പ്രശസ്ത നടന്‍ മോഹന്‍ലാല്‍ക്ക് ദാദാസാഹെബ് ഫാല്‍ക്കെ പുരസ്കാരം ലഭിക്കുന്നു. ഇന്ത്യന്‍ സിനിമയ്ക്ക് നല്‍കിയ അമൂല്യ സംഭാവനകള്‍ക്കും, തലമുറകളെ പ്രചോദിപ്പിക്കുന്ന അദ്ദേഹത്തിന്റെ ദീര്‍ഘകാല ചലച്ചിത്ര യാത്രയ്ക്കുമാണ് രാജ്യത്തെ പരമോന്നത ചലച്ചിത്ര ബഹുമതിയിലൂടെ ആദരം നല്‍കുന്നത്. വാര്‍ത്താ വിതരണ പ്രക്ഷേപണ മന്ത്രാലയം പുറത്തിറക്കിയ അറിയിപ്പിലാണ് പ്രഖ്യാപനം.
71-ാമത് ദേശീയ ചലച്ചിത്ര അവാര്‍ഡ് ചടങ്ങില്‍ സെപ്റ്റംബര്‍ 23ന് പുരസ്കാരം സമ്മാനിക്കും. സ്വര്‍ണ്ണകമലം, പതക്കം, ഷാള്‍, 10 ലക്ഷം രൂപ എന്നിവയാണ് പുരസ്‌കാര ഘടകങ്ങള്‍. കഴിഞ്ഞ വര്‍ഷം ബോളിവുഡ് നടന്‍ മിഥുന്‍ ചക്രവര്‍ത്തിക്കായിരുന്നു ഈ ബഹുമതി ലഭിച്ചത്.2004-ല്‍ അടൂര്‍ ഗോപാലകൃഷ്ണന് ലഭിച്ചതിന് ശേഷം വര്‍ഷങ്ങള്‍ക്കുശേഷം ഈ പ്രശസ്തി വീണ്ടും കേരളത്തിലേക്ക് എത്തുന്നതോടെ, മോഹന്‍ലാലിന്റെ നേട്ടം മലയാള സിനിമയ്ക്ക് അഭിമാന നിമിഷമായിത്തീരുന്നു.
വയനാട് മെഡിക്കൽ കോളേജിൽ ആദ്യ എം.ബി.ബി.എസ്. പ്രവേശനം; ജയ്പൂർ സ്വദേശിനി ചരിത്രത്തിലെത്തി
വയനാട് മെഡിക്കൽ കോളേജിൽ ആദ്യ എം.ബി.ബി.എസ്. പ്രവേശനം; ജയ്പൂർ സ്വദേശിനി ചരിത്രത്തിലെത്തിവയനാട് ഗവ. മെഡിക്കൽ കോളേജിന്റെ ചരിത്രത്തിൽ പുതിയ അധ്യായം എഴുതിക്കൊണ്ട് രാജസ്ഥാനിൽ നിന്നുള്ള വിദ്യാർത്ഥിനി. ജയ്പൂരിൽ നിന്നുള്ള അവർ, കോളേജിന്റെ ആദ്യ എം.ബി.ബി.എസ്. ബാച്ചിലെ പ്രഥമ വിദ്യാർത്ഥിനിയായി വെള്ളിയാഴ്ച പ്രവേശനം നേടി. അഖിലേന്ത്യാ മെഡിക്കൽ പ്രവേശനത്തിന്റെ രണ്ടാം റൗണ്ടിലൂടെയാണ് പ്രവേശനം പൂർത്തിയായത്.മാനന്തവാടിയിലെ മെഡിക്കൽ കോളേജിന് ഈ വർഷം 50 എം.ബി.ബി.എസ്. സീറ്റുകൾക്ക് ദേശീയ മെഡിക്കൽ മിഷൻ അനുമതി നൽകിയിട്ടുണ്ട്. ഇതിൽ ഏഴ് സീറ്റുകൾ അഖിലേന്ത്യാ ക്വോട്ടയ്ക്കും ശേഷിക്കുന്നവ കേരളത്തിലെ വിദ്യാർത്ഥികൾക്കുമാണ്. സംസ്ഥാനത്തെ വിദ്യാർത്ഥികളുടെ പ്രവേശനം അടുത്ത റൗണ്ടിൽ നടക്കും. അതിനാൽ സെപ്റ്റംബർ 22-ന് നടത്താനിരുന്ന ആദ്യ മെഡിസിൻ ബാച്ചിന്റെ ഉദ്ഘാടന തീയതി മാറ്റിവച്ചിരിക്കുകയാണ്. പ്രവേശന നടപടികൾ പൂർത്തിയായതിന് ശേഷം പുതിയ തീയതി പ്രഖ്യാപിക്കും.