com/LmKCkdYCFWw7xvXGGSdarN
സിം കാര്‍ഡ് ഒന്‍പത് മാത്രം
ഒരു വ്യക്തി നിയമപരമായി കൈവശം വയ്ക്കാന്‍ കഴിയുന്ന സിം കാര്‍ഡുകളുടെ എണ്ണം ഒന്‍പതായി നിശ്ചയിച്ചിരിക്കുന്നു. ഇതിന്‍റെ അടിസ്ഥാനത്തില്‍ ഒരു വ്യക്തിയുടെ തിരിച്ചറിയല്‍ രേഖ ഉപയോഗിച്ച് എടുക്കുന്ന കണക്ഷനുകളുടെ എണ്ണം ഒന്‍പതാണ്. ജമ്മു കാശ്മീര്‍, വടക്ക് കിഴക്കന്‍ സംസ്ഥാനങ്ങള്‍ എന്നിവിടങ്ങളില്‍ ഇത് ആറ് കണക്ഷനുകളായി പരിമിതപ്പെടുത്തിയിട്ടുണ്ട്. ഈ നിയമം ലംഘിക്കുന്നവരെ കനത്ത ശിക്ഷ കാത്തിരിക്കുന്നു. നിയമലംഘനം ആദ്യം പിടികൂടിയാല്‍ ₹50,000 പിഴയീടാക്കും. വീണ്ടും ലംഘിച്ചാല്‍ ഇത് ₹200,000 വരെ ഉയരും. വ്യാജ രേഖകള്‍ നല്‍കി സിം കാര്‍ഡ് എടുക്കുന്നതോ മറ്റൊരാളുടെ രേഖ അനുമതിയില്ലാതെ ഉപയോഗിക്കുന്നത് മൂന്ന് വര്‍ഷം തടവും ₹500,000 വരെ പിഴയുമാണ് ശിക്ഷ.
അനുമതിയില്ലാത്ത ബിസിനസ് മെസേജുകള്‍ക്ക് പിഴ
ഉപഭോക്താവിന്റെ അനുമതിയില്ലാതെ ബിസിനസ് മെസേജുകള്‍ അയച്ചാല്‍ മൊബൈല്‍ സേവന കമ്ബനികള്‍ക്കെതിരെ പിഴ ചുമത്തും. രണ്ട് ലക്ഷം രൂപ വരെ പിഴ ഈടാക്കുകയും നിയമലംഘനം ആവര്‍ത്തിച്ചാല്‍ സേവനം വിലക്കുകയും ചെയ്യും.
ടവറുകള്‍ സ്ഥാപിക്കുന്നത് തടയാനാവില്ല
പുതിയ നിയമത്തില്‍ മറ്റൊരു പ്രധാന മാറ്റം മൊബൈല്‍ ടവര്‍ സ്ഥാപിക്കുന്നത് തടയാനുള്ള നിയന്ത്രണം നീക്കിയതാണ്. സ്വകാര്യഭൂമിയിലാണെങ്കിലും ടവര്‍ സ്ഥാപിക്കുന്നതിനോ ടെലികോം ലൈന്‍ വലിക്കുന്നതിനോ ഉടമയുടെ അനുമതി ആവശ്യമില്ല. സര്‍ക്കാര്‍ അനുമതിയുണ്ടെങ്കില്‍ മതി. അടിയന്തര സാഹചര്യങ്ങളില്‍ സര്‍ക്കാരിന് ടെലികോം സേവനങ്ങള്‍ നിയന്ത്രിക്കാനും, വേണ്ടിവന്നാല്‍ ഏറ്റെടുക്കാനും സാധിക്കും.
സര്‍ക്കാരിന് നിരീക്ഷണാധികാരം
രാജ്യസുരക്ഷക്ക് വെല്ലുവിളിയുണ്ടെങ്കില്‍ വ്യക്തികളുടെ കോള്‍, സന്ദേശങ്ങള്‍ എന്നിവ സര്‍ക്കാര്‍ നിരീക്ഷിക്കാനും സേവനം നിര്‍ത്തിവയ്ക്കാന്‍ നിര്‍ദ്ദേശിക്കാനും പുതിയ നിയമം അനുവദിക്കുന്നു. ഇതില്‍ മാധ്യമപ്രവര്‍ത്തകരുടെ വാര്‍ത്താപരമായ സന്ദേശങ്ങള്‍ക്ക് തടസമില്ല. കേന്ദ്ര, സംസ്ഥാന സര്‍ക്കാരുകളുടെ അക്രഡിറ്റേഷനുള്ള മാധ്യമപ്രവര്‍ത്തകര്‍ക്കാണ് ഈ പരിരക്ഷ. എന്നാല്‍ രാജ്യസുരക്ഷാ പ്രശ്നങ്ങളില്‍ ഇത് ബാധകമല്ല.
നിയമവിരുദ്ധ പ്രവര്‍ത്തനങ്ങള്‍ക്ക് കടുത്ത ശിക്ഷ
ടെലികോം മേഖലയിലെ നിയമവിരുദ്ധ പ്രവര്‍ത്തനങ്ങള്‍ക്ക് പുതിയ നിയമത്തില്‍ കടുത്ത ശിക്ഷകള്‍ നിശ്ചയിച്ചിരിക്കുന്നു. മെസേജുകള്‍ ചോര്‍ത്തുകയോ സമാന്തര സേവനം നല്‍കുകയോ ചെയ്താല്‍ രണ്ട് കോടി രൂപ വരെ പിഴയും 3 വര്‍ഷം തടവും ലഭിക്കും. സേവനങ്ങള്‍ അനധികൃതമായി ബ്ലോക്ക് ചെയ്താല്‍ 3 വര്‍ഷം തടവും 50 ലക്ഷം പിഴയും ലഭിക്കും. അനധികൃതമായി വയര്‍ലെസ് ഉപകരണങ്ങള്‍ കൈവശം വച്ചാല്‍ 50,000 മുതല്‍ 2 ലക്ഷം രൂപ വരെ പിഴ ചുമത്തും.
ഈ പരിഷ്കാരങ്ങള്‍ ടെലികോം സേവനങ്ങളുടെ സുരക്ഷയും കാര്യക്ഷമതയും വര്‍ദ്ധിപ്പിക്കാന്‍ ലക്ഷ്യമിടുന്നു, കൂടാതെ നിയമാനുസൃതതയും ഉത്തരവാദിത്വവും ഉറപ്പാക്കുന്നു.
Comments (0)