വയനാട്ടിൽ റിസോർട്ട് ഉടമകൾ ടൂറിസ്റ്റുകളെ കൂട്ടി വനപാതയിലൂടെ നടത്തുന്ന അനധികൃത നൈറ്റ് സഫാരിക്കെതിരെ ശക്തമായ പ്രതിഷേധമാണ് ജനകീയ സമിതി ഉയർത്തിയത്. രാത്രിയിലും വനാന്തര വഴികളിലൂടെയുള്ള ഈ സഫാരികൾ ആനകളെയും മറ്റ് വന്യമൃഗങ്ങളെയും പ്രകോപിപ്പിച്ച് പ്രദേശവാസികളുടെ സുരക്ഷ ഭീഷണിയിലാക്കുകയാണ്.
അത്തരം സംഭവത്തിന്റെ ഭാഗമായിട്ടാണ് കഴിഞ്ഞ ദിവസം ചേലൂർ ചിന്നന്റെ തോട്ടത്തിൽ ആനയുടെ അതിക്രമം നടന്നത്. കൃഷിസ്ഥലത്ത് എത്തിയ ആനയെ ടോർച്ചടിച്ച് ഭയപ്പെടുത്താൻ ശ്രമിച്ചതിനെത്തുടർന്ന് ആന പാഞ്ഞുകയറി ആക്രമിക്കുകയായിരുന്നു. ചിന്നൻ തലനാരിഴയ്ക്ക് രക്ഷപെട്ടെങ്കിലും ഗുരുതര പരിക്കുകളോടെ മെഡിക്കൽ കോളജിൽ ചികിത്സയിലാണ്.ആനകൾ, കാട്ടുപോത്തുകൾ, കടുവകൾ എന്നിവ രാത്രിയിൽ വാഹനങ്ങളെ പിന്തുടർന്ന് ആക്രമിക്കുന്ന സംഭവങ്ങൾ ഇപ്പോൾ നിത്യസംഭവമായി മാറിയിരിക്കുകയാണ്. ടൂറിസത്തിന്റെ മറവിൽ നടക്കുന്ന ഈ നിയമവിരുദ്ധ പ്രവർത്തനങ്ങളെ അടിയന്തിരമായി നിയന്ത്രിക്കണമെന്ന് ജനകീയ സമിതി ആവശ്യപ്പെട്ടു. അത്തരത്തിൽ നടപടി സ്വീകരിക്കാത്ത പക്ഷം അവർ സ്വയം ഇടപെടുമെന്ന് സമിതി മുന്നറിയിപ്പും നൽകി.ബത്തേരിയിൽ വനം വകുപ്പ് സംഘടിപ്പിച്ച “വിഷൻ 2031” സെമിനാറിലാണ് ഈ പ്രശ്നം പ്രധാനമായും ഉന്നയിച്ചത്. വനം മന്ത്രി, മന്ത്രി ഒ.ആർ. കേളു, ജില്ലാ കളക്ടർ, വയനാട് പോലീസ് സൂപ്രണ്ട് തുടങ്ങിയ അധികാരികളോടൊപ്പം പരാതി നൽകാൻ വന്യമൃഗശല്യ പ്രതിരോധ ആക്ഷൻ കമ്മിറ്റിയും തീരുമാനിച്ചിട്ടുണ്ട്. കമ്മിറ്റി ചെയർമാൻ ടി.സി. ജോസഫ് അധ്യക്ഷത വഹിച്ച യോഗത്തിൽ ടി. സന്തോഷ്കുമാർ, വി.എ. ജയചന്ദ്രൻ, ഇ.എ. നാസർ, സന്തോഷ് തോൽപ്പെട്ടി എന്നിവർ പ്രസംഗിച്ചു.
