റേഷന്‍ കടകളിലൂടെ മണ്ണെണ്ണ വിതരണം പരിമിതപ്പെടുത്തുന്നു;വ്യാപാരികളുടെ പ്രതിഷേധം
തിരുവനന്തപുരം: സംസ്ഥാനത്തെ റേഷന്‍ കടകളിലൂടെ മണ്ണെണ്ണ വിതരണം പരിമിതപ്പെടുത്താന്‍ പൊതുവിതരണ ഉപഭോക്തൃകാര്യ കമ്മീഷണര്‍ ഉത്തരവിറക്കി. ഇനി ഒരു പഞ്ചായത്തിലെ രണ്ട് റേഷന്‍ കടകള്‍ വഴി മാത്രമേ മണ്ണെണ്ണ വിതരണം ചെയ്യൂ. ഈ തീരുമാനത്തിനെതിരെ വ്യാപാരികള്‍ ശക്തമായി പ്രതിഷേധിക്കുന്നു.
വയനാട് ജില്ലയിലെ വാർത്തകൾ അറിയാൻ ഞങ്ങളോടൊപ്പം ചേരൂ…!!https://chat.whatsapp.com/LmKCkdYCFWw7xvXGGSdarN
റേഷന്‍ ഡീലേഴ്‌സ് കോ-ഓര്‍ഡിനേഷന്‍ സമിതി മണ്ണെണ്ണ വിതരണം ഏറ്റെടുക്കില്ലെന്ന് വ്യക്തമാക്കിയിട്ടുണ്ട്. സര്‍ക്കാരിന്റെ ഈ നീക്കം റേഷന്‍ കടകളെ നശിപ്പിക്കാനുള്ള ശ്രമമാണെന്ന് വ്യാപാരികള്‍ ആരോപിച്ചു.
മണ്ണെണ്ണ വിതരണത്തിലെ പ്രതിസന്ധി ഒഴിവാക്കുന്നതിന്റെ ഭാഗമായാണ് സര്‍ക്കാര്‍ പുതിയ തീരുമാനം കൈക്കൊണ്ടത്. പരിമിതമായ വിതരണ വ്യവസ്ഥ റേഷന്‍ വ്യാപാരികളില്‍ വലിയ വിമര്‍ശനത്തിന് ഇടയാക്കിയിരിക്കുകയാണ്.
“മണ്ണെണ്ണ വിതരണം ഒരു പഞ്ചായത്തിലെ രണ്ടോ മൂന്നോ റേഷന്‍ കടകളിലൂടെ മാത്രം നടത്തുന്നത് റേഷന്‍ വ്യാപാര മേഖലയില്‍ ഗുരുതര പ്രത്യാഘാതങ്ങള്‍ക്ക് ഇടയാക്കും,” വ്യാപാരികള്‍ പറയുന്നു.
പൊതുവിതരണ രംഗത്ത് വലിയ പ്രതിസന്ധി സൃഷ്ടിക്കുന്നതുകൊണ്ട് ഈ തീരുമാനം നടപ്പിലാക്കാന്‍ കഴിയില്ലെന്നാണ് വ്യാപാരികളുടെ നിലപാട്.
വ്യവസായികള്‍ സര്‍ക്കാരിനോട് ബദല്‍ മാര്‍ഗങ്ങള്‍ കണ്ടെത്തുന്നതിനായി കൂടിയാലോചിക്കണമെന്ന് ആവശ്യപ്പെടുന്നു. നിലവിലെ ഉത്തരവ് പ്രകാരം മൂന്നു മാസത്തില്‍ ഒരിക്കല്‍ മഞ്ഞ പിങ്ക് കാര്‍ഡ് ഉടമകള്‍ക്ക് അര ലിറ്റര്‍ മണ്ണെണ്ണ റേഷന്‍ കടകളില്‍ നിന്ന് വാങ്ങാം.
ഈ സാഹചര്യത്തില്‍ സംസ്ഥാന വ്യാപകമായി മണ്ണെണ്ണ വിതരണം ഏറ്റെടുക്കില്ലെന്ന് റേഷന്‍ ഡീലേഴ്‌സ് കോ-ഓര്‍ഡിനേഷന്‍ സമിതി അറിയിച്ചു. സര്‍ക്കാരിന്റെ തീരുമാനം റേഷന്‍ കടകളെ രണ്ടുതട്ടില്‍ ആക്കുന്നതാണ് എന്നും, കേന്ദ്രസര്‍ക്കാര്‍ മണ്ണെണ്ണ വിഹിതത്തില്‍ വരുത്തിയ കുറവ് സംസ്ഥാനത്തിന് തിരിച്ചടിയായിട്ടുണ്ടെന്നും എഐടിയുസി ആരോപിച്ചു.
Comments (0)