സ്ത്രീ ജീവനക്കാരുടെ എണ്ണം ഐടി കമ്പനികളിൽ കുറയുന്നു; പഠന റിപ്പോർട്ട് പുറത്ത്
ജീവനക്കാരുടെ എണ്ണത്തില്‍ വമ്പൻ ഐടി കമ്ബനികളിലെ ഗണ്യമായ ഇടിവ് കഴിഞ്ഞ സാമ്ബത്തിക വർഷം രേഖപ്പെടുത്തിയതായി കണക്കുകള്‍.
വയനാട് ജില്ലയിലെ വാർത്തകൾ അറിയാൻ ഞങ്ങളോടൊപ്പം ചേരൂ…!!https://chat.whatsapp.com/LmKCkdYCFWw7xvXGGSdarN
25,000 വനിതാ ജീവനക്കാരാണ് ഇൻഫോസിസ്, ടിസിഎസ്, വിപ്രോ, എല്‍ടിഐ മൈൻഡ്ട്രീ, എച്ച്‌സിഎല്‍ ടെക് എന്നിവയുള്‍പ്പെടെ ഇന്ത്യയിലെ മികച്ച അഞ്ച് ഐടി കമ്ബനികളില്‍ 2023-24 സാമ്ബത്തിക വർഷത്തില്‍ കുറഞ്ഞത്. ഇത് സംബന്ധിച്ച പഠനം നടത്തിയത് സ്റ്റാഫിംഗ് സ്ഥാപനമായ എക്സ്ഫെനോയാണ്. ഈ സ്ഥാപനങ്ങളില്‍ ജോലി ചെയ്യുന്ന സ്ത്രീകളുടെ എണ്ണം ഈ കാലയളവില്‍ 5,40,000 ല്‍ നിന്ന് 5,15,000 ആയി കുറഞ്ഞു.
വനിതാ ജീവനക്കാരുടെ എണ്ണം 2020 മുതല്‍ 2023 വരെയുള്ള കാലത്ത് 44% കൂടിയിരുന്നു. അന്ന് അധികമായി 1,66,000 പേരാണ് ഈ കമ്ബനികളുടെ ഭാഗമായത്. ഈ കമ്ബനികളിലെ വനിതാ ജീവനക്കാരുടെ എണ്ണം 2020 മാർച്ചില്‍ അതായത് കോവിഡിന് മുമ്ബ് 3,74,000 ആയിരുന്നു. 2023 മാർച്ചില്‍ ഇത് 540,000 ആയി ഉയർന്നു. എന്നാല്‍ 515,000 ആയി 24 സാമ്ബത്തിക വർഷത്തിന്റെ അവസാനത്തില്‍ ഇത് കുറഞ്ഞു.പുരുഷ ഉദ്യോഗാർത്ഥികളുടെ റിക്രൂട്ട്‌മെന്റില്‍ ഇക്കാലയളവില്‍ വൻ കുതിപ്പ് നടന്നുവെന്നതിന്റെ സൂചനയാണിത്. ഇന്ത്യൻ ഐടി വ്യവസായത്തില്‍ നേതൃസ്ഥാനത്തെത്തുന്ന സ്ത്രീകളുടെ എണ്ണത്തില്‍ ഡൈവേഴ്‌സിറ്റി, ഇക്വിറ്റി, ഇൻക്ലൂഷൻ (ഡിഇഐ) സൊല്യൂഷൻസ് കമ്ബനിയായ അവതാർ ഗ്രൂപ്പിന്റെ കണക്ക് പ്രകാരം ഗണ്യമായ കുറവുണ്ടായിട്ടുണ്ട്. 17% മാത്രമാണ് ഇന്ത്യൻ ഐടി വ്യവസായത്തില്‍ നേതൃസ്ഥാനത്തുള്ള സ്ത്രീകളുടെ ശതമാനം. വ്യത്യസ്ത പശ്ചാത്തലങ്ങളില്‍ നിന്നുള്ള പുതിയ ജീവനക്കാരെ അവസരങ്ങളുടെ അഭാവം നിരുത്സാഹപ്പെടുത്തുന്നു.
Comments (0)