മെഡിക്കല് കോളജ് ഡോക്ടര്മാര് സമരം കനക്കുന്നു; ഇന്ന് ഒപി ബഹിഷ്കരണത്തിന് തുടക്കം
സംസ്ഥാനത്തെ സര്ക്കാര് മെഡിക്കല് കോളജ് ഡോക്ടര്മാര് സമരരംഗം ശക്തമാക്കുന്നു. ശമ്പള-സേവനാവകാശ പ്രശ്നങ്ങള് അടക്കമുള്ള വിവിധ ആവശ്യങ്ങള് ഉന്നയിച്ചുള്ള അവരുടെ സമരം ഇന്ന് നിര്ണായക ഘട്ടത്തിലേക്ക് കടക്കുകയാണ്. അധ്യാപന പ്രവര്ത്തനങ്ങള് നിർത്തിയ സമരത്തിന് സര്ക്കാര് പ്രതികരിക്കാത്തതിനെ തുടര്ന്ന് ഇന്ന് ഒപി ബഹിഷ്കരിച്ച് ഡോക്ടര്മാര് പ്രതിഷേധം നടത്തും.ജൂനിയര് ഡോക്ടര്മാരും പി.ജി. ഡോക്ടര്മാരുമാണ് ഒപികളില് ഡ്യൂട്ടിയിലുണ്ടാവുക. അത്യാവശ്യ ചികിത്സ ആവശ്യമുള്ള രോഗികള് മാത്രമേ മെഡിക്കല് കോളജുകളിലേക്ക് എത്താവു എന്നും കേരള ഗവണ്മെന്റ് മെഡിക്കല് കോളേജ് ടീച്ചേഴ്സ് അസോസിയേഷന് (കെജിഎംസിടിഎ) വ്യക്തമാക്കി.ഒപി ബഹിഷ്കരണത്തിന് ഉത്തരവാദിത്തം സര്ക്കാരിനാണെന്നും ആവശ്യങ്ങള്ക്ക് അനുകൂലമായ നടപടി ഉണ്ടായില്ലെങ്കില് റിലേ അടിസ്ഥാനത്തില് സമരം ശക്തിപ്പെടുത്തുമെന്നും കെജിഎംസിടിഎ മുന്നറിയിപ്പ് നല്കി.ഡോക്ടര്മാരുടെ പ്രധാന ആവശ്യങ്ങളില് ഉള്പ്പെടുന്നത് — നഷ്ടപ്പെട്ട ശമ്പളവും ക്ഷാമബത്തയും നല്കുക, അസിസ്റ്റന്റ് പ്രഫസര് തസ്തികയിലെ ശമ്പളനിര്ണയത്തിലെ അപാകത പരിഹരിക്കുക, രോഗികളുടെ എണ്ണത്തിന് അനുപാതമായി ഡോക്ടര്മാരെ നിയമിക്കുക, പുതിയ മെഡിക്കല് കോളജുകളില് താല്ക്കാലിക പുനര്വിന്യാസ നിയമനം അവസാനിപ്പിക്കുക എന്നിവയാണ്.ഇതിനോടൊപ്പം, അധ്യാപന-ചികിത്സാ മേഖലകളില് നിലവിലുള്ള പ്രതിസന്ധി പരിഹരിക്കാനും ആരോഗ്യ മേഖലയിലെ അടിസ്ഥാന പ്രശ്നങ്ങള്ക്ക് താത്കാലികമല്ല, ദീര്ഘകാലപരമായ പരിഹാരമാണ് ഡോക്ടര്മാര് ആവശ്യപ്പെടുന്നത്.
