കേരളത്തിൽ വീണ്ടും ശക്തമായ മഴക്ക് സാധ്യത; മൂന്ന് ജില്ലകളിൽ ഓറഞ്ച് അലർട്ട്, ഏഴ് ജില്ലകൾക്ക് യെല്ലോ അലേർട്ട്

സംസ്ഥാനത്ത് വീണ്ടും അതിശക്തമായ മഴയ്ക്കാണ് കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകിയിരിക്കുന്നത്. കണ്ണൂർ, കോഴിക്കോട്, കാസർഗോഡ് ജില്ലകളിൽ ഓറഞ്ച് അലർട്ട് പ്രഖ്യാപിച്ചിരിക്കുകയാണ്.

അതേസമയം, തിരുവനന്തപുരം, കൊല്ലം, പത്തനംതിട്ട, കോട്ടയം ഒഴികെയുള്ള എല്ലാ ജില്ലകളിലും യെല്ലോ അലർട്ട് നിലവിലാണ്.ഇടിമിന്നലോടുകൂടിയ മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിലുള്ള കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. കേരളത്തിലും ലക്ഷദ്വീപ്, കർണാടക തീരപ്രദേശങ്ങളിലും മത്സ്യബന്ധന വിലക്ക് തുടരുന്നതായി അധികൃതർ മുന്നറിയിപ്പ് നൽകി.മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിൽ ഒറ്റപ്പെട്ടയിടങ്ങളിൽ ശക്തമായ ഇടിമിന്നലോടുകൂടിയ മഴക്കും കാറ്റിനും സാധ്യതയുണ്ടെന്ന് കാലാവസ്ഥാ വകുപ്പ് സൂചിപ്പിക്കുന്നു. ജനങ്ങൾ ജാഗ്രത പാലിക്കണമെന്നും, അത്യാവശ്യ സാഹചര്യങ്ങൾ ഒഴികെ യാത്ര ഒഴിവാക്കണമെന്നും അധികൃതർ നിർദേശിച്ചു

പാല്‍ച്ചുരത്ത് ലോറി താഴ്ചയിലേക്ക് മറിഞ്ഞ് ദാരുണ അപകടം; ഡ്രൈവർ മരിച്ചു, ഒരാള്‍ക്ക് പരിക്ക്

മാനന്തവാടി – കണ്ണൂർ റോഡിലെ പാല്‍ച്ചുരത്ത് രാത്രി നടന്ന ദാരുണ അപകടത്തിൽ ലോറി ഡ്രൈവർ മരിച്ചു. തമിഴ്നാട് സ്വദേശി സെന്തിൽ കുമാർ (54) ആണ് മരിച്ചത്. അദ്ദേഹത്തോടൊപ്പം യാത്ര ചെയ്തിരുന്ന സഹായി സെന്തിൽ (44) നിസാര പരിക്കുകളോടെ രക്ഷപ്പെട്ടു.കാസർകോട്ടേക്ക് കമ്പി കേബിൾ കയറ്റി പോകുകയായിരുന്ന ലോറിയാണ് രാത്രി 11.30ഓടെ നിയന്ത്രണം വിട്ട് നൂറടിയോളം താഴ്ചയിലേക്ക് പതിച്ചത്. അപകട നിമിഷം സഹായി സെന്തിൽ ചാടി രക്ഷപ്പെടുകയായിരുന്നു.അപകട വിവരം അറിഞ്ഞതിനെ തുടർന്ന് മാനന്തവാടി അഗ്നിരക്ഷാ സേനയും പോലീസും നാട്ടുകാരും ചേർന്ന് രക്ഷാപ്രവർത്തനം നടത്തി. കനത്ത പരിശ്രമത്തിനൊടുവിലാണ് ലോറിയിൽ കുടുങ്ങിയ ഡ്രൈവർ സെന്തിൽ കുമാറിന്റെ മൃതദേഹം പുറത്തെടുത്തത്. മൃതദേഹം മാനന്തവാടി മെഡിക്കൽ കോളേജിൽ സൂക്ഷിച്ചിരിക്കുന്നു.