ഒരു സ്വപ്നത്തിന്റെ സാക്ഷാത്കാരംവയനാട് ഗവ. മെഡിക്കൽ കോളേജ്, ജില്ലയുടെ ദശാബ്ദങ്ങളായുള്ള ആഗ്രഹത്തിന്റെയും പരിശ്രമത്തിന്റെയും ഫലമാണ്. മാനന്തവാടി ജില്ലാ ആശുപത്രിയെ മെഡിക്കൽ കോളേജാക്കി ഉയർത്തിയാണ് പ്രവർത്തനം ആരംഭിക്കുന്നത്. കുറഞ്ഞ ചെലവിൽ ആധുനിക ചികിത്സാ സൗകര്യങ്ങൾ നൽകുകയും, മെഡിക്കൽ വിദ്യാഭ്യാസത്തിൽ പിന്നോക്കം നിന്ന വയനാടിന് പുതുയുഗം തുറക്കുകയും ചെയ്യുക എന്നതാണ് പദ്ധതിയുടെ ലക്ഷ്യം.ഭാവിയിൽ, മുഴുവൻ സൗകര്യങ്ങളോടും സ്ഥിര സംവിധാനങ്ങളോടും കൂടിയ മെഡിക്കൽ കോളേജായി വളർത്താനുള്ള പദ്ധതിയും സർക്കാരിനുണ്ട്. ഈ അധ്യയന വർഷം എം.ബി.ബി.എസ്. പ്രവേശനം ആരംഭിച്ചതോടെ വയനാടിന്റെ ആരോഗ്യവും വിദ്യാഭ്യാസവുമായ രംഗത്ത് വലിയൊരു വഴിത്തിരിവ് പ്രതീക്ഷിക്കപ്പെടുന്നു.
കേരള ലോട്ടറി എടുക്കുന്നവരുടെ ശ്രദ്ധയ്ക്ക്; ഭാഗ്യശാലികളുടെ എണ്ണം കുറയും, പുതിയ മാറ്റം ഏര്‍പ്പെടുത്തി സര്‍ക്കാര്‍
ലോട്ടറി മേഖലയിലെ ജിഎസ്ടി നിരക്കിൽ വലിയ മാറ്റം വരുന്നു. 28 ശതമാനമായിരുന്ന ജിഎസ്ടി നിരക്ക് ഇനി മുതൽ 40 ശതമാനമാക്കും. പുതിയ നിരക്ക് തിങ്കളാഴ്ച മുതൽ പ്രാബല്യത്തിൽ വരും. എന്നാൽ, ടിക്കറ്റ് വിലയിൽ മാറ്റമില്ല.ജിഎസ്ടി വർധനവിനെത്തുടർന്ന് സമ്മാനങ്ങളുടെ എണ്ണത്തിലും ഏജന്റ് കമ്മിഷനിലും വെട്ടിക്കുറവ് വരുത്തിയിരിക്കുകയാണ്.മൊത്തത്തിൽ 6,500 സമ്മാനങ്ങൾ കുറയ്ക്കുകയും, ഒന്നുകോടിയിലധികം രൂപ സമ്മാനത്തുകയിലും വെട്ടിച്ചുരുക്കലുണ്ടാകുകയും ചെയ്തു.പ്രധാനമായും 5,000 രൂപയും 1,000 രൂപയുമുള്ള സമ്മാനങ്ങളിലാണ് മാറ്റം വരുന്നത്. വെള്ളിയാഴ്ചകളിൽ നടക്കുന്ന സുവർണകേരളം ടിക്കറ്റിൽ മുമ്പ് 21,600 പേർക്ക് 5,000 രൂപ ലഭിച്ചിരുന്നുവെങ്കിൽ ഇനി അത് 20,520 പേർക്ക് മാത്രമാകും. 1,000 രൂപയുടെ സമ്മാനം ലഭിക്കുന്നവരുടെ എണ്ണവും 32,400ൽ നിന്ന് 27,000 ആയി കുറച്ചു. ഇതോടെ ആകെ 6,480 പേർക്ക് സമ്മാനം ലഭിക്കാതെ പോകും.ഏജന്റ് കമ്മിഷനിലും ഗണ്യമായ കുറവുണ്ട്. നേരത്തെ 12 ശതമാനം കമ്മിഷൻ ലഭിച്ചിരുന്നുവെങ്കിൽ ഇനി മുതൽ 9 ശതമാനമായി ചുരുക്കും. എന്നാൽ, 50 രൂപ വിലയുള്ള ടിക്കറ്റുകളുടെ ആദ്യ സമ്മാനത്തുകയ്ക്ക് മാറ്റമൊന്നുമില്ല.പുതിയ നിരക്ക് ഓണം ബംപറിന് ബാധകമല്ലെന്നതാണ് ആശ്വാസകരമായ കാര്യം