ഡ്രോപ്പ് ഔട്ട് ഫ്രീ പദ്ധതിക്ക് നീതി ആയോഗ് പുരസ്കാരം; ദേശീയ ബഹുമതി നിറവിൽ സുൽത്താൻ ബത്തേരി
സ്കൂൾ വിദ്യാർത്ഥികളുടെ കൊഴിഞ്ഞുപോക്ക് തടയാൻ സുൽത്താൻ ബത്തേരി നഗരസഭ നടപ്പാക്കിയ ‘ഡ്രോപ്പ് ഔട്ട് ഫ്രീ നഗരസഭ’ പദ്ധതിക്ക് നീതി ആയോഗിന്റെ ദേശീയ പുരസ്കാരം.ഒരു ലക്ഷം രൂപയും പ്രശസ്തി പത്രവുമാണ് നഗരസഭയ്ക്ക് ലഭിച്ചത്. വിദ്യാഭ്യാസ മേഖലയിൽ പുരസ്കാരം നേടുന്ന കേരളത്തിലെ ഏക നഗരസഭയായി മാറുകയാണ് സുൽത്താൻ ബത്തേരി. കോവിഡ് മഹാമാരിക്ക് ശേഷം സ്കൂളിലെതാത്ത കുട്ടികളെ തിരികെ കൊണ്ടുവരാനും സ്കൂളിനെ കുട്ടികളുടെ ഇഷ്ടയിടമാക്കി മാറ്റാനാണ് കഴിഞ്ഞ നാല് വർഷമായി പദ്ധതി നടപ്പിലാക്കുന്നത്. കായിക പരിശീലനം, തനത് ഗോത്രകലകളുടെ പരിശീലനം, ശാസ്ത്ര-പ്രവൃത്തി പരിചയ മേളകൾക്ക് പ്രത്യേക പരിശീലനം, കുട്ടികൾക്കും രക്ഷിതാക്കൾക്കും കൗൺസിലിങ്, സ്കൂളുകളിൽ ഹാപ്പിനസ് പാർക്ക്, ഹാപ്പിനസ് മിറർ എന്നിവ പദ്ധതിയുടെ പ്രധാന ഘടകങ്ങളാണ്. 17 ഊരുകൂട്ട സന്നദ്ധ സേവകരെ നിയമിച്ച് സ്കൂളുകളും ഉന്നതികളും തമ്മിൽ നിരന്തര സമ്പർക്കം നിലനിർത്തി. പ്രതിവർഷം പത്ത് ലക്ഷം രൂപ വകയിരുത്തിയാണ് നഗരസഭ പദ്ധതി നടപ്പാക്കുന്നത്.ജില്ലാ കളക്ടർ പദ്ധതി നീതി ആയോഗിന്റെ പ്രത്യേക പരിഗണനയ്ക്കായി സമർപ്പിച്ചതോടെ പദ്ധതി ദേശീയ ശ്രദ്ധ നേടിയത്. നഗരസഭയോടൊപ്പം ഡയറ്റ്, പോലീസ്, വിദ്യാഭ്യാസ വകുപ്പ്, ജനപ്രതിനിധികൾ, ഊരുകൂട്ട വളണ്ടിയർമാർ, പ്രധാനാധ്യാപകർ, അധ്യാപകർ, രക്ഷിതാക്കൾ, ഉദ്യോഗസ്ഥർ എന്നിവർ പദ്ധതി നടത്തിപ്പിനായി പ്രവർത്തിച്ചു.