ഡ്രൈവിംഗ് ലൈസൻസ് എടുക്കാൻ പോകുന്നവർക്ക് മുന്നറിയിപ്പ്: സ്കൂളുകളിൽ കർശന മിന്നൽ പരിശോധന

കേരള ഗതാഗത വകുപ്പ് ഡ്രൈവിംഗ് ലൈസൻസ് നേടാൻ പോകുന്നവർക്കും നിലവിലുള്ള ഡ്രൈവർമാർക്കും മുന്നറിയിപ്പ് നൽകി. കാൽനടയാത്രക്കാരുടെ സുരക്ഷ ഉറപ്പാക്കാനും, ശരിയായ പാർക്കിംഗ് ശീലങ്ങൾ വളർത്താനും ആവശ്യമായ നടപടികൾ ശക്തിപ്പെടുത്താൻ പുതിയ മാർഗ്ഗനിർദ്ദേശങ്ങൾ പുറത്തിറക്കിയിട്ടുണ്ട്. ഈ നീക്കം ഹൈക്കോടതി ക്രോസിംഗുകളും ഫുട്പാത്തുകളും ഉൾപ്പെടെയുള്ള മേഖലകളിൽ വർദ്ധിച്ചുവരുന്ന കാൽനട അപകടങ്ങളെ തുടർന്ന് പുറപ്പെടുവിച്ചതാണ്.റോഡ് സുരക്ഷ ഉറപ്പാക്കാനുള്ള നിർദ്ദേശങ്ങൾ ഗതാഗത കമ്മീഷണർ സി.എച്ച്. നാഗരാജു എല്ലാ റീജിയണൽ ട്രാൻസ്‌പോർട്ട് ഓഫീസുകൾ (RTO) മുഖേന നിർദ്ദേശം നൽകിയിട്ടുണ്ട്. പുതിയ നിയമങ്ങൾ അനുസരിച്ച്, ഡ്രൈവിംഗ് സ്കൂളുകളിൽ സർപ്രൈസ് ചെക്കുകൾ (മിന്നൽ പരിശോധന) നടത്തുകയും, പരിശീലന ട്രാക്കുകളിലും ക്ലാസ് മുറികളിലും ഇൻസ്ട്രക്ടർമാർ കാൽനടയാത്രക്കാരുടെ സുരക്ഷ, സുരക്ഷിത ഡ്രൈവിംഗ് രീതികൾ, ശരിയായ പാർക്കിംഗ് ശീലങ്ങൾ പഠിപ്പിക്കുന്നുണ്ടോയെന്ന് പരിശോധിക്കുകയും ചെയ്യും.നിയമലംഘനം കണ്ടെത്തിയാൽ ശക്തമായ നടപടിമാനദണ്ഡങ്ങൾ പാലിക്കാത്ത സ്കൂളുകൾക്കെതിരെ നടപടി സ്വീകരിക്കും.നിർദ്ദേശങ്ങൾ അവഗണിക്കുന്ന ഇൻസ്ട്രക്ടർമാർ അംഗീകൃത റിഫ്രഷർ കോഴ്സ് പൂർത്തിയാക്കുന്നതുവരെ ലൈസൻസ് സസ്പെൻഡ് ചെയ്യപ്പെടും.പുതിയ ഡ്രൈവർമാരിൽ അവബോധവും അച്ചടക്കവും വളർത്തുക മാത്രമല്ല, ഡ്രൈവിംഗ് കഴിവുകൾ പരീക്ഷിക്കുക മാത്രമല്ല, എന്നതാണ് ലക്ഷ്യം.കാൽനടയാത്രക്കാരെ മുൻനിർത്തി പാർക്കിംഗ് നിയന്ത്രണംകാൽനടയാത്രക്കാരുടെ പരിക്കുകളുടെയും അപകടങ്ങളുടെയും പ്രധാന കാരണം അശ്രദ്ധമായ പാർക്കിംഗ് ആണെന്ന് കമ്മീഷണർ ചൂണ്ടിക്കാട്ടി. വാഹനങ്ങൾ ഫുട്പാത്തുകളിലോ ക്രോസിംഗുകൾക്കടുത്തോ പാർക്ക് ചെയ്യുന്നത് കാൽനടയാത്രക്കാർക്ക് ബുദ്ധിമുട്ട് ഉണ്ടാക്കുന്നു. “അടച്ചുപൂട്ടുന്ന പാർക്കിംഗ് പൗരന്മാരുടെ വഴിയുടെ അവകാശം ലംഘിക്കുന്നു” എന്നതായാണ് കമ്മീഷണർ ഊന്നിപ്പറഞ്ഞത്. എല്ലാ റോഡുകളിലും കാൽനടയാത്രക്കാർക്കും സൈക്കിള്‍ യാത്രക്കാർക്കും ഇരുചക്ര വാഹന യാത്രക്കാർക്കും പ്രഥമ പരിഗണന നൽകണം എന്നും നിർദ്ദേശങ്ങൾ വ്യക്തമാക്കുന്നു.അനാവശ്യ ഹോൺ മുഴക്കലുകൾ നിയന്ത്രിക്കുംഡ്രൈവർമാരുടെ പെരുമാറ്റത്തിലും പുതിയ സർക്കാർ സർക്കുലറുകൾ കർശനമാക്കി. ഓട്ടോറിക്ഷ, ബസ്, ചരക്ക് വാഹനങ്ങൾ, ഹെവി വാഹനങ്ങൾ എന്നിവയുടെ ഡ്രൈവർമാർ ദുർബലരായ റോഡ് ഉപയോക്താക്കളുടെ നീക്കങ്ങൾ മുൻകൂട്ടി കണ്ട് ശ്രദ്ധയോടെ വാഹനമോടിക്കണമെന്ന് നിർദ്ദേശിച്ചിട്ടുണ്ട്.

