തദ്ദേശ തെരഞ്ഞെടുപ്പിൽ ജില്ലയിലെ എല്ലാ വോട്ടർമാരും സമ്മതിദാനാവകാശം വിനിയോഗിക്കണമെന്ന് ജില്ലാ കളക്ടർ ഡി. ആർ മേഘശ്രീ അറിയിച്ചു. കളക്ടറേറ്റ് ആസൂത്രണ ഭവൻ എ.പി.ജെ ഹാളിൽ നടന്ന വാര്‍ത്താ സമ്മേളനത്തിൽ സംസാരിക്കുകയായിരുന്നു ജില്ലാ തെരഞ്ഞെടുപ്പ് ഉദ്യോഗസ്ഥ. ജില്ലയിലെ 23 ഗ്രാമ പഞ്ചായത്തുകളിലും മൂന്ന് നഗരസഭകളിലുമായി 828 പോളിങ് ബൂത്തുകളാണ് ഒരുക്കിയത്. 1035 വനിതാ സ്ഥാനാർഥികളും 933 പുരുഷ സ്ഥാനാർഥികളുമാണ് മത്സര രംഗത്തുള്ളത്. ഗ്രാമപഞ്ചായത്തുകളിൽ 724, നഗര സഭകളിൽ 104 പോളിങ് ബൂത്തുകളാണ് സജ്ജമാക്കുന്നത്.

ജില്ലയിൽ വോട്ടെടുപ്പ് ദിവസം 14 ഡി.വൈ.എസ്.പിമാരുടെ നേതൃത്വത്തിൽ 1737 പോലീസുകാരെ വിന്യസിക്കുമെന്ന് ജില്ലാ പോലീസ് മേധാവി തപോഷ് ബസുമതാരി പറഞ്ഞു. 47 പ്രദേശങ്ങളിലായി 64 പ്രശ്ന സാധ്യതാ ബൂത്തുകളാണ് ജില്ലയിലുള്ളത്. ബൂത്തുകൾ കേന്ദ്രികരിച്ച് ഗ്രൂപ്പ്‌ പട്രോളിങും സജ്ജമാക്കും. ജില്ലയുമായി അതിർത്തി പങ്കിടുന്ന അന്തർ സംസ്ഥാന ചെക്ക് പോസ്റ്റുകളിൽ കർശന പരിശോധന നടത്തുമെന്നു എസ്.പി അറിയിച്ചു.

തെരഞ്ഞെടുപ്പ് ഡ്യൂട്ടിക്കായി ജില്ലയിൽ 3988 ഉദ്യോഗസ്ഥരെയാണ് നിയോഗിച്ചിട്ടുള്ളത്. 997 പ്രിസൈഡിങ് ഓഫീസർമാരും 2991 പോളിങ് ഓഫീസർമാരുമാണുള്ളത്. കൽപ്പറ്റ നഗരസഭയിൽ എസ്.ഡി.എം എൽ.പി സ്കൂൾ, മാനന്തവാടി നഗരസഭയിൽ സെന്റ് പാട്രിക്സ് എച്ച്.എസ്.എസ്, സുൽത്താൻ ബത്തേരി നഗരസഭയിൽ അസംപ്ഷൻ എച്ച്.എസ്, മാനന്തവാടി ബ്ലോക്ക്‌ പഞ്ചായത്തിൽ സെന്റ് പാട്രിക്സ് എച്ച്.എസ്.എസ്, സുൽത്താൻ ബത്തേരി ബ്ലോക്ക്‌ പഞ്ചായത്തിൽ സെന്റ് മേരീസ് കോളേജ്, കൽപ്പറ്റ ബ്ലോക്ക്‌ പഞ്ചായത്തിൽ എസ്.കെ.എം.ജെ എച്ച്.എസ്, പനമരം ബ്ലോക്ക്‌ പഞ്ചായത്തിൽ ഗവ എച്ച്.എസ്.എസ് എന്നീ ഏഴ് വിതരണ, സ്വീകരണ കേന്ദ്രങ്ങളാണ് ജില്ലയിലുള്ളത്.