വരുമാനം ഇരട്ടിയാക്കാൻ കെഎസ്ആർടിസിയുടെ ഗണേശ് മാജിക്; ബിസിനസ് ക്ലാസ് ബസ് സർവീസും ബസ് ഹോസ്റ്റസും ഉടൻ
കെഎസ്ആർടിസിയുടെ വരുമാനം ഇരട്ടിയാക്കാൻ ലക്ഷ്യമിട്ട് ഗതാഗതരംഗത്ത് വിപ്ലവകരമായ മാറ്റങ്ങളുമായി സർക്കാർ മുന്നോട്ട് വരുന്നു. ഇതിന്റെ ഭാഗമായി, തിരുവനന്തപുരം–കൊച്ചി റൂട്ടിൽ വെറും മൂന്നര മണിക്കൂറിനുള്ളിൽ യാത്ര സാധ്യമാക്കുന്ന ആധുനിക ബിസിനസ് ക്ലാസ് ബസ് സർവീസ് ഉടൻ ആരംഭിക്കും.25 പേർക്ക് സുഖകരമായി സഞ്ചരിക്കാവുന്ന ഈ ബസുകളിൽ ലോകോത്തര നിലവാരമുള്ള സൗകര്യങ്ങൾ ഒരുക്കുമെന്ന് ഗതാഗതമന്ത്രി ഗണേശ് കുമാർ അറിയിച്ചു.എമിറേറ്റ്സ് വിമാനങ്ങളിലെ ബിസിനസ് ക്ലാസ് സീറ്റുകൾ മാതൃകയാക്കി നിർമ്മിച്ചിരിക്കുന്ന ബസുകളിൽ വ്യക്തിഗത ടിവി, മൊബൈൽ ചാർജിങ് സൗകര്യം, ഹൈസ്പീഡ് വൈഫൈ തുടങ്ങിയവ ഉൾപ്പെടും. യാത്രക്കാർക്ക് കൂടുതൽ സൗകര്യം ലഭ്യമാക്കാൻ ഡ്രൈവർക്ക് പുറമെ ഒരു ബസ് ഹോസ്റ്റസിനെയും നിയോഗിക്കും. സീറ്റുകൾ വിദേശത്തു നിന്ന് ഇറക്കുമതി ചെയ്തതായിരിക്കും, അതിലൂടെ യാത്രാ നിലവാരം അന്താരാഷ്ട്ര നിലവാരത്തിലേക്ക് ഉയർത്താനാണ് ലക്ഷ്യം.2026 ഡിസംബറിൽ ആറുവരി ദേശീയപാതയുടെ പണി പൂർത്തിയാകുന്നതോടെ ഗതാഗതരംഗത്ത് വൻ കുതിച്ചുചാട്ടമാണ് സർക്കാർ ലക്ഷ്യമിടുന്നത്. ഇതിന് അനുസൃതമായി കെഎസ്ആർടിസിയുടെ പ്രവർത്തനങ്ങളെ കൂടുതൽ കാര്യക്ഷമമാക്കാൻ നിർമ്മിതബുദ്ധി (AI) ഉൾപ്പെടുത്തും. പുതിയ സോഫ്റ്റ്വെയറുകളുടെ സഹായത്തോടെ ഒരേ റൂട്ടിൽ കൃത്യമായ ഇടവേളകളിൽ ബസുകൾ ഓടുന്നുവെന്ന് ഉറപ്പാക്കും. ജിപിഎസ് ഉപയോഗിച്ച് ഗതാഗതക്കുരുക്ക് മുൻകൂട്ടി തിരിച്ചറിഞ്ഞ് ഷെഡ്യൂളുകൾ ക്രമീകരിക്കുന്നതോടെ യാത്രകൾ കൂടുതൽ സുഗമമാകും.അതോടൊപ്പം, ഡ്രൈവിംഗ് ടെസ്റ്റ് സംവിധാനത്തിലും മാറ്റങ്ങൾ വരുന്നു. ടെസ്റ്റ് നടക്കുന്ന സ്ഥലത്തുവെച്ചുതന്നെ ലൈസൻസ് നൽകാനുള്ള സംവിധാനം നടപ്പാക്കുന്നതോടെ ലൈസൻസ് ലഭിക്കാൻ നേരിടുന്ന കാലതാമസം പൂർണ്ണമായും ഒഴിവാക്കും.സർക്കാരിന്റെ ഈ നീക്കങ്ങൾ, കേരളത്തിലെ പൊതുഗതാഗത രംഗത്തെ ആധുനികവൽക്കരണത്തിലേക്ക് ഒരു വലിയ ചുവടുവെയ്പായി മാറും. യാത്രാനുഭവത്തിൽ പുതിയ മാനദണ്ഡങ്ങൾ സൃഷ്ടിച്ച്, കെഎസ്ആർടിസിയെ പുതിയ ഉയരങ്ങളിലേക്ക് നയിക്കുമെന്നാണ് പ്രതീക്ഷ.
