ഡ്രൈവിങ് ടെസ്റ്റ് എണ്ണം കൂട്ടിയാൽ ഉദ്യോഗസ്ഥർ വിവരമറിയും -മന്ത്രി ഗണേഷ് കുമാർ
നിർദേശിച്ച എണ്ണത്തെക്കാള്‍ കൂടുതല്‍ ഡ്രൈവിങ് ടെസ്റ്റ് നടത്തുന്ന ഉദ്യോഗസ്ഥർ വിവരമറിയുമെന്ന് മന്ത്രി കെ.ബി.ഗണേഷ് കുമാർ. ഡ്രൈവിങ് സ്കൂള്‍ സംഘടന പ്രതിനിധികളുമായി നടന്ന ചർച്ചക്ക് ശേഷം വിളിച്ച വാർത്തസമ്മേളനത്തിലായിരുന്നു പ്രതികരണം.
വയനാട് ജില്ലയിലെ വാർത്തകൾ അറിയാൻ ഞങ്ങളോടൊപ്പം ചേരൂ…!!https://chat.whatsapp.com/LmKCkdYCFWw7xvXGGSdarN
ഡ്രൈവിങ്ങില്‍ നല്ല പരിജ്ഞാനമുള്ളവരേ പാസാകാൻ പാടുള്ളൂ. ഇക്കാര്യത്തില്‍ ഡ്രൈവിങ് സ്കൂള്‍ ഉടമകളും പിന്തുണ അറിയിച്ചു. ലൈസൻസ് എടുത്ത ശേഷം വീണ്ടും ഡ്രൈവിങ് സ്കൂളില്‍ ചേർന്ന് പരിശീലിക്കേണ്ട സാഹചര്യമുണ്ടാകരുത്. സ്ത്രീകളായ പഠിതാക്കളില്‍നിന്ന് കൂടുതല്‍ പണം വാങ്ങുന്നെന്ന ആരോപണമുണ്ട്. നിരക്ക് ഏകീകരിക്കുന്നതോടെ ഈ പ്രശ്നത്തിന് പരിഹാരമാകും.
തിരുവനന്തപുരം മേയറുമായി റോഡില്‍ തർക്കമുണ്ടായ കെ.എസ്.ആർ.ടി.സി ഡ്രൈവർ യദുവിന്‍റെ കാര്യത്തില്‍ പൊലീസ് അന്വേഷണ റിപ്പോർട്ട് പ്രകാരം നടപടിയെടുക്കും. ഗതാഗത വകുപ്പിന് ഇക്കാര്യത്തില്‍ ഒരു മുൻവിധിയുമില്ല. ജീവനക്കാർ മദ്യപിച്ചിട്ടുണ്ടോ എന്നറിയാനുള്ള ബ്രീത്ത് അനലൈസർ പരിശോധന തുടരുമെന്നും മന്ത്രി കൂട്ടിച്ചേർത്തു.
Comments (0)