മുട്ടിൽ മരംമുറി കേസ്: 29 കർഷകരുടെ അപ്പീൽ തള്ളി; റവന്യൂ വകുപ്പിന്റെ നീക്കത്തിൽ ആശങ്ക ഉയരുന്നു

വയനാട് മുട്ടിൽ മരംമുറി കേസിൽ കർഷകർക്ക് എതിരെ റവന്യൂ വകുപ്പ് ശക്തമായ നീക്കവുമായി. 29 കർഷകർ സമർപ്പിച്ച അപ്പീൽ അപാകത ആരോപിച്ച് തള്ളിയതോടെ ആദിവാസികൾ ഉൾപ്പെടെയുള്ള കർഷകർ ആശങ്കയിലാണ്.കർഷകരെ സംരക്ഷിക്കുമെന്ന സർക്കാരിന്റെ ഉറപ്പ് പാഴായെന്നാണ് വിമർശനം ഉയരുന്നത്.അഗസ്റ്റിൻ സഹോദരന്മാർ മരംമുറിച്ച ഭൂമി ഈ 29 കർഷകരുടേതായിരുന്നു. ഇവരെ കേസിൽ നിന്ന് ഒഴിവാക്കണമെന്നാവശ്യപ്പെട്ട് സർക്കാർ മുന്നിൽ അപ്പീൽ സമർപ്പിച്ചിരുന്നെങ്കിലും, രേഖകളിലെ അപാകത ചൂണ്ടിക്കാട്ടി അത് തള്ളുകയായിരുന്നു. രേഖകൾ സഹിതം 15 ദിവസത്തിനകം പുതുക്കിയ അപ്പീൽ സമർപ്പിക്കണമെന്നു മാനന്തവാടി സബ് കലക്ടർ നൽകിയ നോട്ടീസിൽ പറയുന്നു. അതിനില്ലെങ്കിൽ നടപടിയുമായി മുന്നോട്ട് പോകുമെന്ന് നോട്ടീസിൽ മുന്നറിയിപ്പുണ്ട്.ഇതോടെ മുറിച്ച മരങ്ങൾക്ക് സർക്കാർ പിഴ ചുമത്തുമോ എന്ന ആശങ്ക കർഷകർക്കിടയിൽ ശക്തമാകുന്നു. എങ്കിലും, ഇത് നിയമപരമായ സ്വാഭാവിക നടപടിക്രമം മാത്രമാണെന്നും ആശങ്കപ്പെടേണ്ട കാര്യമില്ലെന്നും റവന്യൂ അധികൃതർ വ്യക്തമാക്കുന്നു.2020-21 കാലഘട്ടത്തിലാണ് വയനാട് മുട്ടിലിൽ കോടികൾ വിലമതിക്കുന്ന അനധികൃത മരംമുറി നടന്നത്. അഗസ്റ്റിൻ സഹോദരന്മാർ ഉൾപ്പെടെ 12 പേരാണ് കേസിലെ പ്രതികൾ. 1964നുശേഷം പട്ടയം ലഭിച്ച ഭൂമിയിൽ കർഷകർ സ്വയം നട്ടുവളർത്തിയ മരങ്ങൾ മുറിക്കാമെന്ന 2020ലെ സർക്കാർ ഉത്തരവിന്റെ മറവിലാണ് കോടികൾ വിലമതിക്കുന്ന മരം മുറിച്ചെടുത്തതെന്ന് കുറ്റപത്രത്തിൽ പറയുന്നു. 500 വർഷത്തിലധികം പഴക്കമുള്ള സംരക്ഷിത വൃക്ഷങ്ങളും മുറിച്ചുകളഞ്ഞതായി ഡി.എൻ.എ പരിശോധനയിലൂടെ തെളിഞ്ഞിരുന്നു.