തെരഞ്ഞെടുപ്പുമായി ബന്ധപ്പെട്ട് ജില്ലയിൽ 24 മണിക്കൂറും പ്രവർത്തിക്കുന്ന പ്രത്യേക പോലീസ് കൺട്രോൾ റൂം ആരംഭിച്ചിട്ടുണ്ട്. പൊതുജനങ്ങൾക്ക് 9497935224 നമ്പറിൽ പരാതികൾ അറിയിക്കാം. ഇലക്ഷൻ ഡെപ്യൂട്ടി കളക്ടർ നിജു കുര്യൻ, തദ്ദേശസ്വയംഭരണ വകുപ്പ് ജോയിന്റ് ഡയറക്ടർ കെ.കെ വിമൽ രാജ്, ജില്ലാ ഇൻഫർമേഷൻ ഓഫീസർ പി. റഷീദ് ബാബു എന്നിവർ വാര്‍ത്താ സമ്മേളനത്തിൽ പങ്കെടുത്തു.

എസ്.ഐ.ആര്‍: 6,04,347 ഫോമുകൾ വിതരണം ചെയ്തു

തീവ്ര വോട്ടര്‍ പട്ടിക പരിഷ്കരണത്തിന്റെ ഭാഗമായി ജില്ലയിൽ 6,04,347 വോട്ടര്‍മാര്‍ക്ക് എന്യൂമറേഷൻ ഫോമുകൾ  വിതരണം ചെയ്തതായി ജില്ലാ കളക്ടർ ഡി.ആർ മേഘശ്രീ അറിയിച്ചു. തീവ്ര വോട്ടർ പട്ടിക പരിഷ്കരണത്തിൽ സംസ്ഥാനത്ത് ബി.എൽ.ഒ – ബി.എൽ.എ യോഗങ്ങൾ പൂർത്തിയാക്കിയ രണ്ടാമത്തെ ജില്ലയാണ് വയനാട്. വോട്ടർ പട്ടിക പരിഷ്കരണത്തിൽ 14409 വോട്ടര്‍മാര്‍ ജില്ലയിൽ നിന്നും താമസം മാറിയതായി കണ്ടെത്തിയിട്ടുണ്ട്. പട്ടികയിൽ ഒന്നിലധികം തവണ പേരുണ്ടായിരുന്ന 2488 വോട്ടര്‍മാരെ പട്ടികയിൽ നിന്ന് നീക്കം ചെയ്തതായും ജില്ലാ കളക്ടര്‍ അറിയിച്ചു.

ആധാർ ഫോട്ടോകോപ്പിക്ക് നിരോധനം; സ്വകാര്യതയ്ക്കായി യുഐഡിഎഐയുടെ പുതിയ തീരുമാനം

ഇന്ത്യക്കാരുടെ ജീവിതത്തിൽ അഭേദ്യമായൊരു തിരിച്ചറിയൽ രേഖയാണ് ആധാർ കാർഡ്. വ്യക്തിയുടെ തിരിച്ചറിയൽ ഉറപ്പാക്കുന്നതടക്കം ബാങ്കിംഗ്, യാത്ര, സർക്കാർ സേവനങ്ങൾ, വിവിധ ദിവസേന പ്രവർത്തനങ്ങൾ—എല്ലാം ആധാറിനെ ആശ്രയിച്ചാണ്. എന്നാൽ, ആധാർ കാർഡിലെ വ്യക്തിഗത വിവരങ്ങളുടെ സുരക്ഷ ഉറപ്പാക്കുന്നതിന്റെ ഭാഗമായി കേന്ദ്ര സർക്കാർ ഇപ്പോൾ കടുത്ത നിയന്ത്രണങ്ങൾ വരുത്തിയിരിക്കുകയാണ്.

