കേരളത്തിൽ കേന്ദ്ര കാലാവസ്ഥാ വകുപ്പിന്റെ റെഡ്, ഓറഞ്ച്, മഞ്ഞ അലർട്ടുകളുടെ പശ്ചാത്തലത്തിൽ ജാഗ്രത പാലിക്കണമെന്ന് ജില്ലാ കളക്ടർമാർക്ക് വനം-വന്യജീവി സംരക്ഷണ വകുപ്പ് മന്ത്രി എ.കെ. ശശീന്ദ്രൻ നിർദേശിച്ചു.
വയനാട് ജില്ലയിലെ വാർത്തകൾ അറിയാൻ ഞങ്ങളോടൊപ്പം ചേരൂ…!!https://chat.whatsapp.com/LmKCkdYCFWw7xvXGGSdarN
മഴയും വെള്ളക്കെട്ടും
ഒറ്റപ്പെട്ട അതിശക്തമായ മഴ (24 മണിക്കൂറിൽ 115.6 മില്ലിമീറ്റർ മുതൽ 204.4 മില്ലിമീറ്റർ വരെ) മണ്ണിടിച്ചിലും വെള്ളക്കെട്ടും സൃഷ്ടിക്കാൻ സാധ്യതയുണ്ട്. മലയോര മേഖലകളിലും വനങ്ങളിലും മലവെള്ളപ്പാച്ചിലും ഉരുൾപൊട്ടലും സാധ്യമാണ്. അപകട സാധ്യതയുള്ള സ്ഥലങ്ങളിൽ താമസിക്കുന്നവരെ അടിയന്തരമായി മാറ്റി താമസിപ്പിക്കണം.
റോഡുകളുടെ സുരക്ഷ
നഗരങ്ങളിലും താഴ്ന്ന പ്രദേശങ്ങളിലും വെള്ളക്കെട്ടുകൾ ഒഴിവാക്കാൻ ആക്ഷൻ പ്ലാനുകൾ തയ്യാറാക്കി നടപ്പിലാക്കണം. ദേശീയപാത, സംസ്ഥാനപാത, മറ്റു റോഡ് നിർമ്മാണ പ്രവർത്തനങ്ങൾ നടക്കുന്ന സ്ഥലങ്ങളിൽ വെള്ളക്കെട്ട് ഒഴിവാക്കാൻ ബന്ധപ്പെട്ട വകുപ്പുകൾക്ക് നിർദേശം നൽകണം. പ്രവൃത്തി നടക്കുന്ന സ്ഥലങ്ങളിൽ അപകട മുന്നറിയിപ്പ് ബോർഡുകൾ സ്ഥാപിക്കണമെന്നും ഉറപ്പാക്കണം.
ജാഗ്രതയും നിർമ്മലീകരണവും
മഴ ശക്തമായ പ്രദേശങ്ങളിൽ പകൽ സമയത്ത് തന്നെ ആളുകളെ മാറ്റി താമസിപ്പിക്കണം. ദുരിതാശ്വാസ ക്യാമ്പുകളിൽ നിന്ന് അപകട സാധ്യതയുള്ള സ്ഥലങ്ങളിലേക്ക് രാത്രിയിൽ പോകാൻ അനുവദിക്കരുത്.
കാറ്റും മറ്റും
ശക്തമായ കാറ്റ് പ്രതീക്ഷിക്കുന്നതിനാൽ അപകട സാധ്യതയുള്ള മരങ്ങൾ, മരച്ചില്ലകൾ, ഹോർഡിങ്ങുകൾ, ബോർഡുകൾ, ഇലക്ട്രിക്ക് പോസ്റ്റുകൾ എന്നിവ സുരക്ഷിതമാക്കാൻ നടപടികൾ സ്വീകരിക്കണം. വൈദ്യുതി പോസ്റ്റുകളുടെ സുരക്ഷ KSEB പരിശോധിക്കണം. 24*7 KSEB കണ്ട്രോൾ റൂമുകൾ പ്രവർത്തിക്കണം.
ഓറഞ്ച് ബുക്ക് മാർഗ്ഗനിർദ്ദേശങ്ങൾ
ജില്ലയിലെ ദുരന്ത പ്രതിരോധ-പ്രതികരണ പ്രവർത്തനങ്ങൾ ഓറഞ്ച് ബുക്ക് 2023 പ്രകാരം ആസൂത്രണം ചെയ്യണം. ഓറഞ്ച് ബുക്ക് 2023 ലിങ്ക്: Orange Book of Disaster Management 2023.
സന്നദ്ധ പ്രവർത്തകരുടെ പങ്ക്
ദുരന്തനിവാരണ പ്രവർത്തനങ്ങളിൽ സിവിൽ ഡിഫൻസ്, ആപ്ദമിത്ര, സന്നദ്ധ സേന വോളന്റീർമാരുടെ സേവനം ഉപയോഗിക്കാം.
ജലനിരപ്പിന്റെ നിരീക്ഷണം
നദികളിലെ ജലനിരപ്പ് ഉയരുന്നത് ശ്രദ്ധിക്കണം. ഡാമുകളുടെ റൂൾ curve കൾ പാലിക്കുന്നുണ്ടെന്ന് ഉറപ്പാക്കാനും KSEB, ഇറിഗേഷൻ, KWA വകുപ്പുകൾക്ക് നിർദേശം നൽകണം.
അപ്‌ഡേറ്റുകളും മുന്നറിയിപ്പുകളും
കാലാവസ്ഥാ മുന്നറിയിപ്പുകൾ യഥാസമയം അപ്‌ഡേറ്റ് ചെയ്യണം.
കേരള സംസ്ഥാന ദുരന്ത നിവാരണ അതോറിറ്റി.