നിയമന കോഴ കേസ് രാഷ്ട്രീയ ലക്ഷ്യം വെച്ച നീക്കം; വിജിലൻസ് നടപടിക്കെതിരെ ഐ സി ബാലകൃഷ്ണന്റെ ശക്തമായ പ്രതികരണം

കാലുകളിൽ രക്തയോട്ടം കുറഞ്ഞോ? പരിഹാരം ഉണ്ട്!വെരികോസ് വെയ്ൻ , രക്തയോട്ടം കുറവ് പരിഹരിക്കാൻ ആദിവാസി …കൂടുതൽ അറിയുകകാലുകളിൽ രക്തയോട്ടം കുറഞ്ഞോ? പരിഹാരം ഉണ്ട്!വെരികോസ് വെയ്ൻ , രക്തയോട്ടം കുറവ് പരിഹരിക്കാൻ ആദിവാസി …കൂടുതൽ അറിയുകകോൺഗ്രസ് ഭരിക്കുന്ന സഹകരണ ബാങ്കുകളിലെ നിയമനവുമായി ബന്ധപ്പെട്ട് കോഴവാങ്ങിയെന്ന കേസിൽ വിജിലൻസ് പ്രതിചേർത്ത നടപടി രാഷ്ട്രീയ പ്രേരിതമാണെന്ന് വയനാട് എംഎൽഎ ഐ.സി. ബാലകൃഷ്ണൻ പ്രതികരിച്ചു. വിഷയത്തിൽ നിയമപരമായി മുന്നോട്ടുപോകുമെന്നും ഒരടിപോലും പിന്നോട്ടില്ലെന്നുമാണ് അദ്ദേഹത്തിന്റെ നിലപാട്.സഹകരണ ബാങ്കുകളിലൂടെ ഐ.സി. ബാലകൃഷ്ണൻ ഉൾപ്പെടെ കോൺഗ്രസ് നേതാക്കൾ തട്ടിപ്പിൽ ഏർപ്പെട്ടുവെന്ന പരാതിയെ തുടർന്ന് വയനാട് ജില്ലാ വിജിലൻസ് ഡിവൈഎസ്.പി ഷാജി വർഗീസ് നേതൃത്വം നൽകിയ അന്വേഷണ സംഘം സംസ്ഥാന വിജിലൻസിന് റിപ്പോർട്ട് സമർപ്പിച്ചു. ഇതിന്റെ അടിസ്ഥാനത്തിലാണ് കേസെടുത്തത്. വിജിലൻസ് ഡയറക്ടറുടെ അനുമതിയോടെ എടുത്ത കേസിൽ ഏക പ്രതിയായി ഐ.സി. ബാലകൃഷ്ണനെ ഉൾപ്പെടുത്തിയിരുന്നു.എൻ.എം. വിജയന്റെ ആത്മഹത്യയുമായി ബന്ധപ്പെട്ട പ്രാഥമിക അന്വേഷണത്തിന് ശേഷമാണ് കേസ് രജിസ്റ്റർ ചെയ്തത്. കോൺഗ്രസ് നിയന്ത്രണത്തിലുള്ള സഹകരണ ബാങ്കുകളിലെ നിയമനത്തിനായി കോഴ വാങ്ങിയതിൽ എംഎൽഎയ്ക്ക് പങ്കുണ്ടെന്നാരോപണം ഉയർന്നിരുന്നു.എൻ.എം. വിജയന്റെയും മകന്റെയും മരണവുമായി ബന്ധപ്പെട്ട് ഐ.സി. ബാലകൃഷ്ണൻ, മുൻ ഡിസിസി അധ്യക്ഷൻ എൻ.ഡി. അപ്പച്ചൻ, കെ.കെ. ഗോപിനാഥൻ എന്നിവർക്കെതിരെ ആത്മഹത്യ പ്രേരണാ കുറ്റം ചുമത്തിയിരുന്നു. ആത്മഹത്യാ കുറിപ്പിൽ, നിയമനത്തിനായി ഏഴ് ലക്ഷം രൂപ ഐ.സി. ബാലകൃഷ്ണൻ കോഴയായി വാങ്ങിയതായും താൻ അതിന്റെ ഇരയായതായും എൻ.എം. വിജയൻ രേഖപ്പെടുത്തിയിരുന്നു.