യൂണിക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (UIDAI)യുടെ സിഇഒ ഭുവനേഷ് കുമാർ വ്യക്തമാക്കുന്നതനുസരിച്ച്, ഇനി മുതൽ മറ്റൊരാളുടെ ആധാർ കാർഡിന്റെ ഫോട്ടോകോപ്പി എടുക്കുന്നത് പാടില്ല. സ്വകാര്യസ്ഥാപനങ്ങളിൽ ആധാർ ഫോട്ടോകോപ്പി ആവശ്യപ്പെടുന്ന പതിവ് സുരക്ഷാ പ്രശ്നങ്ങളുണ്ടാക്കുന്നതായി അദ്ദേഹം ചൂണ്ടിക്കാട്ടി.

ആധാർ ഫോട്ടോകോപ്പി നിരോധിച്ചതെന്തുകൊണ്ട്?

മിക്ക ഹോട്ടലുകളും സ്വകാര്യ സ്ഥാപനങ്ങളും സേവനം നൽകുന്നതിന് ഉപഭോക്താക്കളുടെ ആധാർ പകർപ്പുകൾ ശേഖരിക്കാറുണ്ട്. എന്നാൽ ഇത് സ്വകാര്യവിവര ചോർച്ചയ്ക്ക് ഇടയാക്കാൻ സാധ്യതയുണ്ടെന്ന് UIDAI മുന്നറിയിപ്പുനൽകുന്നു.
ജനങ്ങളുടെ സ്വകാര്യത സംരക്ഷിക്കുന്നതിനായി ഈ പഴയ സംവിധാനം ഒഴിവാക്കാൻ സർക്കാർ തീരുമാനിച്ചു.

സിഇഒ ഭുവനേഷ് കുമാറിന്റെ വാക്കുകൾ:

“വിവര സുരക്ഷ ഉറപ്പാക്കുന്നതിനാണ് ഈ പുതിയ നിയമം. ആധാർ വെരിഫിക്കേഷൻ പൂർണ്ണമായും ഡിജിറ്റലാക്കി മാറുന്നുണ്ടെന്നും അതിനായി രാജ്യവ്യാപക സംവിധാനങ്ങൾ വരുന്നു.”

നിയമം ലംഘിച്ചാൽ കർശന നടപടി

പുതിയ നിയമപ്രകാരം, മറ്റൊരാളുടെ ആധാർ കാർഡ് പകർപ്പെടുക്കുന്ന വ്യക്തികൾക്കും സ്ഥാപനങ്ങൾക്കും നടപടി ഉണ്ടാകും. ഇതിന് ആവശ്യമായ മാർഗ്ഗനിർദേശങ്ങൾ ഉടൻ പുറപ്പെടുവിക്കുമെന്നും UIDAI അറിയിച്ചു.

UIDAI ഇനി കൊണ്ടുവരുന്നത് പുതിയ ആപ്പ്; ആധാർ ഉപയോഗം കൂടുതൽ സുരക്ഷിതമാകും

ആധാർ വെരിഫിക്കേഷൻ പൂർണ്ണമായും ഡിജിറ്റലാക്കുന്നതിനായി പുത്തൻ മൊബൈൽ ആപ്പ് UIDAI വികസിപ്പിച്ചു കൊണ്ടിരിക്കുകയാണ്. ഇതിന്റെ പ്രധാന ഗുണങ്ങൾ:

• ഹോട്ടൽ, ഷോപ്പ്, വിമാനത്താവളം തുടങ്ങിയ ഇടങ്ങളിൽ ഫോട്ടോകോപ്പി ആവശ്യമില്ല
• ഉപഭോക്താവിന്റെ പ്രായവും തിരിച്ചറിയലും സുരക്ഷിതമായി സ്ഥിരീകരിക്കാം
• കുടുംബാംഗങ്ങൾക്ക് മൊബൈൽ ഇല്ലെങ്കിലും അവരുടെ വിവരങ്ങൾ ആപ്പിൽ ചേർക്കാം
• ആപ്പ് ഉപയോക്തൃ സൗഹൃദ രീതിയിൽ രൂപകൽപ്പന ചെയ്യുന്നു

സർക്കാരിന്റെ ലക്ഷ്യമനുസരിച്ച്, 18 മാസത്തിനുള്ളിൽ ഈ ആപ്പ് രാജ്യത്ത് എല്ലായിടത്തും പ്രചാരത്തിലാകും.

