ഗതാഗത നിയമലംഘനങ്ങൾ പൊതുജനങ്ങൾക്ക് കണ്ടെത്തി, തെളിവ് സഹിതം അധികൃതർക്ക് കൈമാറാൻ സഹായിക്കുന്ന മൊബൈൽ ആപ്പ് ഉടൻ പുറത്തിറക്കുമെന്ന് ഗതാഗത മന്ത്രി കെ.ബി. ഗണേഷ്കുമാർ. ഈ ആപ്പിലൂടെ ലൈൻ ട്രാഫിക്, അനധികൃത പാർക്കിങ്, ഇരുചക്രവാഹനങ്ങളിൽ രണ്ടു പേരിലധികം സവാരി തുടങ്ങിയ നിയമലംഘനങ്ങൾ ശ്രദ്ധയിൽപ്പെടുകയും, സമർപ്പിക്കപ്പെട്ട തെളിവുകൾ പരിശോധിച്ച്‌ നടപടി സ്വീകരിക്കുകയും ചെയ്യും.
വയനാട് ജില്ലയിലെ വാർത്തകൾ അറിയാൻ ഞങ്ങളോടൊപ്പം ചേരൂ…!!https://chat.whatsapp.com/LmKCkdYCFWw7xvXGGSdarN
ഓണത്തിന് മുമ്പ് കെ.എസ്.ആർ.ടി.സി ജീവനക്കാരുടെ ശമ്പളം ഒറ്റത്തവണയായി നൽകാൻ നടപടികൾ പുരോഗമിക്കുകയാണെന്നും, ബാങ്ക് കൺസോർട്ടിയവുമായി നടത്തിയ ചർച്ചകൾ മുന്നേറുകയാണെന്നും മന്ത്രി അറിയിച്ചു. കോർപ്പറേഷന്റെ പ്രതിദിന വരുമാനം വർധിച്ചതും, ഡീസൽ ഉപഭോഗത്തിൽ ദിവസവും ഒരു കോടി രൂപ ലാഭം നേടുന്നതായും അദ്ദേഹം പറഞ്ഞു. ഡിപ്പോകളിലെ വൈദ്യുതി ഉപഭോഗത്തിൽ കുറവുണ്ടായി. 10 ശൗചാലയങ്ങളുടെ നടത്തിപ്പ് സുലഭ് ഏജൻസിക്ക് കൈമാറിയതായും, ഭക്ഷണശാലകളുടെ നടത്തിപ്പിനും ടെൻഡർ വിളിച്ചതായും മന്ത്രി കൂട്ടിച്ചേർത്തു.
ഇരുചക്രവാഹനങ്ങളുടെ പിന്നിൽ ഇരുന്ന് സംസാരിക്കുന്നവർക്കെതിരെ പിഴ ചുമത്തുമെന്ന പ്രചാരണം അടിസ്ഥാനരഹിതമാണെന്ന് മന്ത്രി വ്യക്തമാക്കി. കെ.എസ്.ആർ.ടി.സിയിൽ മദ്യപിച്ച് ഡ്യൂട്ടിക്ക് വരുന്നത് തടയാൻ കർശന പരിശോധനകൾ ആരംഭിച്ചതിനുശേഷം അപകടനിരക്കിൽ ഗണ്യമായ കുറവുണ്ടായിട്ടുണ്ട്. 15 ആഴ്ചകളായി ദിവസേന 50 അപകടങ്ങൾ റിപ്പോർട്ട് ചെയ്തിരുന്നപ്പോള്‍, ഇപ്പോൾ അത് 25ല്‍ താഴെയായി. ആഴ്ചയിൽ ആറും ഏഴും പേരുടെ മരണങ്ങൾ ഉണ്ടായിരുന്നിടത്ത്, ഇപ്പോൾ ഇങ്ങനെ സംഭവിക്കുന്നില്ല. എല്ലായിടത്തും ആൽക്കോമീറ്റർ ഉപയോഗിച്ച് പരിശോധനകൾ ഉടൻ ആരംഭിക്കുമെന്നും, ഹെഡ് ഓഫിസിലുൾപ്പെടെ എല്ലാ സ്ഥലങ്ങളിലും പരിശോധന നടത്തുമെന്നും, സ്ത്രീകളെ ഒഴിവാക്കി മറ്റ് ജീവനക്കാരെ പരിശോധിക്കുമെന്നും, പരുക്കൻ നടപടികൾ സ്വീകരിക്കുന്നതിനായി സസ്പെൻഷൻ കാലാവധി പൂർത്തിയാകുമ്പോൾ മദ്യപിച്ച് ജോലി ചെയ്യുന്ന ജീവനക്കാരെ തിരിച്ചെടുക്കുമെന്നും മന്ത്രി അറിയിച്ചു.