ബെവ്കോ ജീവനക്കാർ അലവൻസ് വെട്ടിക്കുറവ് പ്രതിഷേധിച്ച് സംസ്ഥാനവ്യാപക പണിമുടക്ക് പ്രഖ്യാപിച്ചു

തിരുവനന്തപുരം:ബെവ്കോ ജീവനക്കാർക്ക് അലവൻസ് വെട്ടിക്കുറച്ച സർക്കാരിന്റെ നടപടിക്കെതിരെ ശക്തമായ പ്രതിഷേധം. ഈ നടപടിയെതിരായി ബെവ്കോ ജീവനക്കാർ ഒക്ടോബർ 29ന് സംസ്ഥാനവ്യാപക പണിമുടക്കിലേക്ക് പോകും. ഐ.എൻ.ടി.യുസിയും എ.ഐ.ടി.യുസിയും ഉൾപ്പെടുന്ന സംയുക്ത സമരസമിതിയാണ് സമരം സംഘടിപ്പിക്കുന്നത്.അതേസമയം, സമര ആവശ്യങ്ങൾ ഉന്നയിച്ച് സി.ഐ.ടി.യു ഒക്ടോബർ 28ന് തിരുവനന്തപുരം ഹെഡ് ഓഫീസിനു മുന്നിൽ പ്രതിഷേധ മാർച്ചും ധർണ്ണയും നടത്തും. ജീവനക്കാർക്ക് ലഭിച്ചിരുന്ന അലവൻസ് വെട്ടിക്കുറച്ചത്, അധിക അലവൻസ് 600 രൂപയായി ഉയർത്തണം, ജീവനക്കാരെ കൊണ്ട് കാലിക്കുപ്പികൾ തിരിച്ചെടുക്കുന്ന നടപടി അവസാനിപ്പിക്കുക തുടങ്ങിയ ആവശ്യങ്ങളാണ് മുന്നോട്ട് വെക്കുന്നത്.പൊതു അവധികൾ പോലും ബാധകമാകാതെ പതിനൊന്ന് മണിക്കൂറിലധികം ജോലിചെയ്യുന്ന ജീവനക്കാരെ അന്യായമായി സ്ഥലംമാറ്റുന്ന നടപടി അവസാനിപ്പിക്കണം എന്നും അവർ ആവശ്യപ്പെട്ടു. കൂടാതെ, കെഎസ്‌ബിസി ലാഭവിഹിതത്തിൽ നിന്ന് ഗാലനേജ് ഫീ ഈടാക്കുന്ന രീതി അവസാനിപ്പിക്കണമെന്നും അശാസ്ത്രീയമായ ഷിഫ്റ്റ് സമ്പ്രദായം പിന്‍വലിക്കണമെന്നും സമരസമിതി ആവശ്യപ്പെട്ടു.ലേബലിങ് വിഭാഗം ജീവനക്കാരെ ദ്രോഹിക്കുന്ന സർക്കുലർ പിന്‍വലിക്കണമെന്നും സമരസമിതി ആവർത്തിച്ചു. സർക്കാരിന്റെ അനീതിപൂർണമായ നടപടികൾ പിന്‍വലിക്കുന്നതുവരെ സമരം ശക്തമാക്കുമെന്ന് മുന്നറിയിപ്പും നൽകി.