കേരളത്തിൽ സ്വർണവില ഉയർന്നു; ഇന്നത്തെ പുതുക്കിയ നിരക്ക് ഇതാണ്

കേരളത്തിലെ സ്വർണവിപണിയിൽ ഇന്ന് വിലയിൽ നേരിയ വർധനവ് രേഖപ്പെടുത്തി. 22 കാരറ്റ് സ്വർണത്തിന്റെ പവന് വില ₹200 ഉയർന്ന് ഇപ്പോൾ ₹95,640 എന്ന നിരക്കിലെത്തിയിട്ടുണ്ട്. വിലയിൽ തുടർച്ചയായ ഉയർച്ചയെത്തുടർന്ന് ഉപഭോക്താക്കളിൽ വീണ്ടും ആശങ്ക വർധിക്കുന്നു.

ഇന്നത്തെ സ്വർണവില (Kerala Gold Rate Today):

• 22 കാരറ്റ് സ്വർണം (1 ഗ്രാം): ₹11,955
• 18 കാരറ്റ് സ്വർണം (1 ഗ്രാം): ₹9,830
• 14 കാരറ്റ് സ്വർണം (1 ഗ്രാം): ₹7,660
• 9 കാരറ്റ് സ്വർണം (1 ഗ്രാം): ₹4,940

വെള്ളി വില

വെള്ളി ആഭരണങ്ങൾക്ക് കൂടുതൽ പ്രചാരം ഉള്ള ജില്ലകളിൽ ഡിമാൻഡ് വലിയ തോതിൽ വർധിച്ചതോടെ വെള്ളിയുടെ വിലയും today slight rise. ഇന്ന് ഒരു ഗ്രാം വെള്ളി: ₹190 എന്ന നിരക്കിലാണ് വ്യാപാരം നടന്നത്.

പണിക്കൂലി, ജിഎസ്ടി, ഹാൾമാർക്കിംഗ് ചേർത്താൽ ഒരു പവൻ സ്വർണാഭരണത്തിന് ലക്ഷം രൂപയ്ക്ക് സമീപം ചെലവ്

സ്വർണത്തിന്റെ അടിസ്ഥാന വിലയ്‌ക്ക് പുറമേ പണിക്കൂലി, ജിഎസ്ടി, ഹാൾമാർക്കിങ് ചാർജ് എന്നിവ ചേർന്നാൽ ഒരു പവൻ സ്വർണാഭരണം വാങ്ങാൻ ₹1 ലക്ഷം വരെ ചെലവ് വരാനിടയുണ്ട്.

• പണിക്കൂലി: കുറഞ്ഞത് 5%
• ജിഎസ്ടി: 3%
• ഹാൾമാർക്കിങ് ചാർജ്: വ്യത്യാസപ്പെടാം

അതായത്, ഇന്ന് വിപണിയിൽ ഒരു പവൻ സ്വർണാഭരണം വാങ്ങുമ്പോൾ ഉപഭോക്താക്കൾക്ക് നൽകേണ്ട ആകെ തുക വമ്പിച്ച രീതിയിൽ ഉയരുകയാണ്.