നിയമനക്കോഴ ; ഐ.സി ബാലകൃഷ്ണൻ എം.എൽ.എക്കെതിരെ വിജിലൻസ് കേസ്
കോ ൺഗ്രസ് നിയന്ത്രണത്തിലുള്ള സഹകരണ ബാങ്കുകളിലെ നിയമനവുമായി ബന്ധപ്പെട്ട കോഴ ആരോപണത്തിൽ ഐ.സി ബാലകൃഷ്ണൻ എം.എൽ.എക്കെതിരെ വിജിലൻസ് അന്വേഷണം ശക്തമാകുന്നു. വയനാട് ഡിസിസി ട്രഷററായിരുന്ന എൻ.എം വിജയന്റെ ആത്മഹത്യ കുറിപ്പിലുണ്ടായ വെളിപ്പെടുത്തലുകളുടെ അടിസ്ഥാനത്തിലാണ് വിജിലൻസ് കേസ് രജിസ്റ്റർ ചെയ്തത്.നിയമനവുമായി ബന്ധപ്പെട്ട സാമ്പത്തിക ഇടപാടുകളുടെ പ്രാഥമിക അന്വേഷണ റിപ്പോർട്ട് ലഭിച്ചതിനെത്തുടർന്ന് വിജിലൻസ് ഡയറക്ടറുടെ അനുമതിയോടെ കേസ് എടുത്തുവെന്ന് അധികൃതർ വ്യക്തമാക്കി.എൻ.എം വിജയന്റെ ആത്മഹത്യ കുറിപ്പിൽ, നിയമനത്തിനായി ഐ.സി ബാലകൃഷ്ണൻ എം.എൽ.എ ഉൾപ്പെടെയുള്ളവർ ഏഴ് ലക്ഷം രൂപ കോഴയായി സ്വീകരിച്ചതായി വ്യക്തമായ ആരോപണങ്ങളുണ്ടായിരുന്നു. ‘താൻ നിയമന കോഴയ്ക്കിരയായിരിക്കുന്നു’ എന്നായിരുന്നു വിജയന്റെ കുറിപ്പിൽ രേഖപ്പെടുത്തിയിരുന്നത്.കേസിൽ ഐ.സി ബാലകൃഷ്ണനെ ഒന്നാം പ്രതിയായി എഫ്ഐആർ രജിസ്റ്റർ ചെയ്തിട്ടുണ്ട്. ഇപ്പോൾ എം.എൽ.എ മുൻകൂർ ജാമ്യത്തിലാണ്. രാഷ്ട്രീയ പ്രേരിതമായതാണ് ആരോപണമെന്നാണ് ഐ.സി ബാലകൃഷ്ണന്റെ നിലപാട്. താൻ യാതൊരു തരത്തിലുള്ള സാമ്പത്തിക ഇടപാടുകളും നടത്തിയിട്ടില്ലെന്നും അദ്ദേഹം വ്യക്തമാക്കി.വിജിലൻസ് അന്വേഷണം പുരോഗമിക്കുന്നതോടെ കേസിന് രാഷ്ട്രീയ രംഗത്തും സഹകരണ ബാങ്ക് മേഖലയിലും വലിയ പ്രത്യാഘാതങ്ങളാണ് പ്രതീക്ഷിക്കപ്പെടുന്നത്.
