കെഎസ്‌ആര്‍ടിസിയില്‍ ശമ്ബള പ്രതിസന്ധി തുടരുന്നു
കേരള സ്റ്റേറ്റ് റോഡ് ട്രാൻസ്പോർട്ട് കോർപ്പറേഷനിൽ (കെഎസ്‌ആർടിസി) ശമ്പള പ്രതിസന്ധി തുടർന്നു വരുന്നു. മാസാവസാനം ആയിട്ടും ജീവനക്കാർക്ക് മേയ് മാസത്തിലെ രണ്ടാം ഗഡു ശമ്പളം പോലും ലഭ്യമാക്കിയിട്ടില്ല. ശമ്പള പ്രശ്നത്തിൽ പ്രതിഷേധിച്ച് ജീവനക്കാർ നാളെ മുതൽ സമരത്തിന് ഒരുങ്ങുകയാണ്.
വയനാട് ജില്ലയിലെ വാർത്തകൾ അറിയാൻ ഞങ്ങളോടൊപ്പം ചേരൂ…!!https://chat.whatsapp.com/LmKCkdYCFWw7xvXGGSdarN
ടി.ഡിഎഫിന്റെ നേതൃത്വത്തിൽ നാളെ ചീഫ് ഓഫീസ് ഉപരോധിച്ച് പ്രതിഷേധം നടത്താനാണ് തീരുമാനം. അടുത്തമാസം മുതൽ ശമ്പളം ഒറ്റത്തവണയായി നൽകുമെന്ന് സർക്കാർ പ്രഖ്യാപിച്ചിരുന്നുവെങ്കിലും, മേയ് മാസത്തെ ശമ്പളത്തിന്റെ രണ്ടാം ഗഡു ഇതുവരെ നൽകിയിട്ടില്ല.
ജീവനക്കാർക്ക് ശമ്പളത്തിന്റെ ആദ്യ ഗഡു നൽകിയത് മാസത്തിന്റെ പകുതിയായപ്പോഴാണ്. എല്ലാ മാസവും അഞ്ചാം തീയതിക്ക് മുമ്പ് ശമ്പളം നൽകുമെന്ന് സർക്കാർ ഉറപ്പുനൽകിയിരുന്നുവെങ്കിലും, ഈ ഉറപ്പ് പാലിക്കാതായപ്പോൾ കഴിഞ്ഞ മാസം മുതൽ പ്രതിഷേധം ശക്തമാക്കിയിരുന്നു. ശമ്പള പ്രതിസന്ധി ആവർത്തിക്കുന്ന സാഹചര്യത്തിൽ, അനിശ്ചിതകാല സമരം എന്ന ആലോചനയിലേക്ക് പ്രതിപക്ഷ സംഘടനകൾ നീങ്ങുകയാണ്.
Comments (0)