നടിയെ ആക്രമിച്ച കേസ് ; ദിലീപിനെ വെറുതെവിട്ടു, ഒന്നു മുതല്‍ ആറുവരെയുള്ള പ്രതികള്‍ കുറ്റക്കാര്‍

കൊച്ചിയിൽ നടിയെ ആക്രമിച്ച കേസിൽ എട്ടാം പ്രതിയായ നടൻ ദിലീപിനെ എറണാകുളം പ്രിൻസിപ്പൽ സെഷൻസ് കോടതി വെറുതെവിട്ടു. ഒന്നാം പ്രതിയായ പൾസർ സുനിയടക്കമുള്ള ആറു പ്രതികളെ കൂട്ടബലാത്സംഗം, തട്ടിക്കൊണ്ടുപോകൽ, ഗൂഡാലോചന തുടങ്ങിയ ഗുരുതര കുറ്റങ്ങളിൽ കോടതി കുറ്റക്കാരായി കണ്ടെത്തി.

ആറു വർഷം നീണ്ട വിചാരണയ്ക്ക് ശേഷമാണ് ജഡ്ജി ഹണി എം. വർഗീസ് അന്തിമ വിധി പ്രസ്താവിച്ചത്. കൃത്യത്തിൽ നേരിട്ട് പങ്കെടുത്തിട്ടില്ലെങ്കിലും സംഭവത്തിന്റെ ആസൂത്രകനാണെന്ന് പ്രോസിക്യൂഷൻ ആരോപിച്ച് ദിലീപിനെതിരെയും ബലാത്സംഗക്കുറ്റം ചുമത്തിയിരുന്നുവെങ്കിലും അത് കോടതി തള്ളുകയായിരുന്നു. 2017 ഫെബ്രുവരിയിൽ നടി വാഹനത്തിൽ യാത്ര ചെയ്യുന്നതിനിടെ ആക്രമിക്കപ്പെട്ട കേസിൽ 261 സാക്ഷികളെ വിസ്തരിച്ചു; 1700-ത്തിലധികം രേഖകൾ പരിശോധിച്ചു. വിചാരണയ്ക്കിടെ 28 സാക്ഷികൾ മൊഴിമാറി. ആക്രമണത്തിന് പിന്നിൽ വ്യക്തി വേരൂട്ടൽ പ്രവർത്തനങ്ങളും ദിലീപിനോടുള്ള പഴയ വിരോധവുമാണെന്ന് നടി കോടതിയിൽ മൊഴി നൽകിയിരുന്നു. പൾസർ സുനി മുൻപരിചയമില്ലെന്ന ദിലീപിന്റെ വാദവും ഒന്നാം പ്രതിയുടെ മൊഴി തള്ളിക്കളഞ്ഞു. 2017 മുതൽ വാർത്തകളിൽ ശ്രദ്ധ നേടിയ ഈ കേസ് രാജ്യത്തെ മുഴുവൻ ഉറ്റുനോക്കിയ സംഭവമായിരുന്നു.

Star Health Insurance

ക്ഷേത്രപ്പണം തിരികെ തേടി തിരുനെല്ലിയും തൃശ്ശിലേരിയും; സിപിഎം ഭരിക്കുന്ന സഹകരണ ബാങ്കുകൾക്ക് നോട്ടീസ്