വിജയകരമായ കെഎസ്ആർടിസി കൊറിയർ സർവീസ് തകർച്ചയിലേക്ക്; ആന്ധ്ര കമ്പനിക്ക് കൈമാറിയ നീക്കം വിവാദത്തിൽ
കെഎസ്ആർടിസിയുടെ ഗതാഗത മേഖലയിൽ പുതുവായ്പ്പുകളെ തേടിയുള്ള പ്രധാന നീക്കമായിരുന്നു കൊറിയർ ആൻഡ് പാഴ്സൽ സർവീസ് ആരംഭിച്ചത്. ഗതാഗതക്കുരുക്ക് കുറയ്ക്കാനും സ്ഥാപനത്തിന് പുതിയ വരുമാനമാർഗം കണ്ടെത്താനും ലക്ഷ്യമിട്ടായിരുന്നു ഈ പദ്ധതിയുടെ തുടക്കം.“കേരളത്തിലെ ഏതു ഭാഗത്തേക്കും 16 മണിക്കൂറിനുള്ളിൽ കൊറിയർ എത്തിക്കും” എന്ന വാഗ്ദാനത്തോടെ ആരംഭിച്ച ഈ സേവനം ജനങ്ങളിൽ വൻ സ്വീകാര്യത നേടുകയും ചെയ്തു.ജനങ്ങൾ അവരുടെ വ്യക്തിഗത, വ്യാപാര ആവശ്യങ്ങൾക്കായി സംസ്ഥാനത്തുടനീളമുള്ള എല്ലാ ബസ് സ്റ്റാൻഡുകളും സ്റ്റേഷനുകളും വഴി സാധനങ്ങൾ അയയ്ക്കാൻ തുടങ്ങി. ആദ്യ ഘട്ടത്തിൽ ഈ സംവിധാനം കാര്യക്ഷമമായി പ്രവർത്തിക്കുകയും കെഎസ്ആർടിസിയിലെ ജീവനക്കാരുടെയും ഉദ്യോഗസ്ഥരുടെയും നേരിട്ടുള്ള നിയന്ത്രണത്തിലായിരിക്കുകയും ചെയ്തു.എന്നാൽ ഇപ്പോൾ ഈ സേവനം ആന്ധ്രാപ്രദേശിലെ ഒരു സ്വകാര്യ കമ്പനിക്ക് അടിസ്ഥാന ശമ്പളം ₹1,04,076 ആയും HRA ₹28,101 ആയും ഉയർന്ന് മൊത്തം ₹1,32,177 രൂപയായി ഉയരും.ഫിറ്റ്മെന്റ് ഫാക്ടറിലെ മാറ്റം അനുസരിച്ച് സർക്കാർ ജീവനക്കാരുടെ ശമ്പളത്തിൽ വലിയ ഉയർച്ചയാണ് പ്രതീക്ഷിക്കപ്പെടുന്നത്. പുതിയ കമ്മീഷന്റെ ശുപാർശകൾ ഔദ്യോഗികമായി പ്രഖ്യാപിച്ചാൽ ലക്ഷക്കണക്കിന് ജീവനക്കാരുടെ ശമ്പള ഘടനയിൽ ചരിത്രപരമായ പരിഷ്കരണം നടപ്പിലാകും.
