കല്‍പ്പറ്റ: പെന്‍ഷന്‍ മസ്റ്ററിംഗ് പ്രക്രിയ മൂലം വയോധികര്‍ വലിയ പ്രയാസങ്ങളിലായിരിക്കുകയാണ്. അക്ഷയ കേന്ദ്രങ്ങള്‍ക്കു മുന്നില്‍ മണിക്കൂറുകളോളം കാത്തുനില്‍ക്കേണ്ടിവരുന്ന ഈ പ്രക്രിയ, മിക്കവാറും കെട്ടിടങ്ങളുടെ ഒന്നാം നിലയിലോ രണ്ടാം നിലയിലോ ആണ് നടത്തുന്നത്, ഇത് വയോധികര്‍ക്ക് വലിയ ബുദ്ധിമുട്ടുകള്‍ സൃഷ്ടിക്കുന്നു.
വയനാട് ജില്ലയിലെ വാർത്തകൾ അറിയാൻ ഞങ്ങളോടൊപ്പം ചേരൂ…!!https://chat.whatsapp.com/LmKCkdYCFWw7xvXGGSdarN
സാമൂഹിക ക്ഷേമ പെന്‍ഷന്‍ മസ്റ്ററിംഗിനു ഓണ്‍ലൈന്‍ സേവന കേന്ദ്രങ്ങളിലോ സിഎസ്സി സെന്ററുകളിലോ സൗകര്യം നല്‍കിയാല്‍ ഈ ബുദ്ധിമുട്ടുകള്‍ ഒഴിവാക്കാമെന്ന് ആവശ്യപ്പെടുന്നു.
സര്‍ക്കാരിന്റെ അംഗീകാരത്തോടെ പ്രവര്‍ത്തിക്കുന്ന എല്ലാ ഓണ്‍ലൈന്‍ സ്ഥാപനങ്ങളിലും മസ്റ്ററിംഗിനുള്ള സൗകര്യം ലഭ്യമാക്കുന്നത്, തിരക്ക് കുറയ്ക്കാനും സേവനം മെച്ചപ്പെടുത്താനും സഹായകരമാകുമെന്ന് ഐഡിപിഡബ്യുഒഎ ജില്ലാ പ്രസിഡന്റ് കെ.ബി. രാജുകൃഷ്ണ, സെക്രട്ടറി ടി. മമ്മൂട്ടി എന്നിവര്‍ ചൂണ്ടിക്കാട്ടി.