പിഎം ശ്രീ പദ്ധതിയില്‍ സ്കൂളുകളുടെ ലിസ്റ്റ് വിദ്യാഭ്യാസ വകുപ്പ് കൈമാറില്ല

കേരളത്തിലെ പി.എം. ശ്രീ പദ്ധതി നടപ്പാക്കുന്നതിനുള്ള നടപടികളില്‍ സംസ്ഥാനം വൈകുന്നു. പദ്ധതി യിലേക്ക് ഉൾപ്പെടുത്തേണ്ട സ്കൂളുകളുടെ അന്തിമ പട്ടിക കേന്ദ്രത്തിനായി ഉടൻ കൈമാറില്ലെന്ന് വിദ്യാഭ്യാസ വകുപ്പ് വ്യക്തമാക്കിയിരിക്കുന്നു. ധാരണാപത്രത്തിൽ ഒപ്പുവച്ചെങ്കിലും ഇതുവരെ പട്ടിക കൈമാറൽ നടപ്പാക്കാനാണ് താൽപ്പര്യം. ഗുണഭോക്തൃ സ്കൂളുകളെ തിരഞ്ഞെടുക്കുന്നതിന് കേന്ദ്രം ഈ പട്ടിക അടിസ്ഥാനമാക്കും.അതേസമയം, എസ്.എസ്.എ ഫണ്ടിനായുള്ള ആദ്യ പ്രോപ്പോസൽ ഇന്ന് സമർപ്പിക്കാനാണ് സർക്കാർ തയ്യാറെടുപ്പ്. കേന്ദ്രം എസ്.എസ്.എയ്ക്ക് 971 കോടി രൂപ അനുവദിക്കുമെന്ന ഉറപ്പു നൽകിയിരുന്നു. പി.എം. ശ്രീ പദ്ധതിയിൽ അംഗീകാരം നൽകിയാൽ, തടഞ്ഞുവച്ച വിഹിതങ്ങൾ ലഭിക്കുമെന്നും കേന്ദ്രത്തിന്റെ നിലപാട് വ്യക്തമാക്കുന്നു.പദ്ധതിയുടെ ധാരണാപത്രത്തിൽ ഒപ്പിട്ടതിനെതിരെ സിപിഐ പ്രതിഷേധം തുടരുന്നു. മന്ത്രിസഭാ യോഗം ബഹിഷ്കരിക്കുകയും മറ്റ് നടപടികൾ ആലോചിക്കാനുള്ള തീരുമാനം സ്വീകരിക്കുകയും ചെയ്തു. സിപിഐ generaal secretary ഡി. രാജയും സിപിഐഎം ജനറൽ സെക്രട്ടറി എം.എ. ബേബിയുമായി കൂടിക്കാഴ്ച നടത്തും, പദ്ധതി ധാരണാപത്രത്തില്‍ നിന്നും പിൻമാറണമെന്ന് ആവശ്യപ്പെടുന്നതിനായി.ഇതിനിടെ, കേന്ദ്രഫണ്ട് വാങ്ങിയെന്ന് വി. ശിവന്‍കുട്ടി നടത്തിയ പരാമർശത്തെതിരെ കൃഷിവകുപ്പ് രംഗത്ത് എത്തിയിട്ടുണ്ട്. പദ്ധതിയിൽ ഒന്നും ബ്രാൻഡിങ് ഇല്ലെന്നും വെളിപ്പെടുത്തി.സിപിഐ സംസ്ഥാന നേതൃത്വം, കേന്ദ്ര നേതൃയോഗം എന്നിവയിൽ തന്റെ എതിർപ്പ് അറിയിച്ചിട്ടുണ്ട്.ഇന്ന് ചേരുന്ന ദേശീയ എക്സിക്യൂട്ടീവ് യോഗത്തിലും വിഷയത്തെക്കുറിച്ച് ചർച്ച ചെയ്യും. പുതിയ സെക്രട്ടേറിയറ്റ് അംഗങ്ങൾ, ദേശീയ കൗൺസിൽ ചുമതലകൾ, ബിഹാർ തെരഞ്ഞെടുപ്പ് തുടങ്ങിയ വിഷയങ്ങളും യോഗത്തിൽ പ്രധാനമായി ചർച്ച ചെയ്യാനാണ് പദ്ധതിയുള്ളത്.