സർക്കാരിന്റെ വലിയ ആരോഗ്യ പ്രഖ്യാപനം: നിസ്സഹായർക്കെല്ലാം സൗജന്യ ചികിത്സ ഉറപ്പ് – മന്ത്രി വീണാ ജോർജ്
ചെ ലവേറിയ ചികിത്സ കൾക്കായി ബുദ്ധിമുട്ടുന്ന നിസ്സഹായരായവർക്ക് സൗജന്യ ചികിത്സ ഉറപ്പാക്കുകയാണ് സർക്കാറെന്ന് ആരോഗ്യ-വനിതാ ശിശു വികസന വകുപ്പ് മന്ത്രി വീണാ ജോർജ്ജ്. സുൽത്താൻ ബത്തേരി താലൂക്ക് ആശുപത്രിയിൽ സ്ത്രീകളുടെയും കുട്ടികളുടെയും ആശുപത്രിയുടെ ഉദ്ഘാടനം നിർവഹിച്ച് സംസാരിക്കുകയായിരുന്നു മന്ത്രി. സംസ്ഥാന സർക്കാർ 1500 കോടി രൂപയാണ് സൗജന്യ ചികിത്സയ്ക്കായി ഇതുവരെ വിനിയോഗിച്ചത്. ആവശ്യമായ ചികിത്സ ലഭിക്കാതെ ഒരാളും നിസ്സഹായരാവാൻ പാടില്ലെന്ന ലക്ഷ്യത്തോടെയാണ് സംസ്ഥാന സർക്കാറും ആരോഗ്യ വകുപ്പും മുന്നോട്ട് പോകുന്നത്. സംസ്ഥാനത്തെ ആരോഗ്യ മേഖലയിൽ നടപ്പാക്കിയ വികസന നേട്ടങ്ങൾ മികവുറ്റതാണ്. സുൽത്താൻ ബത്തേരി താലൂക്ക് ആശുപത്രിയിൽ കൂടുതൽ തസ്തികകൾ അനുവദിക്കുമെന്നും മന്ത്രി അറിയിച്ചു. ആരോഗ്യ മേഖലയിൽ അക്ഷീണം പ്രയത്നിക്കുന്ന മുഴുവൻ ആളുകളെയും മന്ത്രി അഭിനന്ദിച്ചു.താലൂക്ക് ആശുപത്രിയിലെ 360 ഡിഗ്രി മെറ്റബോളിക് ഡിസീസ് മാനേജ്മെൻ്റ് സെൻ്റർ, പോളി ഡെന്റൽ ക്ലിനിക്, വയോജന വാർഡ്, ഫിസിയോതെറാപ്പി – ഹാബിലിറ്റേഷൻ യൂണിറ്റുകൾ, ഫേക്കോ എമൽസിഫിക്കേഷൻ മെഷീൻ, വയോജന – വിഭിന്ന ശേഷി സൗഹൃദ കേന്ദ്രങ്ങൾ എന്നിവയും മന്ത്രി ഉദ്ഘാടനം ചെയ്തു.സുൽത്താൻ ബത്തേരി താലൂക്ക് ആശുപത്രിയിൽ നടന്ന പരിപാടിയിൽ പട്ടികജാതി -പട്ടിവർഗ്ഗ – പിന്നാക്കക്ഷേമ വകുപ്പ് മന്ത്രി ഒ.ആർ കേളു അധ്യക്ഷനായി. എം.എൽ.എ ഐ.സി ബാലകൃഷ്ണൻ നഗരസഭാ ചെയർമാൻ ടി.കെ രമേശ്, ബ്ലോക്ക് പഞ്ചായത്ത് പ്രസിഡൻ്റ് സി. അസൈനാർ, അസിസ്റ്റൻ്റ് കളക്ടർ പി.പി അർച്ചന, ബ്ലോക്ക് പഞ്ചായത്ത് വൈസ് പ്രസിഡൻ്റ് അമ്പിളി സുധി, ഡെപ്യൂട്ടി ചെയർപേഴ്സൺ എൽസി പൗലോസ്, ജില്ലാ മെഡിക്കൽ ഓഫീസർ ഡോ. ടി. മോഹൻ ദാസ്, ആരോഗ്യ കേരളം ജില്ലാ പ്രോഗ്രാം മാനേജർ ഡോ. സമീഹ സൈതലവി, താലൂക്ക് ആശുപത്രി സൂപ്രണ്ട് ഡോ. കെ.വി സിന്ധു, നഗരസഭാ സ്ഥിരം സമിതി ചെയർമാൻമാരായ അനീഷ് ബി നായർ, ലത ശശി, ഷാമില ജുനൈസ്, ഷമീർ മഠത്തിൽ, വിവിധ രാഷ്ട്രീയ പാർട്ടി പ്രതിനിധികൾ എന്നിവർ പങ്കെടുത്തു.