സുപ്രീംകോടതി നൽകിയ നിർണായക നിരീക്ഷണങ്ങളുടെ പശ്ചാത്തലത്തിൽ സഹകരണ ബാങ്കുകളിലും സംഘങ്ങളിലും നിക്ഷേപിച്ച തുക തിരികെ നേടാനുള്ള ശ്രമം തിരുനെല്ലി മഹാവിഷ്ണു ക്ഷേത്രവും തൃശ്ശിലേരി ശിവക്ഷേത്രവും വീണ്ടും ശക്തമാക്കുന്നു. ക്ഷേത്രങ്ങളുടെ നിക്ഷേപം ദൈവത്തിന്‍റെ സമ്പാദ്യമാണെന്നും സഹകരണ ബാങ്കുകളെ സംരക്ഷിക്കാനല്ലെന്നും സുപ്രീംകോടതി വ്യക്തമാക്കിയതോടെ, ബാങ്കുകളിൽ കുടുങ്ങിക്കിടക്കുന്ന പണം തിരിച്ചുപിടിക്കാനുള്ള പ്രതീക്ഷ പുതുതായി ഉയർന്നിരിക്കുകയാണ്.വയനാട് തിരുനെല്ലി സർവീസ് സഹകരണ ബാങ്ക് ഉൾപ്പെടെ സി.പി.എം നിയന്ത്രിത ബാങ്കുകളിലും വിവിധ സൊസൈറ്റികളിലും തിരുനെല്ലി ക്ഷേത്രത്തിന് ഏകദേശം എട്ടരക്കോടി രൂപയും തൃശ്ശിലേരി ക്ഷേത്രത്തിന് ഒന്നരക്കോടിയിലധികം രൂപയും ലഭിക്കാനുണ്ടെന്നാണ് വിവരം. രണ്ടു വർഷത്തിലേറെയായി പണം ആവശ്യപ്പെട്ടിട്ടും സാമ്പത്തിക പ്രതിസന്ധി ചൂണ്ടിക്കാട്ടി ബാങ്കുകളും സൊസൈറ്റികളും തുക തിരികെ നൽകാത്തതിനെ തുടർന്ന് തിരുനെല്ലി ക്ഷേത്രം സുപ്രീംകോടതിയെ സമീപിച്ചു. ഹൈക്കോടതി രണ്ട് മാസത്തിനകം പണം മടക്കി നൽകണമെന്ന് നിർദ്ദേശിച്ചെങ്കിലും ബാങ്കുകൾ അതിനെതിരെ ഹർജി നൽകിയിരുന്നു. എന്നാൽ, ക്ഷേത്രത്തിലെ പണം സുരക്ഷിതമായ ദേശീയ ബാങ്കുകളിൽ നിക്ഷേപിക്കുന്നത് തെറ്റല്ലെന്നും ബാങ്കുകളുടെ ഹർജി തള്ളിക്കളയുകയും ചെയ്ത സുപ്രീംകോടതിയുടെ നിലപാടോടെ തുക തിരിച്ചുപിടിക്കാനുള്ള ശ്രമങ്ങൾക്ക് പുതുജീവനം ലഭിച്ചിരിക്കുകയാണ്. ഇത്രയും വലിയ തുക വീണ്ടെടുക്കുന്നതിൽ ദേവസ്വം ഉറച്ച ഇടപെടൽ നടത്താത്തതിനെതിരെ വിമർശനങ്ങളും മുൻപ് ഉയർന്നിരുന്നു. ക്ഷേത്രങ്ങളുടെ പണം തിരിച്ചുകിട്ടാത്തതിനെതിരെ യു.ഡി.എഫ്, ബി.ജെ.പി എന്നിവരും പ്രതിഷേധ പരിപാടികൾ നടത്തിയിരുന്നു. ശബരിമല വിഷയത്തിൽ തന്നെ പ്രതിരോധത്തിലായിരിക്കുന്ന സാഹചര്യത്തിൽ, പാർട്ടി നേതൃത്വത്തിലുള്ള ബാങ്കുകളും സൊസൈറ്റികളും ക്ഷേത്രങ്ങളുടെ പണം നൽകാതെ തുടരുന്നതോടെ സി.പി.എം വയനാട്ടിൽ കൂടി സമ്മർദ്ദത്തിലാകുകയാണ്.

ഡോ. മൂപ്പൻസ് മെഡിക്കൽ കോളേജിൽ ‘ഡി.എം ആശ്വാസ്’ പദ്ധതി; സൗജന്യ ജനറൽ ശസ്ത്രക്രിയകൾ പ്രഖ്യാപിച്ചു

