കല്പ്പറ്റ: ലോക്സഭ തെരഞ്ഞെടുപ്പ് ദിനത്തില് പൊതുജനങ്ങള്ക്ക് പോളിങ് ശതമാനം അറിയാന് തെരഞ്ഞെടുപ്പ് കമ്മീഷന്റെ വോട്ടര് ടേണ്ഔട്ട് ആപ്പ് തയ്യാറായി. നിയോജക മണ്ഡലാടിസ്ഥാനത്തിലുള്ള പോളിങ് ശതമാനം രണ്ട് മണിക്കൂര് ഇടവിട്ട് വോട്ടര് ടേണ്ഔട്ട് ആപ്പില് ലഭിക്കും. പോളിങ് ദിവസത്തിന്റെ തൊട്ടടുത്ത ദിവസം ബൂത്ത് തിരിച്ചുള്ള വിവരങ്ങളും പൊതുജനങ്ങള്ക്ക് ലഭ്യമാകും.
വയനാട് ജില്ലയിലെ വാർത്തകൾ അറിയാൻ ഞങ്ങളോടൊപ്പം ചേരൂ…!!https://chat.whatsapp.com/H87vqTeVKgiCLe3WEtlREr
പോളിങ് സ്റ്റേഷനുകളിലെ നടപടിക്രമങ്ങള് നിരീക്ഷിക്കാന് ഓരോ മണിക്കൂറിലെ പോളിങ് ശതമാനം പുതുക്കുന്നതിന് പോളിങ് ഉദ്യോഗസ്ഥര്ക്ക് തെരഞ്ഞെടുപ്പ് കമ്മീഷന്റെ പോള് മാനേജര് ആപ്ലിക്കേഷനും സജ്ജമാക്കിയിട്ടുണ്ട്. പോളിങ് ബൂത്തിലെ പ്രിസൈഡിങ് ഓഫീസര്, ഒന്നാം പോളിങ് ഓഫീസര്, സെക്ടറല് ഓഫീസര്, റിട്ടേണിങ് ഓഫീസര്, അസിസ്റ്റന്റ് റിട്ടേണിങ് ഓഫീസര്മാര് എന്നിവര്ക്ക് പോള് മാനേജര് ആപ്പ് നിരീക്ഷിക്കാം. പോളിങ് സംഘം വിതരണ കേന്ദ്രങ്ങളില് നിന്നും അതത് പോളിങ് കേന്ദ്രങ്ങളിലേക്ക് പുറപ്പെടുന്നത് മുതല് വോട്ടെടുപ്പ് പൂര്ത്തീകരിച്ച തിരിച്ചെത്തുന്നത് വരെയുള്ള സമയത്തിനകം 20 ചോദ്യങ്ങളുടെ ഉത്തരങ്ങളായാണ് പ്രിസൈഡിങ് ഓഫീസറോ ഒന്നാം പോളിങ് ഓഫീസറോ ആപ്പ് മുഖേന വിവരങ്ങള് സമയബന്ധിതമായി രേഖപ്പെടുത്തും.