മെയ് 9-ന് പ്രഖ്യാപിച്ച എസ്‌എസ്‌എല്‍സി ഫലത്തിനായി സംസ്ഥാനത്ത് 4.24 ലക്ഷം വിദ്യാർത്ഥികൾ ഉന്നത വിദ്യാഭ്യാസത്തിന് അർഹത നേടി.
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ചാനലിൽ ജോയിൻ ചെയ്യുക*https://chat.whatsapp.com/L8BJmJfbOavAp2wvXCcWKc
എല്ലാ വിഷയങ്ങൾക്കും എ പ്ലസ് നേടിയവരുടെ എണ്ണം 61,449. ഫല പ്രഖ്യാപനത്തോട് അനുബന്ധിച്ച് 2025–26 അധ്യയന വര്‍ഷത്തിലെ ഹയർ സെക്കൻഡറി പ്രവേശന നടപടികൾക്കായുള്ള ഷെഡ്യൂള്‍ വിദ്യാഭ്യാസ വകുപ്പ് പ്രഖ്യാപിച്ചു.ഇത്തവണയും ഒരേ പോലെ ഏകജാലക സമ്പ്രദായത്തിലൂടെയാണ് പ്ലസ് വണ്‍ പ്രവേശനം. മെയ് 24-ന് ട്രയൽ അലോട്ട്‌മെന്റ് പ്രസിദ്ധീകരിക്കുമെന്നും ജൂണ്‍ 2-ന് ആദ്യ അലോട്ട്‌മെന്റും, ജൂണ്‍ 10-ന് രണ്ടാം അലോട്ട്‌മെന്റും, ജൂണ്‍ 16-ന് മൂന്നാമത്തേതും നടക്കുമെന്നും വിദ്യാഭ്യാസ മന്ത്രി വി ശിവൻകുട്ടി അറിയിച്ചു. മൂന്നാമത്തെ അലോട്ട്‌മെന്റ് പൂര്‍ത്തിയായതിന് ശേഷം ജൂണ്‍ 18-ന് ക്ലാസുകൾ ആരംഭിക്കും.കഴിഞ്ഞ അധ്യയന വര്‍ഷം ക്ലാസുകൾ തുടങ്ങിയത് ജൂണ്‍ 24-നായിരുന്നു. പ്രധാന അലോട്ട്‌മെന്റുകള്‍ക്ക് ശേഷം നിലനില്ക്കുന്ന ഒഴിവുകൾ സപ്ലിമെന്ററി അലോട്ട്‌മെന്റിലൂടെ നികത്തും. ഈ സപ്ലിമെന്ററി റൗണ്ടുകൾ ജൂലൈ 23-ന് അവസാനിപ്പിക്കും.ഇതോടൊപ്പം പട്ടിക ജാതി വികസന വകുപ്പിന്റെ ആറ് മോഡല്‍ റെസിഡൻഷ്യല്‍ ഹയർ സെക്കൻഡറി സ്‌കൂളുകളിലേക്കുള്ള പ്രവേശനവും ആദ്യമായാണ് ഏകജാലക സംവിധാനത്തിലൂടെ നടത്തുന്നത്. ഓൺലൈൻ അപേക്ഷ മുഖേന ഈ സ്‌കൂളുകളിലേക്കുള്ള പ്രവേശനവും അലോട്ട്‌മെന്റ് സംവിധാനത്തിലൂടെയാകും.ഹയർ സെക്കൻഡറിയും വൊക്കേഷണല്‍ ഹയർ സെക്കൻഡറിയുമായുള്ള പ്രവേശനത്തിന് വേണ്ടിയുള്ള പ്രോസ്പെക്ടസ്‌ ഉടൻ പ്രസിദ്ധീകരിക്കുമെന്ന് മന്ത്രി അറിയിച്ചു.