പുല്‍പ്പള്ളി ബാങ്ക് വായ്പാ ക്രമക്കേട്: ഇരയായ ദമ്പതികൾ ഓഫീസിന് മുന്നിൽ സത്യഗ്രഹം തുടരുന്നു

കല്‍പ്പറ്റ: പുല്‍പ്പള്ളി സര്‍വീസ് സഹകരണ ബാങ്കില്‍ വായ്പ വിതരണത്തില്‍ ഉണ്ടായതായി ആരോപിക്കുന്ന ക്രമക്കേടുകള്‍ മൂലം കടബാധ്യതയില്‍പ്പെട്ട പുല്‍പ്പള്ളി കേളക്കവല പറമ്പേക്കാട്ട് സ്വദേശികളായ ഡാനിയേല്‍-സാറാക്കുട്ടി ദമ്പതികള്‍ കൈനാട്ടിയില്‍ സഹകരണ ജോയിന്റ് രജിസ്ട്രാര്‍ ഓഫീസിന് മുന്നില്‍ സത്യഗ്രഹം തുടരുകയാണ്.വായ്പാ ക്രമക്കേടുകള്‍ മൂലം ബാങ്കിന് ഉണ്ടായ നഷ്ടം വീണ്ടെടുക്കാനായി സഹകരണ വകുപ്പ് പുറത്തിറക്കാനിരിക്കുന്ന സര്‍ചാര്‍ജ് ഉത്തരവില്‍ തങ്ങളെയും ഉള്‍പ്പെടുത്തരുത്, ബാങ്കില്‍ പണയപ്പെടുത്തിയ രേഖകള്‍ തിരികെ നല്‍കണം, വായ്പാ ക്രമക്കേടില്‍ പെട്ട എല്ലാ ഇരകള്‍ക്കും നീതി ലഭ്യമാക്കണം തുടങ്ങിയ ആവശ്യങ്ങളാണ് സമരത്തിന്റെ പ്രധാനം. വ്യാഴാഴ്ച വൈകുന്നേരം ആരംഭിച്ച സത്യഗ്രഹം ആവശ്യങ്ങളില്‍ തീരുമാനമാകുന്നതുവരെ അവസാനിപ്പിക്കില്ലെന്ന് ദമ്പതികള്‍ വ്യക്തമാക്കി.ഒരു രൂപ പോലും വായ്പയായി ലഭിച്ചിട്ടില്ലെന്നും, നിലവില്‍ ബാങ്ക് രേഖകളനുസരിച്ച് 76 ലക്ഷം രൂപയുടെ ബാധ്യതയാണ് തങ്ങള്ക്ക് ചുമത്തിയിരിക്കുന്നതെന്നും അവര്‍ ആരോപിച്ചു.