പുതുവത്സരത്തോടനുബന്ധിച്ച് സാമ്പത്തികമായി പിന്നാക്കം നിൽക്കുന്ന രോഗികൾക്ക് വലിയ ആശ്വാസമായി ഡോ. മൂപ്പൻസ് മെഡിക്കൽ കോളേജിലെ ജനറൽ സർജറി വിഭാഗം സൗജന്യ ശസ്ത്രക്രിയാ ക്യാമ്പ് പ്രഖ്യാപിച്ചു. 2025 ഡിസംബർ 8 മുതൽ 2026 ജനുവരി 31 വരെ വിവിധ വിഭാഗങ്ങളിലെ പ്രധാന ജനറൽ ശസ്ത്രക്രിയകൾ പൂർണമായും സൗജന്യമായി ലഭ്യമാകും.ഡോക്ടർ നിർദേശിച്ചിട്ടും സാമ്പത്തിക പ്രശ്നങ്ങൾ മൂലം ശസ്ത്രക്രിയകൾ നടത്താൻ കഴിയാതെ പോകുന്ന രോഗികളെ ലക്ഷ്യമിട്ടാണ് ഈ സേവനം. അപ്പെൻഡിസെക്റ്റമി, ഹെർണിയ, തൈറോയ്ഡ് ശസ്ത്രക്രിയകൾ, ഡയബെറ്റിക് ഫൂട്ട്, ഫിസ്റ്റുല, പൈൽസ്, വെരിക്കോസ് വെയിൻ, അർശസ്, സ്തന ശസ്ത്രക്രിയകൾ, മുഴകൾ തുടങ്ങിയ പ്രധാനപ്പെട്ട ശസ്ത്രക്രിയകൾ ഈ പദ്ധതിയുടെ ഭാഗമായി സൗജന്യമായി നിർവഹിക്കും.സാധാരണക്കാർക്ക് മെച്ചപ്പെട്ട സർജിക്കൽ പരിചരണവും പുരോഗമനപരമായ ചികിത്സാ സൗകര്യങ്ങളും ലഭ്യമാക്കുക എന്ന ലക്ഷ്യത്തോടെയാണ് ഡോ. മൂപ്പൻസ് മെഡിക്കൽ കോളേജ് ഈ ഉദാത്ത പ്രവർത്തനം ആരംഭിച്ചിരിക്കുന്നത്.കൂടുതൽ വിവരങ്ങൾക്ക് ബന്ധപ്പെടുക: 8606 976 222, 8111 881 175, 8943 899 899

പിഎം ഇ-ഡ്രൈവ്. പദ്ധതി: കേരളത്തിൽ 340 പുതിയ ഇ-ചാർജിംഗ് കേന്ദ്രങ്ങൾ

കേരളത്തിൽ ഇലക്ട്രിക് വാഹനം ചാർജിംഗ് നെറ്റ്‌വർക്ക് വ്യാപിപ്പിക്കുന്നതിന് പിഎം ഇ-ഡ്രൈവ് പദ്ധതിയുടെ ഭാഗമായി 340 ലൊക്കേഷനുകൾ കണ്ടെത്തിയതായി കെഎസ്‌ഇബി അറിയിച്ചു. സർക്കാർ വകുപ്പുകളും കേന്ദ്ര–സംസ്ഥാന പൊതുമേഖലാ സ്ഥാപനങ്ങളും ചാർജിംഗ് സ്റ്റേഷൻ സ്ഥാപിക്കാൻ സ്ഥലങ്ങൾ അനുവദിക്കാനുള്ള തയ്യാറെടുപ്പ് നടത്തി വരുന്നു.ഇവയിൽ ബി.എസ്.എൻ.എൽ മാത്രമായി 91 ലൊക്കേഷനുകൾ നൽകാൻ സമ്മതം രേഖപ്പെടുത്തിയിട്ടുണ്ട്. കൂടാതെ കെ.എസ്.ആർ.ടി.സി, ഐ.എസ്.อർ.ഒ എന്നീ സ്ഥാപനങ്ങളും ആവശ്യമായ സ്ഥലങ്ങൾ വിട്ടുനൽകും.പദ്ധതിക്കായി രാജ്യത്തെ ഓരോ സംസ്ഥാനങ്ങൾക്കും കേന്ദ്ര സർക്കാർ 2,000 കോടി രൂപ വരെ സബ്സിഡി അനുവദിക്കാനാണ് തീരുമാനം. കേരളത്തിന്റെ പ്രൊപ്പോസൽ അംഗീകരിക്കപ്പെടുകയാണെങ്കിൽ സംസ്ഥാനത്തിന് 300 കോടി രൂപ വരെ സബ്സിഡി ലഭിക്കാനാണ് സാധ്യത. പ്രത്യേകിച്ച്, സർക്കാർ വകുപ്പുകൾക്കും പൊതുമേഖലാ സ്ഥാപനങ്ങൾക്കും കീഴിലുള്ള വളപ്പുകളിൽ സ്ഥാപിക്കുന്ന ചാർജിംഗ് സ്റ്റേഷനുകൾക്കായി വൈദ്യുത ലൈൻ, ട്രാൻസ്‌ഫോർമർ, ചാർജിംഗ് ഉപകരണങ്ങൾ തുടങ്ങി മുഴുവൻ അടിസ്ഥാന സൗകര്യങ്ങൾക്കും 100% സബ്സിഡി ലഭിക്കും.പദ്ധതിയുടെ സംസ്ഥാന നോഡൽ ഏജൻസിയായ കെഎസ്‌ഇബി, സ്ഥാപനങ്ങൾ മാറ്റിവെക്കുന്ന സ്ഥലങ്ങളിൽ ചാർജിംഗ് സ്റ്റേഷനുകൾ സ്ഥാപിക്കുന്നതിനായി കരാറുകാരെ തെരഞ്ഞടുക്കും. വരുമാനം സ്ഥലുടമകളുമായി പങ്കിടേണ്ടതിനാൽ, കൂടുതൽ വരുമാനം പങ്കുവെക്കാൻ തയ്യാറാകുന്ന സ്ഥാപനങ്ങളെയാണ് കരാർ അനുവദിയ്ക്കാൻ മുൻഗണന നൽകുകെന്നും അധികൃതർ വ്യക്തമാക്കിയിട്ടുണ്ട്.

തദ്ദേശ തെരഞ്ഞെടുപ്പ്: പോളിങ് ബൂത്തുകളായി പ്രവര്‍ത്തിക്കുന്ന ജില്ലയിലെ വിദ്യാഭ്യാസ സ്ഥാപനങ്ങള്‍ക്ക് അവധി

ജില്ലയിൽ നടക്കുന്ന തദ്ദേശ തെരഞ്ഞെടുപ്പ് മുന്നോടിയായി വിദ്യാഭ്യാസ സ്ഥാപനങ്ങൾക്ക് പ്രത്യേക അവധി പ്രഖ്യാപിച്ചു. പോളിംഗ് ബൂത്തുകളായി പ്രവർത്തിക്കുന്ന സ്കൂളുകളും കോളേജുകളും ഡിസംബർ 10, 11 തീയതികളിൽ അവധിയായിരിക്കും.കൂടാതെ, പോളിംഗ് സാമഗ്രികളുടെ വിതരണം, സ്വീകരണം, വോട്ടെണ്ണൽ എന്നിവയ്ക്കായി ഉപയോഗിക്കുന്ന വിദ്യാഭ്യാസ സ്ഥാപനങ്ങൾക്ക് ഡിസംബർ 9 മുതൽ 13 വരെയും അവധി ബാധകമാണെന്ന് ജില്ലാ തെരഞ്ഞെടുപ്പ് ഓഫീസറും ജില്ലാ കലക്ടറുമായ ഡി. ആർ. മേഘശ്രീ അറിയിച്ചു.തദ്ദേശ തെരഞ്ഞെടുപ്പ് ഒരുക്കങ്ങളുടെ ഭാഗമായി ജില്ലയിൽ ഭരണ-തിരഞ്ഞെടുപ്പ് പ്രവർത്തനങ്ങൾ സുഗമമാക്കുന്നതിനാണ് ഈ നടപടിയെന്ന് അധികൃതർ വ്യക്തമാക്കി.