എച്ച്, റോഡ് ടെസ്റ്റ് മാത്രം മതിയാകില്ല; പുതിയ മാനദണ്ഡങ്ങള്‍ പ്രകാരം ലൈസന്‍സ് ലഭിക്കുന്നത് കർശനമായി

ഇനി റോഡില്‍ വാഹനമോടിക്കാന്‍ എച്ച്, റോഡ് ടെസ്റ്റ് എന്നിവ പാസാകുന്നത് മാത്രമില്ല; ഡ്രൈവിംഗ് ലൈസന്‍സ് നേടാന്‍ കൂടുതല്‍ കര്‍ശനമായ മാനദണ്ഡങ്ങള്‍ നടപ്പിലാക്കി. ഗതാഗത കമ്മീഷണര്‍ സിഎച്ച് നാഗരാജു പുറത്തിറക്കിയ പുതിയ നിര്‍ദേശപ്രകാരം, കാല്‍നടയാത്രക്കാരെ മാനിച്ച് സുരക്ഷിതമായി വാഹനം ഓടിക്കുന്നവര്‍ക്കും, റോഡിന്റെ വശങ്ങളില്‍ കൃത്യമായി പാര്‍ക്ക് ചെയ്യുന്നവര്‍ക്കും മാത്രമേ ഇനി ലൈസന്‍സ് ലഭിക്കൂ.പുതിയ നിര്‍ദേശങ്ങള്‍ പാലിച്ചാണോ ടെസ്റ്റുകള്‍ നടക്കുന്നതെന്ന് ആര്‍ടിഒമാര്‍ ഉറപ്പാക്കണമെന്ന് കമ്മീഷണര്‍ നിര്‍ദേശിച്ചു. കാല്‍നടയാത്രക്കാരുടെ മരണവുമായി ബന്ധപ്പെട്ട ഹൈക്കോടതി പരാമര്‍ശത്തിന് പിന്നാലെയാണ് ഈ തീരുമാനം. കൂടാതെ, ഹോണ്‍ ഉപയോഗത്തിലും കർശന നിയന്ത്രണങ്ങൾ വരും. അടിയന്തര സാഹചര്യമല്ലാതെ ഹോണ്‍ ഉപയോഗിക്കുന്നത് നിയമലംഘനമാകുമെന്നും പതിവായി ഹോണ്‍ ഉപയോഗിക്കുന്നവര്‍ക്കെതിരെ നടപടി സ്വീകരിക്കുമെന്നും നിര്‍ദേശത്തില്‍ വ്യക്തമാക്കുന്നു.ഡ്രൈവിംഗ് സ്‌കൂളുകള്‍ പരിശീലനത്തിനിടെ ഈ നിയമങ്ങള്‍ പരിശീലിതരില്‍ ഉള്‍ക്കൊള്ളിക്കുന്നുണ്ടോ എന്നത് ആര്‍ടിഒമാര്‍ നേരിട്ട് പരിശോധിക്കണമെന്നും ഉത്തരവില്‍ പറയുന്നു. അതിനായി എംവിഡി ഉദ്യോഗസ്ഥര്‍ ഇടയ്ക്കിടെ സ്‌കൂളുകളിലും റോഡുകളിലും പരിശോധന നടത്തും. നിയമലംഘനം കണ്ടെത്തിയാല്‍ ബന്ധപ്പെട്ട ഇന്‍സ്ട്രക്ടര്‍മാരുടെ ലൈസന്‍സ് റദ്ദാക്കുകയും, അംഗീകൃത റിഫ്രഷര്‍ പരിശീലനം പൂര്‍ത്തിയാക്കുന്നതുവരെ പുനരംഗീകരണം അനുവദിക്കാതിരിക്കുകയും ചെയ്യും.ഈ നടപടികള്‍ ഗതാഗതസുരക്ഷയും റോഡ് നിയമബോധവുമുള്ള ഡ്രൈവര്‍മാരെ വളര്‍ത്താനായുള്ള സര്‍ക്കാരിന്റെ ശ്രമങ്ങളുടെ ഭാഗമാണെന്നാണ് അധികൃതര്‍ വ്യക്തമാക്കുന്നത്.